Dünya

Türkiyə Ukrayna taxılının ixracı üçün yardım təklif edib

7 İyun, 2022
164

Türkiyə hökuməti Ukrayna taxılının ixracını bərpa etmək üçün köməyə hazırdır. Bunun üçün Odessa limanının çıxışındakı minalar təmizlənməlidir. 

Bu haqda “Bloomberg” öz mənbələrinə istinadən xəbər verir. 

Agentliyin məlumatına görə, Türkiyə bu təklifi Rusiya ilə razılaşdırıb və BMT-nin dəstəyini almağa ümid edir. “Bloomberg”in həmsöhbətləri deyirlər ki,  Ukrayna bu ideyaya bədbin yanaşır, Rusiyanın təhlükəsiz dəhlizdən Odessaya hücum üçün istifadə edə biləcəyindən çəkinir. Xarici işlər naziri Dmitri Kuleba Kiyevin bu əndişəsini açıq şəkildə dilə gətirib. 

Ukrayna mətbuatı isə xəbər verir ki, prezident Zelenski iyunun 6-da deyib ki, böhranın həllində mümkün iştirakçı kimi etimad göstərdiyi ölkələr sırasında Türkiyə də var. Onun fikrincə, bu zaman təhlükəsizliyin ən yaxşı təminatı Ukraynanın gəmi əleyhinə silahlarla təchiz edilməsidir. 

Ukrayna limanlarında blokadanın qaldırılması mövzusunu bazar ertəsi Türkiyə və Ukraynanın müdafiə nazirləri də müzakirə ediblər. 

Ukrayna dünyada ən iri taxıl ixracatçılarından biridir. Rusiya təcavüzü nəticəsində ixracın xeyli hissəsi dayandırılıb, bu da qlobal taxıl böhranı təhlükəsi yaradır.

Dünya

Borrell: Avropa İttifaqının Rusiya ilə müharibə etmək niyyəti yoxdur

6 İyul 2022

Rəsmi səhifə

Avropa İttifaqının xarici işlər və təhlükəsizlik siyasəti üzrə ali nümayəndəsi Cozep Borrell bildirib ki, Avropanın Rusiya ilə müharibə etmək planları yoxdur. O, bu barədə “Yomiuri” qəzetinə yazdığı məqalədə bildirib. Borrellin sözlərinə görə, Rusiyanın Ukraynadakı işğalçılıq siyasətinə əsas cavab bundan sonra da sanksiyalar siyasəti olacaq. O, sanksiyaların təsirinin daha da artacağına əminliyini ifadə edib.  Diplomat həmçinin Rusiyanın Avropa və ABŞ texnologiyalarından asılılığının Çindən altı dəfə çox olduğunu qeyd edib. Borrel hesab edir ki, buna görə də sanksiyalar altındakı Rusiya iqtisadiyyatı  ehtiyaclarını ödəyə bilməyəcək. Borrell artıq sanksiyalara görə Rusiyanın “İskəndər” və “X-101” kimi dəqiq raketlər istehsal etmək imkanlarının məhdudlaşdığına diqqət çəkib.  "Neft...
Dünya

Rusiya Xarkov Universitetini raketlə vurub

6 İyul 2022
İyulun 6-da gecə saatlarında Rusiya ordusunun Xarkovun Osnovyanski rayonlarına və Kiyev vilayətinə raket zərbəsi endirdiyi bildirilir.  Xarkov Vilayət Hərbi Administrasiyasının rəhbəri Oleq Sinegubov “Telegram”da məlumat yayıb. O, Novobavarskoyedə binaların bir hissəsinin dağıdıldığını qeyd edib. Oleq Sinegubov bildirib ki, raket zərbələri Xarkov Universitetini də dağıdıb: “Kiyev vilayətinə raket hücumu nəticəsində ali təhsil müəssisəsinin binası da dağıdılıb”. Oleq Sinegubov yaşayış binaları, açıq sahələr və buğda tarlasının yandığını əlavə edib.

Seçilmiş Videolar

Toplum TV loqo