Dünya

Ukrayna hər gün Donbasda 1000-ə qədər insan itirir

16 İyun, 2022
231

Açıq mənbələrdən götürülüb

Donbassda ölən və yaralanan ukraynalıların sayı gündə min nəfərə çatır. 

“Axios” xəbər verir ki, bunu ABŞ-a səfəri zamanı Ali Radada “Xalqın xidmətçisi” fraksiyasının rəhbəri və Rusiya ilə sülh danışıqlarında Ukrayna nümayəndə heyətinin rəhbəri David Araxamiya bildirib.

Araxamiyanın sözlərinə görə, son iki həftə ərzində itkilərin sayı əhəmiyyətli dərəcədə artıb və hər gün 200-dən 500-ə qədər Ukrayna əsgəri həlak olur.

Eyni zamanda, Araxamiya hesab edir ki, itkilərə baxmayaraq, Ukraynanın Donbasda döyüşmək gücü var. Onun sözlərinə görə, Ukrayna bir milyon insanı səfərbər edib və daha iki milyonu səfərbər etmək imkanı var. Bununla belə, onların silahı olmalıdır.

Danışıqlar məsələsinə münasibət bildirərkən, Araxamiya qeyd edib ki, Ukrayna nümayəndə heyətinin üzvləri hər həftə rusiyalı həmkarlarıyla əlaqə saxlayırlar. Bununla belə, onun sözlərinə görə, Ukraynanın danışıqlardakı mövqeyi "əslində, kifayət qədər zəifdir, əgər mövqelərimiz belə zəifdirsə, biz danışıqlar masasına oturmaq istəmirik. Biz hadisələri necəsə tərsinə çevirməliyik", - Araxamiya deyib və əlavə edib ki, Ukrayna ordusu əraziləri geri almaq üçün əks-hücuma keçməlidir.

https://toplum.tv/dunya/medvedev-ukraynanin-dunya-xeritesinde-qalacagina-subhe-edir

Bundan əvvəl Ukrayna Prezidenti Volodimir Zelenski dəfələrlə ABŞ və NATO ölkələrindən Ukraynaya silah, o cümlədən ağır artilleriya tədarükünü sürətləndirməyi xahiş edib. Ukrayna Prezidentinin müşaviri Mixaylo  Podolyak hesablayıb ki, cəbhələrdə vəziyyətin dəyişməsi və Ukrayna ordusunun qələbəsini təmin etmək üçün bir neçə min ağır texnika, xüsusən də 1000 ədəd 155 mm-lik haubitsa, 300 çoxlüləli raketatan sistemi, 500 tank, 2000 zirehli maşın və 1000 PUA lazımdır - bu, məsələn, Almaniya və ya Böyük Britaniya ordusunun malik olduğundan çoxdur.

İyunun 15-də ABŞ Prezidenti Co Bayden Kiyevə artilleriya təchizatı da daxil olmaqla 1 milyard dollarlıq yeni yardım paketini elan edib.

Ukraynadakı hərbi əməliyyatlar şəraitində tərəflərin itkiləri ilə bağlı məlumatları yoxlamaq mümkün deyil. Bu günlərdə bir sıra KİV-lər Qərb mənbələrinə istinadən Rusiya ordusunun itkiləri barədə məlumat yayıb. Belə ki, BBC-nin Qərb kəşfiyyat xidmətlərindəki mənbəsinə  görə, fevralın 24-dən bəri müharibədə 20 minə yaxın rus hərbçisi həlak olub.

Dünya

Rusiya Xarkov Universitetini raketlə vurub

6 İyul 2022
İyulun 6-da gecə saatlarında Rusiya ordusunun Xarkovun Osnovyanski rayonlarına və Kiyev vilayətinə raket zərbəsi endirdiyi bildirilir.  Xarkov Vilayət Hərbi Administrasiyasının rəhbəri Oleq Sinegubov “Telegram”da məlumat yayıb. O, Novobavarskoyedə binaların bir hissəsinin dağıdıldığını qeyd edib. Oleq Sinegubov bildirib ki, raket zərbələri Xarkov Universitetini də dağıdıb: “Kiyev vilayətinə raket hücumu nəticəsində ali təhsil müəssisəsinin binası da dağıdılıb”. Oleq Sinegubov yaşayış binaları, açıq sahələr və buğda tarlasının yandığını əlavə edib.
Dünya

Ukraynada Kommunist Partiyasının fəaliyyəti qadağan edildi

5 İyul 2022

Açıq mənbələrdən götürülüb

Lvov Səkkizinci İnzibati Apellyasiya Məhkəməsi “Xoşbəxt Ukrayna” siyasi partiyasının və Ukrayna Kommunist Partiyasının fəaliyyətini qadağan edib. Bu barədə iyulun 5-də «Ukrainskaya Pravda» nəşri məlumat yayıb.  Lvov məhkəməsi hər iki partiyanın qadağan edilməsi ilə bağlı Ukrayna Ədliyyə Nazirliyinin iddialarını təmin edib.  https://toplum.tv/dunya/ukrayna-ruslar-ucun-viza-tetbiq-etdi “Xoşbəxt Ukrayna” - Rusiyaya qaçan Viktor Yanukoviç hökumətinin keçmiş gəlirlər və rüsumlar naziri Aleksandr Klimenkonun siyasi layihəsi hesab edilirdi. Məhkəmə qərarından bir neçə gün əvvəl partiyanın adı dəyişdirilmişdi: əvvəllər o, "Uğurlu Ukrayna" adlanırdı. Ukrayna Kommunist Partiyası isə Petro Simonenkonun ideya məhsuludur. Bu partiya hələ 2015-ci ilin dekabrında Kiyev Rayon İnzibati Məhkəməsi tərəfindən qadağan edilib, amma məhkəmə dartışması səbəbindən mövcudluğunu...

Seçilmiş Videolar

Toplum TV loqo