Dünya

Ter-Petrosyan: Daxili qarşıdurma Ermənistanın danışıqlarda mövqeyini zəiflədir

6 May, 2022
75

açıq mənbədən götürülüb

Paşinyanın yerində kim olsaydı - Robert Köçəryan, Serj Sarkisyan və ya, deyək ki, İşxan Saqatelyan, onlar itaətkarlıqla Ermənistanın üzərinə qoyulacaq qərarı qəbul edərdilər.

“ilur.am” saytı yazır ki, bunu Ermənistanın ilk prezidenti Levon Ter-Petrosyan deyib.

Ter-Petrosyanın fikrincə, hazırkı daxili siyasi qarşıdurma Ermənistanın qarşıdan gələn çətin danışıqlarda mövqeyini gücləndirmir, əksinə zəiflədir.

“Güzəşt etməmək və status-kvonu saxlamaq siyasətinin milli fəlakətə səbəb olduğunu sübut etməyə ehtiyac yoxdur. Fəlakətdən sonra hətta bu siyasətin keçmiş tərəfdarlarının bəziləri bunu etiraf edirlər”, - keçmiş prezident bildirib.

Ter-Petrosyanın sözlərinə görə, bugünkü müxalifətin əsas məqsədinin nə olduğu bəlli deyil: “ Bu, tamamilə əsassız, pafoslu, özünü doğrultmaq cəhdindən başqa bir şey deyil”.

Sabiq prezidentin sözlərinə görə, müvafiq olaraq, problem Ermənistan liderinin şəxsiyyətindən asılı deyil: “Əgər bu sadə həqiqət dərk edilməsə və ölkəmizin daxili siyasi təlatümləri davam edərsə, o zaman Paşinyan və ya başqasının yekun sənədi imzalamasından asılı olmayaraq, bizim üzərimizə qoyulan qərarlar daha ağrılı olacaq”.

“Sual yaranır: indiki müxalifət liderləri bunu dərk edirlərmi? Bunu dərk etmirlərsə, deməli, siyasətdən heç nə başa düşmürlər. Əgər fərqindədirlərsə, amma daxili siyasi təlatümləri davam etdirirlərsə, deməli, milli maraqlarla heç bir əlaqəsi olmayan tamam başqa məqsədlər güdürlər. Müxalifətin təşkil etdiyi nümayiş, yürüş və mitinqlərlə bağlı indiki hakimiyyətin sərt addımlarının milli maraqlarla heç bir əlaqəsi yoxdur” - sabiq prezident deyib.

Ermənistan müxalifəti Baş nazir Nikol Paşinyanın istefasını tələb edərək küçələrə çıxıb. Mayın 1-də etirazçılar tərəfdarlarını genişmiqyaslı vətəndaş itaətsizliyinə çağırıblar və həmin gündən müxalifət tərəfdarları hər gün etiraz aksiyaları keçirirlər.

Hakimiyyət nümayəndələri müxalifətin tələbini rədd edir, belə bir tələbin geniş əhalinin dəstəyini qazanacağına inanmırlar.

Dünya

Putin MDB-yə KTMT-də müşahidəçi statusunun verilməsini istəyir

16 May 2022

kremin.ru

Rusiya Prezidenti Vladimir Putin mayın 16-da Kollektiv Təhlükəsizlik Müqaviləsi Təşkilatının (KTMT) Moskvada keçirilən sammitindəki çıxışı zamanı Müstəqil Dövlətlər Birliyinə (MDB) təşkilatda müşahidəçi statusunun verilməsi təklifi ilə çıxış edib. “TASS”ın məlumatına görə, Prezident Şanxay Əməkdaşlıq Təşkilatı (ŞƏT) və MDB məkanında təbii tərəfdaşlarla əməkdaşlığın qurulmasının vacibliyini vurğulayıb. Putin onu da qeyd edib ki, KTMT payızda birgə hərbi təlimlər planlaşdırır. Onun sözlərinə görə, təlimlərin sayı getdikcə artacaq və onlar Qazaxıstan, Qırğızıstan və Tacikistanda keçiriləcək. Mayın 15-də Belarusun müdafiə naziri Viktor Xrenin bir neçə ildən sonra onlarla ölkənin KTMT-yə qoşulacağını bəyan etmişdi. Hazırda təşkilatın üzvləri Rusiya, Belarus, Qazaxıstan, Ermənistan, Qırğızıstan və Tacikistandır. Putin sammitdəki...
Dünya

BMT: Hər 10 ukraynalıdan 9-u yoxsulluq təhlükəsiylə üz-üzədir

16 May 2022

Getty Images

Rusiya ilə Ukrayna arasındakı müharibə uzanarsa, bu, hər 10 ukraynalıdan 9-nun yoxsulluq həddinindən də aşağı həddə düşməsinə gətirib çıxaracaq. Bu barədə BMT məlumat yayıb. “Ukraynada azı 100 milyard ABŞ dolları dəyərində olan binalar, yollar, körpülər, xəstəxanalar, məktəblər dağıdılıb. Müəssisələrin yarısı tamamilə bağlanıb, digər yarısı isə çətinliklə üzləşib”, - deyə BMT-nin açıqlamasında bildirilir. Qurum qeyd edir ki, əgər Ukraynada müharibə uzanarsa, bu, ölkənin inkişafını iyirmi ilə yaxın müddətdə təhlükə altına qoya bilər. Mayın əvvəlində «CNN» xəbər vermişdi ki, Ukraynanın cənubunda rus hərbçiləri işğal etdikləri ərazilərdə ukraynalı fermerlərdən taxıl ehtiyatını və kənd təsərrüfatı texnikasını oğurlayır, həmçinin ərzaq anbarlarını atəşə tuturlar. Kiyev İqtisadiyyat...

Seçilmiş Videolar

Toplum TV loqo