Dünya

Türkiyə İsrailə görə Azərbaycanla münasibətləri korlayarmı? 

20 May, 2021
1781

Açıq mənbələrdən götürülüb

"Ərdoğan praqmatik siyasətçidir və Azərbaycana yerinə yetirilməsi çətin olan tələb irəli sürməz". 

Bunu siyasi şərhçi Elxan Şahinoğlu özünün "Feysbuk" hesabında yazıb. 

Sözügedən yazını təqdim edirik:

"Qəzzanın bombalanmasına və mülki əhali arasında artan itkilərə görə Türkiyə İsraili sərt tənqidini davam etdirir. Türkiyədəki siyasətçilər və cəmiyyət Yaxın Şərqdə baş verənlərə həssas yanaşırlar. Bu təbiidir. Türkiyə keçmişdə imperiya olub və toqquşmaların baş verdiyi ərazilər Osmanlıya aid olub. Ancaq hesab edirəm ki, İsrail ordusu hərbi əməliyyatı və bombardmanları dayandırdıqdan sonra ortam nisbətən sakitləşəcək. Çünki Türkiyədə onu da anlayırlar ki, İsrailə raket atanlar və həmin raketləri gizli yollarla Qəzza bölgəsinə gətirənlər də az aşın duzu deyillər. Fələstinin nümayəndəsi Türkiyə Cumhurbaşqanına “dəstəyə görə çox sağ olun, ancaq bizi Qarabağla eyniləşdirməyin, ermənilərlə dostuq” deyirsə düşünməyə dəyər.  

Türkiyə parlamentində təmsil olunan “İyi Parti`nin lideri Meral Akşener qrup toplantısındakı çıxışında Türkiyə Cumhurbaşqanı Rəcəb Təyyub Ərdoğanı tənqid edərək dedi ki, “İsraili sərt tənqid etdiyiniz və bu ölkəni qatil adlandırdığın halda iqtisadi və ticarət əlaqələri ilbəil artır”. Türkiyə xarici işlər naziri Mövlud Çavuşoğlu bu məsələyə bir daha münasibət bildirib: “Hər pis münasibətdə olduğunuz ölkə ilə iqtisadi əlaqələri kəsmək normal mövqedir? Məntiqlidir? Siz ticarəti dövlətlər arasında aparılan alış-veriş olaraq görürsünüz? Biz Misirlə, Birləşmiş Ərəb Əmirlikləri ilə də problemlər yaşadıq, amma heç biri ilə ticari əlaqələri azaltmadıq. Mən niyə bir şirkəti, yüzminlərlə işçimi hər hansı ölkə ilə əlaqəm pozuldu deyə cəzalandırım?! Bu, məntiqlidir?!”

Çavuşoğlu haqlıdır. Azərbaycanın özü də İsrailə nefti Türkiyənin Ceyhan limanı üzərindən satır. İsrail neftə olan tələbatının təxminən 40 faizini Azərbaycan nefti hesabına təmin edir. Əlbəttə, Qəzzada mülki insanların öldürülməsini Qərb ölkələri kimi dəstəkləmirik, BMT qətnamlərinin yerinə yetirilməsinin tərəfdarıyıq, ancaq 44 günlük müharibədə Azərbaycanın ərazi bütövlüyünü dəstəkləyən, bizə modern dronlar satan, müharibədən sonra isə ölkəmizə həkimlərini göndərən ölkəyə qarşı necə bəyanat yaya bilərik? Bunu bizdən heç Ankara da tələb etmir. Çünki bəzən belə fikirlər yayılır ki, Ankara bizdən İsraillə münasibətləri gözdən keçirməyi, Tel-Əvivi sərt tənqid etməyi tələb edəcək. Ərdoğan praqmatik siyatəçidir və Azərbaycana yerinə yetirilməsi çətin olan tələb irəli sürməz. Ərdoğan praqmatik siyasətçidir ki, İsraili sərt tənqid etməsinə baxmayaraq, bu ölkə ilə iqtisadi və ticarət əlaqələrini kəsmir".


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Dünya

Yaxın Şərqdə müharibə: ABŞ atəşkəs başa çatdıqdan sonra İsrail üçün qırmızı xətlər çəkib

Yadigar Sadıqlı
8 Dekabr 2023

Açıq mənbələrdən götürülüb

Atəşkəsin bu qədər uzun sürməsi diplomatik səylərin nəticəsi idi. İndi, yeddi günlük pauzadan sonra İsrail də, HƏMAS da mürəkkəb hərbi və siyasi məsələləri həll etməlidirlər.  HƏMAS üçün bu, həyatda qalmaq mücadiləsidir. Nə qədər ki, HƏMAS yaraqlısı tətiyi basa və ya İsrailə raket ata bilir, məğlubedilməz olduğunu iddia edəcək. İsrailin vəzifəsi isə, özünün nəhəng hərbi qüdrətinə baxmayaraq, daha çətindir. Oktyabrın 7-də baş tutan və çoxu mülki şəxslər olan 1200-ə yaxın adamın ölümü ilə nəticələnən hücumdan sonra ölkənin baş naziri Binyamin Netanyahu HƏMAS-dan sarsıdıcı intiqam almağa and içib. İsrail ordusunun hərbi əməliyyatları bərpa etməsindən sonrakı ilk saatlarda hökumət “WhatsApp”dakı xəbərində bir daha...
Dünya

Putin prezident seçkilərində iştirak edəcəyini açıqlayıb

Toplum TV
8 Dekabr 2023

Reuters

Rusiya Federasiyası Prezidenti Vladimir Putin 2024-cü ildə keçiriləcək prezident seçkilərində iştirak edəcəyini açıqlayıb.  Toplum TV TASS-a istinadən xəbər verir ki, bu barədə dekabrın 8-də jurnalistlərə Vətən Qəhrəmanları Günü münasibətilə Kremldə keçirilən mərasimdən sonra dövlət başçısı ilə söhbətin iştirakçıları məlumat veriblər. Məlumata görə, qondarma "Donetsk Xalq Respublikası parlamenti"nin spikeri Artyom Coqa Putinə müvafiq tələblə müraciət edib və Rusiya prezidenti bununla razılaşıb. https://toplum.tv/dunya/prusiyanin-neftden-gelirleri-rekord-hedde-ccedilatibp Putinin dövlət başçısı kimi səlahiyyətləri 2024-cü il mayın 7-də başa çatır. Rusiyada növbəti prezident seçkiləri isə martın 17-nə təyin edilib. Putin beşinci dəfə prezidentliyə namizədliyini irəli sürəcək. O, qalib gəlsə, daha 6 il, 2030-cu ilə qədər dövlət başçısı postunu...

Seçilmiş Videolar

Toplum TV loqo