Dünya

Tramp malikanəsindən götürülən sənədlərin geri qaytarılmasını tələb edir

15 Avqust, 2022
164

Financial Times

ABŞ-ın sabiq prezidenti Donald Tramp Federal Təhqiqatlar Bürosunun (FTB) agentləri tərəfindən Floridadakı malikanəsində axtarış zamanı ələ keçirilən sənədlərin geri qaytarılmasını tələb edib.

Tramp özünün yaratdığı “Truth” sosial şəbəkəsində yazıb ki, FTB əməkdaşları vəkil sirlərinə aid olan materialların qutularını, eləcə də icra orqanlarının imtiyazları adıyla qorunan sənədləri (prezidentin müəyyən məlumatları açıqlamamaq hüququnu nəzərdə tutur) götürüblər.

“Mən ciddi şəkildə xahiş edirəm ki, bu sənədlər dərhal götürüldükləri yerə qaytarılsın. Təşəkkürlər!" - Tramp yazıb.

https://toplum.tv/dunya/trampin-iqametgahinda-axtaris-aparilib

Tramp keçən həftə onun Floridadakı malikanəsinə FTB agentləri tərəfindən basqın edildiyini bildirib. Keçmiş prezident əlavə edib ki, FTB agentləri axtarış zamanı heç kimin, o cümlədən vəkillərin iştirakına icazə verməyiblər. Baş prokuror Merrik Qarland daha sonra məhkəməyə axtarış aparmaq üçün sanksiyaya şəxsən özünün icazə verdiyini, bu qərarın asan olmadığını, lakin ağlabatan olduğunu söyləyib.

Trampın bu məxfi sənədləri prezidentlik müddəti başa çatandan sonra qanunsuz olaraq özüylə birgə götürdüyü iddi edilir. Ekspertlərin fikrincə, keçmiş prezidentin dövlətə aid məxfi sənədləri qanunsuz götürdüyü sübut olunsa, bu, cinayət əməli kimi qiymətləndirilə bilər. 

Dünya

İran Məhsa Əmininin ölüm səbəbini açıqladı

7 Oktyabr 2022

Sosial Media

İran Ədliyyə Xidməti Məhsa Əmininin ölümünün beyin hipoksiyasına görə olduğunu müəyyən edib. Bu barədə "Reuters" xəbər yayıb.  Məhsa Əmininin tibbi ekspertizasında onun ölümünün "baş və həyati orqanlara vurulan zərbələrlə əlaqədar olmadığı" bildirilib. https://toplum.tv/dunya/xameneyi-irandaki-etirazlarin-arxasinda-abs-ve-sionistler-dayanir Məhkəmə-tibbi ekspertləri bildirib ki, Əmini 8 yaşında olarkən beyin əməliyyatı keçirib və ağır dərmanlar qəbul edib: “Mərhumun uşaqlıqda keçirdiyi xəstəlik və qəbul etdiyi ağır dərmanlar səbəbindən polis idarəsində huşunu itirib. Və bundan sonra onun orqanizminin vəziyyətə uyğunlaşmaq üçün lazımi qabiliyyəti olmayıb”. 22 yaşlı Əmininin İran əxlaq polisinin nəzarətində olarkən ölməsi ölkədə iki həftədən çox davam edən kütləvi etirazlara səbəb olub. Atası onun ayaqlarında qançırlar olduğunu və onun...
Dünya

Nobel Sülh Mükafatının qalibləri bəlli oldu 

7 Oktyabr 2022

Rəsmi səhifə

Rusiyanın “Memorial” hüquq müdafiə təşkilatı, belarus hüquq müdafiəçisi Ales Byalyatski və Ukraynanın “Mülki Azadlıqlar Mərkəzi” hüquq müdafiə təşkilatı Nobel Sülh Mükafatına layiq görülüblər.  Bu barədə oktyabrın 7-də Nobel Komitəsi məlumat yayıb.  Nobel Sülh Mükafatı 1901-ci ildən "sülhün möhkəmlənməsinə görkəmli töhfəsinə görə" verilir. 120 il ərzində 109 fiziki şəxsə və 25 təşkilat mükafata layiq görülüb. Laureatlar arasında ən gənc mükafatçı, 2014-cü ildə mükafatı alan 17 yaşlı pakistanlı hüquq müdafiəçisi Malala Yusufzai də daxil olmaqla 18 qadın var. Beynəlxalq Qızıl Xaç Komitəsi üç dəfə Nobel Sülh Mükafatına layiq görülüb. https://toplum.tv/dunya/putin-kadirova-general-polkovnik-rutbesi-verdi Nobel Sülh Mükafatının tarixi ərzində SSRİ və Rusiyanın üç vətəndaşı laureat olub:...

Seçilmiş Videolar

Toplum TV loqo