Dünya

Zelenski: Ukrayna Krımı döyüş meydanında qaytarmağa hazırdır

25 Noyabr, 2022
106

Açıq mənbələrdən götürülüb

Volodimir Zelenski

"Ukrayna hakimiyyəti Krım da daxil olmaqla bütün ərazilərini qaytarmaq niyyətindədir"

Toplum TV xəbər verir ki, bunu Ukrayna Prezidenti Volodimir Zelenski Britaniyanın “Financial Times” qəzetinə müsahibəsində bildirib.

“Biz bütün torpaqları geri qaytarmalıyıq, çünki mən hesab edirəm ki, diplomatiya olmayanda seçim kimi ancaq döyüş meydanı qalır. Əgər torpaqlarınızın hamısını geri ala bilmirsinizsə, müharibə sadəcə olaraq dondurulur. Onun yenidən başlaması isə zaman məsələsidir”, - deyə Zelenski  müsahibəsində deyib.

https://toplum.tv/siyaset/niderland-parlamenti-de-rusiyani-terrorizme-sponsorluq-eden-dovlet-kimi-tanidi

“Financial Times” qeyd edir ki, Kiyevin Qərb tərəfdaşlarından bəziləri Ukraynanın Krımı geri almaq cəhdinin Moskvanın eskalasiyasına, o cümlədən nüvə silahından istifadəsinə səbəb olacağından narahatdır. Müsahibə zamanı Ukrayna prezidenti etiraf edib ki, Krımın taleyi beynəlxalq ictimaiyyəti qayğılandırır: 

"Başa düşürəm ki, hamı vəziyyətdən və Krımın taleyinin necə olacağından narahatdır. Əgər kimsə bizə qeyri-hərbi yolla Krımı işğaldan azad etmək yolunu təklif etməyə hazırdırsa, mən yalnız onun tərəfdarı olacam. Yox əgər bu təklif işğalın aradan qaldırılması ilə bağlı deyilsə və Krımı Rusiya Federasiyasının bir hissəsi kimi qəbul edirsə, onda heç kim vaxt itirməməlidir".

Müsahibə zamanı Zelenski Qərb tərəfdaşlarını Ukraynanın kritik infrastrukturu qorumaq üçün daha çox hava hücumundan müdafiə vasitələri, həmçinin qəza generatorları üçün dizel yanacağı və elektrik çatışmazlığını aradan qaldırmaq üçün əlavə qaz tədarük etməyə çağırıb.

Noyabrın 23-də Rusiya Ukraynanın enerji obyektlərinə zərbələr endirib, nəticədə ölkə ərazisinin 80%-i işıqsız və susuz qalıb. 

"Financial Times"-ın məlumatına görə, infrastruktur naziri Oleksandr Kubrakov hesab edir ki, Ukraynanın enerji sistemini bərpa etmək üçün bir neçə yüz milyon dollara ehtiyac var.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Dünya

Bayden Ukraynaya F-16 qırıcılarının verilməyəcəyini deyib

Toplum TV
31 Yanvar 2023

Forbes

ABŞ Prezidenti Co Bayden bildirib ki, Vaşinqton Kiyevə F-16 qırıcıları verməyəcək. Toplum TV CNN-ə istinadən xəbər verir ki, brifinq zamanı jurnalistlərin Ukraynaya təyyarələrin verilməsi ideyasını dəstəkləyib-dəstələmədiyini soruşduqda Bayden “Xeyr” cavabını verib. Bundan sonra ABŞ Milli Təhlükəsizlik Şurasının rəsmi nümayəndəsi Con Kirbi Baydenin bəyanatını şərh edib. O, bildirib ki, Vaşinqton artıq Kiyevi kifayət qədər silahla təmin edib. https://toplum.tv/dunya/pqerb-ukraynaya-tanklar-goumlnderir-amma-indi-basqa-problem-varp Kiyevə qırıcı təyyarələrin tədarükü məsələsi ötən həftə Qərb istehsalı olan tankların Ukraynaya göndərilməsi təsdiqləndikdən sonra müzakirə olunmağa başlayıb. Ukrayna ordusu 180-ə yaxın qırıcı təyyarəyə ehtiyac olduğunu bildirib. Hollandiya və Polşa Ukraynanı öz F-16 qırıcıları ilə təmin etməyə hazır olduqlarından bildiriblər. Yanvarın 30-da Polşanın...
Dünya

Çin ABŞ-dan Ukraynaya silah tədarükünü dayandırmağı tələb edir

Toplum TV
30 Yanvar 2023

Açıq mənbələrdən götürülüb

Çin Xarici İşlər Nazirliyi (XİN) ABŞ-ı Ukrayna böhranının təşəbbüskarı adlandırıb və silah tədarükünü dayandırmağa çağırıb. Toplum TV "Reuters"-ə istinadən xəbər verir ki, bu barədə XİN-in nümayəndəsi Mao Ninq açıqlama verib. "ABŞ Ukrayna böhranının əsas təşəbbüskarı və hərəkətverici qüvvəsidir. Onlar Ukraynanı davamlı olaraq ağır və hücum xarakterli silahlarla təchiz etməklə münaqişəni uzadır və onu daha da gərginləşdirirlər. Əgər ABŞ həqiqətən də böhranın tezliklə bitməsini istəyirsə, Ukrayna xalqının təhlükəsizliyini həqiqətən düşünürsə, o zaman silah göndərməyi dayandırmalı və müharibədən qazanc əldə etməyi sonlandırmalıdır”, - deyə o bildirib.  https://toplum.tv/dunya/pqerb-ukraynaya-tanklar-goumlnderir-amma-indi-basqa-problem-varp Bundan əvvəl Vaşinqton administrasiyası Ukraynaya "Abrams" tanklarını göndərmək qərarına gəlib. Qeyd olunur ki, hərbi texnikanın...

Seçilmiş Videolar

Toplum TV loqo