Dünya

Türkiyədəki helikopter qəzasının ilkin səbəbi açıqlandı

5 Mart, 2021
828

Sosial Media

Türkiyənin Bitlis vilayətində “Cougar” hərbi helikopterinin qəzaya uğramasına səbəb hava şəraitinin qəfil pisləşməsidir. 

"Anadolu" agentliyinin martın 4-də verdiyi xəbərə görə, bu barədə ölkənin müdafiə naziri Hulusi Akar açıqlama verib. 

“İlkin məlumatlara və şahid ifadələrinə görə, helikopterin qəzaya uğramasına səbəb hava şəraitinin qəfil pisləşməsidir. Hadisənin dəqiq səbəbi ətraflı araşdırmalardan sonra müəyyən ediləcək”, - deyə nazir bildirib.

Bildirilir ki, faciənin ilk anlarından etibarən axtarış-xilasetmə işləri, yaralananların və həlak olanların nəşinin təxliyyəsi üçün dövlət idarələrinin bütün qüvvələri səfərbər edilib.

Türkiyənin şərqində hərbi helikopterin qəzaya uğraması nəticəsində 11 hərbçi həlak olub, ikisi yaralanıb. Qəzada ölənlərin arasında 8-ci ordu korpusunun komandanı, korpus generalı Osman Erbaş da var. 

Hadisə ilə əlaqədar olaraq, Azərbaycan Prezidenti İlham Əliyev və müdafizə naziri Zakir Həsənov Türkiyə tərəfinə başsağlığı verib. 

Dünya

ABŞ İrana qarşı tətbiq olunan sanksiyaları ləğv etməyəcək

10 Aprel 2021

Panda Security

ABŞ 2017-ci ildə İrana qarşı tətbiq etdiyi sanksiyaları ləğv etməyəcək. CNN-nin məlumatına görə, bunu aprelin 10-da Dövlət Departamentinin rəsmisi deyib. O bildirib ki, İranın bütün sanksiyaların ləğv olunmasına dair tələbi qəbulolunmazdır: "Əgər İran 2017-ci ildə qəbul edilən sanksiyaların ləğv olunmasını tələb edib, əks təqdirdə sazişin əldə olunmayacağı ilə bağlı mövqeyində israr edəcəksə, o zaman danışıqlar dalana dirənəcək". İran ABŞ-ın tələb etdiyi nüvə sazişinin yenidən bərpa olunması üçün bütün sanksiyaların ləğvini tələb edir. 
Dünya

Gürcüstan prezidenti müxalifəti anlayışlı olmağa çağırdı

10 Aprel 2021

Agenda.ge

Salome Zurabişvili bütün siyasi partiyaları ölkənin ərazi bütövlüyünün həlli, pandemiya ilə mübarizə və siyasi gərginliyin azaldılması üçün həmrəyliyə çağırıb. "Sputnik Gürcüstan"ın aprelin 10-da verdiyi xəbərə görə, bu barədə Zurabişvili parlamentdəki çıxışı zamanı danışıb.  “Bu gün böyük çətinliklərlə üzləşən ölkə öz tarixi təcrübəsinə söykənməli və həmrəyliyə nail olmalıdır”, - prezident seçkilərin nəticələrinə etiraz olaraq parlamentdəki yerlərdindən imtina edən siyasi partiyalara müraciət edərkən deyib. O, partiya təmsilçilərini ölkənin siyasi həyatında fəal rol oynamağa və müxalifəti  ölkənin maraqlarına daha çox anlayış göstərməyə çağırıb.  Zurabişvilinin sözlərinə görə, Abxaziya və Cənubi Osetiyanın işğalına son verilməsi, Gürcüstanın NATO və Avropa İttifaqına inteqrasiyası prioritet məsələlər olmalıdır.  “Əgər...
Seçilmiş Videolar