Dünya

“Vashington Post”: Çin Rusiyaya dəstək üçün yollar axtarır, sanksiyalardan qorxmur

3 İyun, 2022
207

Açıq mənbələrdən götürülüb

Çin Xalq Respublikasının sədri Si Cinpin öz köməkçilərinə Rusiyaya kömək etməyin yollarını tapmağı, amma bunu Qərbin sanksiyalarına məruz qalmayacaq şəkildə etməyi  tapşırıb. 

Bu barədə “Vashington Post” Çin və ABŞ-dakı mənbələrinə istinadən xəbər yayıb. 

Nəşrin məlumatına görə, Rusiya müharibə başlayandan bəri dəfələrlə Çindən maliyyə və texnoloji daxil olmaqla, daha çox dəstək istəyib. Məsələylə tanış olan çinli rəsmilərindən biri bu danışıqları “gərgin” adlandırıb: “Biz [Rusiyanın] çətin vəziyyətini başa düşürük, amma öz vəziyyətimizi də nəzərə almaya bilmərik. Çin həmişə Çin xalqının mənafeyinə uyğun fəaliyyət göstərəcək”.

Bununla belə, Çin Rusiyaya diplomatik səviyyədə dəstək verir - Pekin açıq şəkildə ABŞ-ı münaqişəyə görə və NATO-nun Avropada genişləndirilməsi siyasətinə görə təqsirləndirir, sanksiyaları “qanunsuz” adlandırır. “Vashington Post”un  yazdığına görə, Kremlsə bu cür dəstəyi qeyri-kafi hesab edir.

Nəşrin mənbələrindən biri həmçinin bildirib ki, Ukraynada müharibə Çinin gözlədiyindən daha uzun sürüb və Pekin Moskvaya açıq şəkildə bildirib ki, hərbi əməliyyatların dayandırılması “sanksiyalara qarşı çıxmaq və biznes əlaqələrini inkişaf etdirmək üçün daha çox imkan yaradacaq”.

Dünya

Ukraynada Kommunist Partiyasının fəaliyyəti qadağan edildi

5 İyul 2022

Açıq mənbələrdən götürülüb

Lvov Səkkizinci İnzibati Apellyasiya Məhkəməsi “Xoşbəxt Ukrayna” siyasi partiyasının və Ukrayna Kommunist Partiyasının fəaliyyətini qadağan edib. Bu barədə iyulun 5-də «Ukrainskaya Pravda» nəşri məlumat yayıb.  Lvov məhkəməsi hər iki partiyanın qadağan edilməsi ilə bağlı Ukrayna Ədliyyə Nazirliyinin iddialarını təmin edib.  https://toplum.tv/dunya/ukrayna-ruslar-ucun-viza-tetbiq-etdi “Xoşbəxt Ukrayna” - Rusiyaya qaçan Viktor Yanukoviç hökumətinin keçmiş gəlirlər və rüsumlar naziri Aleksandr Klimenkonun siyasi layihəsi hesab edilirdi. Məhkəmə qərarından bir neçə gün əvvəl partiyanın adı dəyişdirilmişdi: əvvəllər o, "Uğurlu Ukrayna" adlanırdı. Ukrayna Kommunist Partiyası isə Petro Simonenkonun ideya məhsuludur. Bu partiya hələ 2015-ci ilin dekabrında Kiyev Rayon İnzibati Məhkəməsi tərəfindən qadağan edilib, amma məhkəmə dartışması səbəbindən mövcudluğunu...
Dünya

Finlandiya və İsveç NATO-ya üzvlük protokollarını imzaladı

5 İyul 2022

ZDF

Finlandiya və İsveçin xarici işlər nazirləri NATO-ya daxil olmaq haqqında protokolları imzalayıblar. "Reuters" xəbər verir ki, Finlandiyanın xarici işlər naziri Pekka Haavisto, İsveçin xarici işlər naziri Ann Linde və 30 NATO ölkəsinin səfirləri NATO-nun mənzil-qərargahında keçirilən rəsmi mərasimdə iki Skandinaviya ölkəsinin Şimali Atlantika Alyansına qoşulması ilə bağlı protokolları imzalayıblar.  “Bu gün biz rəsmi olaraq üzvlük protokolunu imzalayırıq və ratifikasiya proseduruna başlayırıq. NATO-nun qapısı bütün Avropa demokratiyaları üçün açıqdır. Bu, Finlandiya, İsveç və NATO üçün yaxşı gündür, biz 32 üzv ölkə ilə daha da güclənəcəyik”, - NATO-nun baş katibi Yens Stoltenberq mərasimi açarkən deyib. Finlandiya və İsveç Rusiyanın Ukraynada başlatdığı müharibə...

Seçilmiş Videolar

Toplum TV loqo