Dünya

Tramp FTB-nin axtarış zamanı götürdüyü pasportları qaytardığını deyir

17 Avqust, 2022
141

MARCA

ABŞ-ın keçmiş prezidenti Donald Tramp bildirib ki, Federal Təhqiqatlar Bürosu (FTB) onun Floridadakı mülkündə axtarış zamanı ələ keçirilən pasportları geri qaytarıb.

Tramp özünün "Truth" sosial şəbəkəsində yazıb: “Ədliyyə Nazirliyi və FTB pasportlarımı qaytarıb".

O, bildirib ki, axtarış zamanı hüquq-mühafizə orqanlarının əməkdaşları özlərini quldur kimi aparıb, ələ keçən hər şeyi götürüblər. "Belə bir şey Amerikada baş verməməlidir", - Tramp deyib.

https://toplum.tv/dunya/tramp-malikanesinden-goturulen-senedlerin-geri-qaytarilmasini-teleb-edir

Daha əvvəl Tramp demişdi ki, axtarış zamanı FTB onun 3 pasportunu müsadirə edib, onlardan birinin müddəti bitib. Sabiq prezident keçən həftə Floridadakı malikanəsində FTB agentləri tərəfindən axtarış aparıldığını və heç kimə, o cümlədən vəkillərə axtarışda iştiraka icazə verilmədiyini söyləyib. ABŞ-ın baş prokuroru Merrik Qarland isə bundan sonra  məhkəməyə axtarış qərarı üçün müraciət etməyə şəxsən özünün icazə verdiyini söyləyib. 

Florida məhkəməsi daha sonra Trampın malikanəsində axtarış qərarını və ələ keçirilən əmlakın inventarını üzə çıxarıb. Sənədlərdən görünür ki, axtarış qərarı avqustun 5-də  məhkəmə tərəfindən təsdiqlənib, orqan əmlakın bütün ərazisində axtarış aparmağa icazə verib. Məhkəmə, digər müddəalarla yanaşı, ABŞ Məcəlləsinin "müdafiə məlumatlarının toplanması, ötürülməsi və ya itirilməsi" maddəsini rəhbər tutub. Müsadirə edilən əşyaların siyahısına sənədlər, qeydlər, fotoşəkillər və bir çox digər məxfi sənədlər olan qutular daxildir. Medianın məlumatına görə, söhbət 11 dəst məlumatdan gedir.  

Dünya

Şimali Koreya Rusiyanın Ukrayna ərazilərini ilhaq etməsini dəstəkləyir

4 Oktyabr 2022

CNN

Koreya Xalq Demokratik Respublikasının Xarici İşlər Nazirliyi Rusiyanın Ukraynanın şərqində keçirdiyi referendumun nəticələrini dəstəkləyib.  Bu barədə Şimali Koreyanın Mərkəzi Xəbər Agentliyi məlumat yayıb. “Biz Rusiyaya birləşməyə çalışan Donetsk və Luqansk Xalq Respublikalarının, Xerson və Zaporojye vilayətlərinin sakinlərinin iradəsinə hörmət göstəririk və Rusiya hökumətinin yuxarıda göstərilən regionların öz tərkibinə qəbul edilməsi ilə bağlı mövqeyini dəstəkləyirik”. - bəyanatda deyilir. https://toplum.tv/dunya/zelenski-vladimir-putinle-danisiqlardan-imtina-barede-serencam-verdi Beləliklə, Şimali Koreya səsvermənin nəticələrini dəstəkləyən yeganə ölkə olub. ABŞ və dünyanın bir çox ölkələri Rusiyanın ilhaqını pisləyib. Bu gün, oktyabrın 4-də Federasiya Şurası Ukraynanın beş vilayətinin ərazisinin Rusiyaya daxil olmasına dair sazişləri ratifikasiya edib. Ukrayna ərazilərinin ilhaqını Nümayəndələr Palatasının iştirak edən...
Dünya

 Xameneyi: İrandakı etirazların arxasında ABŞ və sionistlər dayanır

4 Oktyabr 2022
"Bu iğtişaşlar Amerika, sionist rejim və onların agentləri tərəfindən təşkil edilir". "Fars" agentliyi xəbər verir ki, bu sözləri İranın ali dini lideri Ayətullah Əli Xameneyi Tehranda bir qrup tələbə qarşısındakı çıxışı zamanı deyib. Xameneyi Məhsa Əminin ölümündən kədərləndiklərini bildirsə də, bu qətli törədənlərin cəzalandırılacağından, yaxud hadisənin araşdırılacağından bəhs etməyib. Onun sözlərinə görə, bu cür hallar İranda dəfələrlə baş verib: "Ancaq bəziləri bunu görmürlər. Onlar itaətkar, inək kimi sağılan Pəhləvi dönəmini axtarırlar”. Sentyabrın ortalarında 22 yaşlı kürd qadın hüquq müdafiəçisi Məhsa Əmini başındakı hicabını açdığına görə əxlaq polisi tərəfindən saxlanılıb və döyülüb. Qız komaya düşdükdən bir neçə gün sonra xəstəxanada ölüb....

Seçilmiş Videolar

Toplum TV loqo