Dünya

Türkiyədə iqtidarın layihəsinə qarşı çıxan 10 admiral həbs olundu

5 Aprel, 2021
53

DW

Türkiyədə Monro konvensiyası ilə bağlı yayılan bildirişi dəstəkləyən istefada olan 10 admiral şübhəli şəxs qismində saxlanılıb, daha 4 şübhəliyə isə 3 gün ərzində polisə müraciət etmələri üçün bildiriş göndərilib.

Bu barədə aprelin 5-də "Anadolu" agentliyi Ankara Baş Prokurorluğuna istinadən məlumat yayıb.

İstefada olan 103 admiralın bazar günü yayılan məktubunda Monro konvensiyasının Türkiyənin Bosfor və Dardanel boğazları üzərində suverenliyini bərpa edən diplomatik qələbə olduğu bildirilir. Məktubda Bosforla paralel çəkilməsi planlaşdırılan, Mərmərə dənizi ilə Qara dənizi birləşdirəcək “İstanbul” kanalı layihəsinə görə həmin razılaşmanın yenidən gözdən keçirilməsinin yolverilməzliyi qeyd olunun. Müraciətdə həmçinin Türkiyə prezidenti Rəcəb Tayib Ərdoğanın yeni konstitusiyanın hazırlanması çağırışları fonunda indiki konstitusiyanın saxlanılmasının zəruriliyi vurğulanıb və “Türkiyə hərbi qüvvələrinin Atatürkün cızdığı yoldan uzaqlaşdığını göstərmək cəhdləri” qınanılıb. 

Türkiyə parlamentinin spikeri Mustafa Şentop, vitse-prezident Fuat Oktay, prezident administrasiyasının kommunikasiyalar departamentinin rəhbəri Fəxrəddin Altun, prezidentin mətbuat katibi İbrahim Kalın və bir neçə nazir admiralların bəyanatını qınayan çıxışlar ediblər. Türkiyənin müdafiə naziri özünün yazılı bəyanatında bildirib ki, müraciət müəlliflərinin “gözünü həsəd tutub və onlar ölkənin hərbi qüvvələrinin uğurlarını görmürlər”, müraciət isə “orduya və demokratiyaya zərər vurmağa yönəlib”. Ankara prokurorluğu admiralların məktubu ilə əlaqədar araşdırmaya başladığını bildirib.

Ərdoğan daha əvvəl bildirmişdi ki, Monro konvensiyasının boğazlardan keçid haqqında müddəaları layihələşdirilən “İstanbul” kanalına aid edilməyəcək. Xarici işlər naziri Mövlud Çavuşoğlunun sözlərinə görə, kanal layihəsi Türkiyənin Monro konvensiyasından imtinasına yönəlməyib.

1936-cı ildə imzalanan Monro konvensiyası bütün ölkələrin ticarət gəmilərinin həm müharibə, həm də sülh zamanı boğazlardan sərbəst keçidinə təminat verir. Amma Qara dəniz və qeyri-Qara dəniz ölkələrinin hərbi gəmilərinin boğazlardan keçid rejimi fərqlidir. Qeyri-Qara dəniz ölkələrinin hərbi gəmiləri üçün əhəmiyyətli məhdudiyyətlər mövcuddur.

Dünya

ABŞ İrana qarşı tətbiq olunan sanksiyaları ləğv etməyəcək

10 Aprel 2021

Panda Security

ABŞ 2017-ci ildə İrana qarşı tətbiq etdiyi sanksiyaları ləğv etməyəcək. CNN-nin məlumatına görə, bunu aprelin 10-da Dövlət Departamentinin rəsmisi deyib. O bildirib ki, İranın bütün sanksiyaların ləğv olunmasına dair tələbi qəbulolunmazdır: "Əgər İran 2017-ci ildə qəbul edilən sanksiyaların ləğv olunmasını tələb edib, əks təqdirdə sazişin əldə olunmayacağı ilə bağlı mövqeyində israr edəcəksə, o zaman danışıqlar dalana dirənəcək". İran ABŞ-ın tələb etdiyi nüvə sazişinin yenidən bərpa olunması üçün bütün sanksiyaların ləğvini tələb edir. 
Dünya

Gürcüstan prezidenti müxalifəti anlayışlı olmağa çağırdı

10 Aprel 2021

Agenda.ge

Salome Zurabişvili bütün siyasi partiyaları ölkənin ərazi bütövlüyünün həlli, pandemiya ilə mübarizə və siyasi gərginliyin azaldılması üçün həmrəyliyə çağırıb. "Sputnik Gürcüstan"ın aprelin 10-da verdiyi xəbərə görə, bu barədə Zurabişvili parlamentdəki çıxışı zamanı danışıb.  “Bu gün böyük çətinliklərlə üzləşən ölkə öz tarixi təcrübəsinə söykənməli və həmrəyliyə nail olmalıdır”, - prezident seçkilərin nəticələrinə etiraz olaraq parlamentdəki yerlərdindən imtina edən siyasi partiyalara müraciət edərkən deyib. O, partiya təmsilçilərini ölkənin siyasi həyatında fəal rol oynamağa və müxalifəti  ölkənin maraqlarına daha çox anlayış göstərməyə çağırıb.  Zurabişvilinin sözlərinə görə, Abxaziya və Cənubi Osetiyanın işğalına son verilməsi, Gürcüstanın NATO və Avropa İttifaqına inteqrasiyası prioritet məsələlər olmalıdır.  “Əgər...
Seçilmiş Videolar