Dünya

Ukraynanın müdafiə naziri: Rusiya uzunmüddətli müharibəyə hazırlaşır

18 May, 2022

114

Ukraynanın müdafiə naziri Oleksiy Reznikov bildirib ki, Rusiya uzunmüddətli müharibə aparmağa hazırlaşır.

“Ukrayinska pravda”nın məlumatına görə, nazir bu barədə Avropa İttifaqı Xarici İşlər Şurasının müdafiə nazirləri səviyyəsində iclasının iştirakçılarına müraciətində deyib.

“Rusiya bir çox cəhətdən uzunmüddətli hərbi əməliyyata hazırlaşır. Müharibə uzun bir mərhələyə qədəm qoyur. Rus qoşunları Xerson və Zaporojye vilayətlərində, lazım olacağə təqdirdə müdafiəyə keçmək üçün fəal şəkildə mühəndislik və istehkam işləri aparır”, - Reznikov əlavə edib.

Müdafiə naziri bununla bağlı vəd edilmiş silah tədarükünü sürətləndirməyə çağırıb və qeyd edib ki, müharibənin uzadılması qlobal ərzaq böhranı, eləcə də növbəti miqrasiya böhranı riskinə səbəb ola bilər.

Rusiya fevralın 24-də Ukraynada hərbi əməliyyatlara başlayıb.

Ondan 2 gün öncə isə Rusiya Prezidenti Vladimir Putin açıqlama verərək Ukraynanın şərqindəki separatçı qurumları tanıdığını bəyan edib.

Ukrayna, Qərb liderləri hərbi əməliyyatları pisləyib, Putinin buna görə cavab verəcəyini bildirib.

Bundan sonra Avropa Birliyi ölkələrindən, eləcə də ABŞ-dan Rusiyaya qarşı sanksiyalar gəlməyə başlayıb.

Sanksiya tətbiq edilən 600-dən çox şəxsin içində oliqarxlar, yüksək rütbəli hərbçilər, şirkət sahibləri, biznesmenlərlə yanaşı, Rusiya Prezidenti Vladimir Putin və xarici işlər naziri Sergey Lavrov da var.

Aprelin 7-də isə BMT Baş Assambleyası Rusiyanın təşkilatın İnsan Hüquqları Şurasından çıxarılması ilə bağlı qətnamə qəbul edib.

Rusiya ordusunun Buça və digər Ukrayna şəhərlərində kütləvi qətliamlar və müharibə cinayətləri törətdiyi iddia olunur.

Oxşar Xəbərlər

Vladimir Solovyov Azərbaycandan üzr istəyib

Suriya "DNR" və "LNR"-nin müstəqilliyini tanıdı

Putin Baydenin qızını Rusiyaya buraxmayacaq

İlham Əliyev Sergey Lavrovla görüşdə: Sülh müqaviləsi üzərində işə başlamaq barədə təklifimiz cavabsız qalır

Vladimir Putinin populyarlığı aşağı düşüb

Yuri Şatunov 48 yaşında vəfat edib

Redaktorun Tövsiyələri

Vətəndaşın 500 min dollarını kim qaytaracaq?

Bakı ilə Quba arasında batan 550 milyon dollar

Dəli Arazın şor suyunun ümidinə qalanlar

Bərdə sakini uşağının pensiyasının kəsilməsindən şikayətçidir

Əvəz Hafizlinin işi üzrə məhkəmə hakim məzuniyyətə çıxdığına görə keçirilməyib

İşıqsız, qazsız, susuz qalan Şəki ziyalısı

Dünya

Ukraynada Kommunist Partiyasının fəaliyyəti qadağan edildi

5 İyul 2022

Açıq mənbələrdən götürülüb

Lvov Səkkizinci İnzibati Apellyasiya Məhkəməsi “Xoşbəxt Ukrayna” siyasi partiyasının və Ukrayna Kommunist Partiyasının fəaliyyətini qadağan edib. Bu barədə iyulun 5-də «Ukrainskaya Pravda» nəşri məlumat yayıb. Lvov məhkəməsi hər iki partiyanın qadağan edilməsi ilə bağlı Ukrayna Ədliyyə Nazirliyinin iddialarını təmin edib. https://toplum.tv/dunya/ukrayna-ruslar-ucun-viza-tetbiq-etdi “Xoşbəxt Ukrayna” - Rusiyaya qaçan Viktor Yanukoviç hökumətinin keçmiş gəlirlər və rüsumlar naziri Aleksandr Klimenkonun siyasi layihəsi hesab edilirdi. Məhkəmə qərarından bir neçə gün əvvəl partiyanın adı dəyişdirilmişdi: əvvəllər o, "Uğurlu Ukrayna" adlanırdı. Ukrayna Kommunist Partiyası isə Petro Simonenkonun ideya məhsuludur. Bu partiya hələ 2015-ci ilin dekabrında Kiyev Rayon İnzibati Məhkəməsi tərəfindən qadağan edilib, amma məhkəmə dartışması səbəbindən mövcudluğunu...

Davamını oxu

Dünya

Finlandiya və İsveç NATO-ya üzvlük protokollarını imzaladı

5 İyul 2022

ZDF

Finlandiya və İsveçin xarici işlər nazirləri NATO-ya daxil olmaq haqqında protokolları imzalayıblar. "Reuters" xəbər verir ki, Finlandiyanın xarici işlər naziri Pekka Haavisto, İsveçin xarici işlər naziri Ann Linde və 30 NATO ölkəsinin səfirləri NATO-nun mənzil-qərargahında keçirilən rəsmi mərasimdə iki Skandinaviya ölkəsinin Şimali Atlantika Alyansına qoşulması ilə bağlı protokolları imzalayıblar. “Bu gün biz rəsmi olaraq üzvlük protokolunu imzalayırıq və ratifikasiya proseduruna başlayırıq. NATO-nun qapısı bütün Avropa demokratiyaları üçün açıqdır. Bu, Finlandiya, İsveç və NATO üçün yaxşı gündür, biz 32 üzv ölkə ilə daha da güclənəcəyik”, - NATO-nun baş katibi Yens Stoltenberq mərasimi açarkən deyib. Finlandiya və İsveç Rusiyanın Ukraynada başlatdığı müharibə...

Davamını oxu