Dünya

Yerevanda müxalifətin itaətsizlik aksiyaları davam edir

4 May, 2022
72

açıq mənbədən götürülüb

Ermənistanın paytaxtı Yerevan şəhərində müxalifətin elan etdiyi vətəndaş itaətsizliyi aksiyaları davam edir.

“News.am” yazır ki, bu gün, mayın 4-də bir çox küçə və körpülər bağlanıb. Aksiyaçıların əsas tələbi hökumətin istefasıdır.

Səhər saatlarına olan məlumata görə, Yerevandakı Kiyev körpüsü betonqarışdırıcılar tərəfindən bağlanıb. Hadisə yerinə çox sayda polis və xüsusi təyinatlılar cəmlənib. Hüquq mühafizə orqanlarının əməkdaşları nəqliyyatın qarşısını açmağa çalışırlar. Yerli KİV-in məlumatına görə, Baqramyan prospekti və Orbeli küçəsi də bağlanıb.

Aksiya iştirakçıları “Nikolsuz Ermənistan” şüarları səsləndirirlər.

Dünənki aksiyalarda Baş nazir Nikol Paşinyanın istefasını tələb edən 244 etirazçı polis tərəfindən saxlanılmışdı. Ermənistan müxalifəti gecə-gündüz etiraz aksiyası keçirmək üçün Fransa meydanında çadırlar qurub.


 


 

Dünya

Rusiya Finlandiyaya qaz nəqlini dayandıracaq

20 May 2022

Gazprom.ru

“Gazprom” Finlandiyanın “Gasum” şirkətini mayın 21-dən etibarən qaz təchizatının dayandırılması barədə xəbərdar edib. Bu barədə “Gasum”un rəsmi məlumatında deyilir. Finlandiya qaz çatışmazlığını Estoniyadan gələn “Balticconnector” qaz kəməri ilə kompensasiya etmək niyyətindədir. “Gasum” Rusiyanın tələbi ilə qazın rublla ödənilməsinə keçməkdən imtina edib və arbitrajda buna etiraz etmək niyyətindədir. “Reuters” yazır ki, Finlandiyanın Rusiyadan idxal etdiyi qaz ölkənin enerji istehlakının yalnız beş faizini təşkil edir. Rusiya “dost olmayan” ölkələrdən aprelin 1-dən əvvəllər bağlanmış müqavilələrə görə ödənişlərin rublla aparılmasını tələb edib. Bolqarıstan və Polşa artıq təklif olunan sxem üzrə qazın pulunu ödəməkdən imtina edib, bundan sonra bu ölkələrə tədarük dayandırılıb. Rusiya hökumətinin məlumatına...
Dünya

Türkmənistan qadınların xarici görünüşünə və davranışlarına nəzarəti gücləndirib

20 May 2022

AFP

Aprelin əvvəlindən Türkmənistan hakimiyyəti qadınların öz bədənlərinə nəzarət etmək hüquqlarını əhəmiyyətli dərəcədə məhdudlaşdırıb. Bu barədə BBC və “Azadlıq” radiosunun türkmən xidməti məlumat yayıb. Paytaxt Aşqabadda dövlət qurumlarının əməkdaşlarından “xarici cəlbediciliyi artırmaq üçün əlavə üsullardan çəkinmək” barədə yazılı vəd vermələri tələb olunur. Əvvəllər qadınlara qarşı analoji tələblər ölkənin digər bölgələrində də irəli sürülürdü. Hakimiyyətin təzyiqi ilə dövlət işçiləri kosmetikadan istifadə etməməyə, saçlarını boyamamağa, manikür etməməyə, cins şalvar və dar paltar geyinməməyə - bunun əvəzinə geniş ənənəvi paltar və baş örtüyü taxmağa məcburdurlar. İşdən çıxarılma təhlükəsi altında qadınlar tez bir zamanda saxta dırnaq və kirpiklərdən qurtulmalı, sarı saçlarını tünd rəngə boyamalıdırlar. Eyni...

Seçilmiş Videolar

Toplum TV loqo