Dünya

Yerevanda müxalifət etiraz aksiyası keçirir, onlarla şəxs saxlanılıb

17 May, 2022
142

azatutyun.am

Ermənistanda Baş nazir Nikol Paşinyanın istefasını tələb edən müxalifətin etiraz aksiyaları davam edir.

“İnterfaks”-ın məlumatına görə, aksiyalar dünən, mayın 16-da avtoyürüşlə başlayıb. Bu günsə Paytaxt Yerevana bir neçə istiqamətdən daxil olan yürüşçülər mərkəzə doğru hərəkət ediblər.

Yürüşçülər yavaş sürətlə hərəkət edərək küçələrdə nəqliyyatın hərəkətini dayandırmaq istəyiblər. Bunun ardınca polis avtoyürüşü dayandırıb və onlarca etirazçı saxlanıb.

Bildirilir ki, aksiyalar zamanı ümumilikdə 90-dan çox vətəndaş saxlanılıb.

Yerevan polisinin məlumatında deyilir ki, avtoyürüşçülər yalnız küçə hərəkətini dayandırmırdılar, onlar ümumən başqa nəqliyyat vasitələrinə təhlükə yaradırdılar.

Etirazçılar bu gün, mayın 17-də daha böyük aksiya keçirəcəklərini elan ediblər.

Ermənistanda müxalifəti aprelin sonlarından bəri aramsız etiraz aksiyaları keçirir.

Müxalifətin mayın 1-də keçirilən mitinqində vətəndaş itaətsizliyi elan edilib.

Müxalifət etiraz aksiyalarına Baş nazir Nikol Paşinyan parlamentdəki çıxışı zamanı “beynəlxalq ictimaiyyət bizim Qarabağa dair ambisiyalarımızın bir az aşağı salınmasını istəyir” deyəndən sonra başlayıb.

Müxalifət Paşinyanı Qarabağı Azərbaycana “təhvil verməkdə” ittiham edir.

Hakimiyyət müxalifətin bu ittihamını rədd edir və bildirir ki, Qarabağ ermənilərinin hüquq və azadlıqlarını müdafiə etmək əzmindədir.

Dünya

Ukraynada Kommunist Partiyasının fəaliyyəti qadağan edildi

5 İyul 2022

Açıq mənbələrdən götürülüb

Lvov Səkkizinci İnzibati Apellyasiya Məhkəməsi “Xoşbəxt Ukrayna” siyasi partiyasının və Ukrayna Kommunist Partiyasının fəaliyyətini qadağan edib. Bu barədə iyulun 5-də «Ukrainskaya Pravda» nəşri məlumat yayıb.  Lvov məhkəməsi hər iki partiyanın qadağan edilməsi ilə bağlı Ukrayna Ədliyyə Nazirliyinin iddialarını təmin edib.  https://toplum.tv/dunya/ukrayna-ruslar-ucun-viza-tetbiq-etdi “Xoşbəxt Ukrayna” - Rusiyaya qaçan Viktor Yanukoviç hökumətinin keçmiş gəlirlər və rüsumlar naziri Aleksandr Klimenkonun siyasi layihəsi hesab edilirdi. Məhkəmə qərarından bir neçə gün əvvəl partiyanın adı dəyişdirilmişdi: əvvəllər o, "Uğurlu Ukrayna" adlanırdı. Ukrayna Kommunist Partiyası isə Petro Simonenkonun ideya məhsuludur. Bu partiya hələ 2015-ci ilin dekabrında Kiyev Rayon İnzibati Məhkəməsi tərəfindən qadağan edilib, amma məhkəmə dartışması səbəbindən mövcudluğunu...
Dünya

Finlandiya və İsveç NATO-ya üzvlük protokollarını imzaladı

5 İyul 2022

ZDF

Finlandiya və İsveçin xarici işlər nazirləri NATO-ya daxil olmaq haqqında protokolları imzalayıblar. "Reuters" xəbər verir ki, Finlandiyanın xarici işlər naziri Pekka Haavisto, İsveçin xarici işlər naziri Ann Linde və 30 NATO ölkəsinin səfirləri NATO-nun mənzil-qərargahında keçirilən rəsmi mərasimdə iki Skandinaviya ölkəsinin Şimali Atlantika Alyansına qoşulması ilə bağlı protokolları imzalayıblar.  “Bu gün biz rəsmi olaraq üzvlük protokolunu imzalayırıq və ratifikasiya proseduruna başlayırıq. NATO-nun qapısı bütün Avropa demokratiyaları üçün açıqdır. Bu, Finlandiya, İsveç və NATO üçün yaxşı gündür, biz 32 üzv ölkə ilə daha da güclənəcəyik”, - NATO-nun baş katibi Yens Stoltenberq mərasimi açarkən deyib. Finlandiya və İsveç Rusiyanın Ukraynada başlatdığı müharibə...

Seçilmiş Videolar

Toplum TV loqo