Dünya

Türkmənistan qadınların xarici görünüşünə və davranışlarına nəzarəti gücləndirib

20 May, 2022
1827

AFP

Aprelin əvvəlindən Türkmənistan hakimiyyəti qadınların öz bədənlərinə nəzarət etmək hüquqlarını əhəmiyyətli dərəcədə məhdudlaşdırıb.

Bu barədə BBC və “Azadlıq” radiosunun türkmən xidməti məlumat yayıb.

Paytaxt Aşqabadda dövlət qurumlarının əməkdaşlarından “xarici cəlbediciliyi artırmaq üçün əlavə üsullardan çəkinmək” barədə yazılı vəd vermələri tələb olunur.

Əvvəllər qadınlara qarşı analoji tələblər ölkənin digər bölgələrində də irəli sürülürdü.

Hakimiyyətin təzyiqi ilə dövlət işçiləri kosmetikadan istifadə etməməyə, saçlarını boyamamağa, manikür etməməyə, cins şalvar və dar paltar geyinməməyə - bunun əvəzinə geniş ənənəvi paltar və baş örtüyü taxmağa məcburdurlar.

İşdən çıxarılma təhlükəsi altında qadınlar tez bir zamanda saxta dırnaq və kirpiklərdən qurtulmalı, sarı saçlarını tünd rəngə boyamalıdırlar.

Eyni zamanda, bütün qadağalar pərdə arxasında fəaliyyət göstərir: hakimiyyət orqanlarından heç bir rəsmi göstəriş alınmayıb - onlar hələ də baş verənləri şərh etmirlər.

Şifahi qadağalara əməl olunmasına yerli məmurlar və müəssisə rəhbərləri tərəfindən nəzarət edilir.

Türkmənistanda qadınların xarici görünüşünə və davranışına dair sərt tələblər aprelin əvvəlində ortaya çıxıb.

Ölkə rayonlarından birində polis gözəllik salonlarına bildirib ki, indi botoksun tətbiqi, qırışların hamarlanması, kirpiklərin uzadılması, dodaqların böyüdülməsi və saxta dırnaqların istifadəsinə qadağa qoyulub.

Tələblərin pozulmasına görə salon sahibini külli miqdarda cərimə və 15 sutka həbs gözləyir. Polis qadağanın tətbiqini təsdiq edən heç bir sənəd təqdim etməyib.

Mayın əvvəlində eyni bölgədə onlarla cütlük ictimai yerlərdə əl-ələ tutduqlarına görə polis tərəfindən saxlanılıb. Polis onları ənənəvi adət-ənənələri pozmaqda ittiham edib.

Gənclərin davranışlarına nəzarət də başqa rayonun polis əməkdaşlarına həvalə olunub: onlar parklarda bir-birinə yaxın oturan oğlan və qızları “əxlaqsız hərəkətlərə” görə cərimələməlidirlər.

Polis hakimiyyətin qadınların xarici görünüşü ilə bağlı tələblərini dəstəklədiklədiyini bildirir. Onların fikrincə, qızlar təxribat xarakterli geyinir, bununla da cinsi cinayətləri təhrik edirlər.

Türkmənistan xəstəxanalarında da “düzgün” geyim tələb olunur. Mayın ortalarından etibarən xəstələr enli, uzun don geyinməli, baş örtüyü taxmalıdırlar. Onlar özləri ilə geyim aparmalıdır, əks halda xəstəxanaya yerləşdirilmələri rədd ediləcək.

Aprelin əvvəlindən Türkmənistanda qadınlar üçün türkmən adət-ənənələrinə, “ailə müqəddəsliyinə”, ədəb və tərbiyə normalarına həsr olunmuş təbliğat tədbirləri keçirilir.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Dünya

Makron Avropadakı müttəfiqləri qorxaq olmamağa çağırıb

6 Mart 2024

Açıq mənbələrdən götürülüb

Fransa Prezidenti Emmanuel Makron Avropa dövlət başçılarına Ukrayna məsələsində qorxaqlıq etməmək barədə çağırış edib.  Toplum TV xəbər verir ki, Makron bu barədə Çexiyaya səfəri zamanı Praqada həmvətənləri qarşısında çıxış edərkən bildirib.  "Avropada qorxaqlıq etməməyin vacib olduğu bir məqama yaxınlaşırıq. Bizi gözləyən dramlardan danışmaq həmişə çətindir. Amma düşünürəm ki, Fransa da, Çexiya da baş verənləri anlayır. Müharibə torpaqlarımıza gəlib çatıb, dayandırılması qeyri-mümkün olan qüvvələr bizə qarşı hücum təhlükəsini genişləndirməkdə davam edir", - deyə o bildirib.  https://toplum.tv/dunya/pputin-qerbi-hedeleyib-facievi-neticeleri-olacaqp Xatırladaq ki, Fransa Prezidenti fevralın 26-da Parisdə Ukraynaya dəstək üçün keçirdiyi görüşdən sonra verdiyi açıqlamada Qərb qoşunlarının Ukraynaya göndərilməsini istisna etmədiyini bildirmişdi: "Bu gün quru...
Dünya

Fransa abort hüququnu konstitusiyaya salan ilk ölkə olub

5 Mart 2024

Açıq mənbələrdən götürülüb

Fransa qadınların abort hüququnu öz Konstitusiyasına salan ilk ölkə olub.  Toplum TV xəbər verir ki, qərar, lideri olduğu "Renessans" partiyası ilə birlikdə düzəlişlərin müəllifi olan Prezident Emmanuel Makron tərəfindən hərarətlə qarşılanıb. Fransa Parlamentinin sədri Yael Braun-Pive bildirib ki, 780 deputat təşəbbüsün lehinə, 72-si isə əleyhinə səs verib. https://toplum.tv/dunya/pquotpolitikoquot-fransa-nato-ya-qosunlarin-ukraynaya-goumlnderilmesini-teklif-edibp "Reuters" xəbərinə görə, parlamentin iclasında spikerin açıqlaması alqışlarla qarşılanıb. Dəyişiklik Konstitusiyanın 34-cü maddəsinə əlavə ediləcək. 

Seçilmiş Videolar

Toplum TV loqo