Dünya

Türkiyədə meşə yanğınlarında ölənlərin sayı artır

30 İyul, 2021
174

Açıq mənbələrdən götürülüb

Türkiyədə günlərdir davam edən meşə yanğınlarında ölənlərin sayı 4 nəfərə çatıb. 

"Anadolu" agentliyinin verdiyi məlumata görə, Meşə yanğınları Adana, Osmaniye, Mərsin, Kayseri, Antalya, Aydın, Muğla bölgələrini cənginə alıb. Təbiətə və evlərə ciddi ziyan dəydiyi bildirilir.

Marmaris rayonunun bələdiyyə sədri Mehmet Oktay bölgədə baş verən yanğının təxribat ehtimalı ilə törədildiyi ehtimalının böyük olduğunu bildirib. 

Manisa əyalətinin Turgutlu rayonunda isə PKK terror təşkilatının meşə yanğınları törətməkdə şübhəli bilinən üzvləri saxlanılıb.

Suriya əsilli iki qardaş hüquq-mühafizə orqanlarının Milli Kəşfiyyat Təşkilatı (MİT) ilə birlikdə keçirdiyi əməliyyat zamanı saxlanılıblar. PKK üzvlərinin ölkədən qaçmaq planlarının olduğu müəyyənləşdirilib. 

Türkiyə Prezidentinin sözçüsü İbrahim Kalın "meşə yanğınları"nı milli fəlakət adlandırıb. 

Rəsmi orqanlar yanğın bölgələrinə uçuşu olanlara xəbərdarlıq edib.

Türk Hava Yolları (THY) şirkəti açıqlama verərək bildirib ki, yanğın bölgələrinə səfər etməyi planlaşdıranlar təyyarə biletlərini pulsuz dəyişdirə və ya geri qaytara biləcəklər.
 

Dünya

ABŞ, Avstraliya, Yaponiya və Hindistan yeni ittifaq yaradıb

25 Sentyabr 2021

Rəsmi səhifə

ABŞ, Avstraliya, Yaponiya və Hindistan “Dördlük” (“Quad”) yaradılması barədə razılıq əldə edib. “Report” “Haberturk”ə istinadən xəbər verir ki, bu barədə Avstraliyanın Baş naziri Skot Morrison bildirib. Onun sözlərinə görə, ABŞ Prezidenti Cozef Bayden, Hindistanın Baş naziri Narendra Modi, Yaponiyanın Baş naziri Suğa Yosihide və özü arasında Hind-Sakit okeanı bölgəsində “Çini sabitləşdirmək üçün” “Dördlük” (“Quad”) adlı formatı qəbul edənlərin Vaşinqtonda ilk görüşü keçirilib: “Dördlük” Çin, yaxud hər hansı bir ölkə üçün ortaqlıqdır. Bu, Hind-Sakit okean regionundakı xalqların rifahını yüksəltmək üçün müsbət təşəbbüsdür”. Ağ Evin Şərq Otağında bir araya gələn 4 lider koronavirusa qarşı mübarizə, yeni texnologiyalar, regional infrastruktur, təmiz enerji, iqlim dəyişikliyi, habelə regional...
Dünya

Tramp seçici bəyənməsinə görə Baydeni üstələyib

24 Sentyabr 2021

Açıq mənbələrdən götürülüb

ABŞ-ın keçmiş Prezidenti Donald Tramp sentyabrın nəticələrinə əsasən indiki Prezident Co Baydeni seçicilərin bəyənməsində qabaqlayır.  Bu barədə "The Hill" nəşri Harvard Mərkəzinin sorğu nəticələrinə istinadən xəbər verir. Sorğu nəticələrinə görə, Birləşmiş Ştatların keçmiş prezidentini seçicilərin 48 faizi, indikini isə 46 faizi dəstəkləyir. Respondentlərin 51 faizi Trampın Baydendən yaxşı prezident olduğunu düşünürlər.  "The Hill" qeyd edir ki, indiki prezidentin reytinqi koronavirus yoluxmalarının artması və Amerika qoşunlarının Əfqanıstandan çıxarılması fonunda azalır. İyulda Baydenin reytinqi 52% təşkil edirdi, bu da bir ay əvvəl ilə müqayisədə 10% az idi. Əfqanıstanda “Taliban”ın hakimiyyətə gəlməsi ilə Baydenin reytinqi 46 faizə düşüb.  Avqustun 13-də keçirilən analoji sorğuda...
Seçilmiş Videolar