İqtisadiyyat

Azərbaycanda illik inflyasiya 4%-i keçdi

10 İyun, 2021
1340

Sosial Media

Bu ilin yanvar-may aylarında Azərbaycanda istehlak qiymətləri indeksi ötən ilin eyni dövrünə nisbətən 104,2%, o cümlədən ərzaq məhsulları, içkilər və tütün məmulatları üzrə 104,8 %, qeyri-ərzaq məhsulları üzrə 103,8 %, əhaliyə göstərilmiş ödənişli xidmətlər üzrə 103,4 % təşkil edib.

Bu barədə iyunun 10-da Dövlət Statistika Komitəsindən xəbər verilib. 

Məlumata görə, may ayında istehlak qiymətləri indeksi əvvəlki ayla müqayisədə 100%, ötən ilin may ayına nisbətən isə 104,9% olub. O cümlədən ötən ay ərzaq məhsulları, içkilər və tütün məmulatları üzrə istehlak qiymətləri indeksi əvvəlki ayla müqayisədə 99,4%, ötən ilin may ayına nisbətən isə 105,2% təşkil edib.

Mayda aprelə nisbətən ayrı-ayrı ərzaq məhsullarından daha çox artım düyünün, unun, manna və qarabaşaq yarmasının, makaron məmulatlarının, toyuq ətinin, dondurulmuş balığın, qatılaşdırılmış şəkərli südün, yoqurtun, xamanın, pendirin, günəbaxan və qarğıdalı yağlarının, limonun, almanın, armudun, çuğundurun, yerkökünün, şəkər və şəkər tozunun, konfetlərin, limonadın, arağın, ucuzlaşma isə əsasən təzə balığın, yumurtanın, bananın, alçanın, çiyələyin, qozun, fındığın, kələmin, xiyarın, pomidorun, bibərin, badımcanın, göy lobyanın, kartofun, soğanın və sarımsağın qiymətlərində müşahidə olunub. Digər ərzaq məhsullarının qiymətlərində ciddi dəyişikliklər baş verməyib.

Ötən ay qeyri-ərzaq məhsulları üzrə istehlak qiymətləri indeksi əvvəlki ayla müqayisədə 100,6%, ötən ilin may ayına nisbətən 104,4% olub. Mayda aprelə nisbətən ayrı-ayrı qeyri-ərzaq məhsullarından daha çox artım parçaların, boyaların, divar kağızlarının, polietilen su və kanalizasiya borularının, kəsilmiş taxtaların, parketin, sementin, kərpicin, mebellərin, soyuducuların, kondisionerlərin, tozsoranların, televizorların, minik avtomobilləri üçün ehtiyat hissələrinin, velosipedlərin, toz şəklində sintetik yuyuсu vasitələrin, azalma isə paltaryuyan maşınların qiymətlərində müşahidə olunub. Digər qeyri-ərzaq məhsullarının qiymətlərində ciddi dəyişikliklər baş verməyib.

Mayda əhaliyə göstərilmiş ödənişli xidmətlər üzrə istehlak qiymətləri indeksi əvvəlki ayla müqayisədə 100,5%, ötən ilin may ayına nisbətən 104,8% təşkil edib. Mayda aprelə nisbətən ayrı-ayrı xidmət növlərindən daha çox artım paltarların təmiri və kimyəvi təmizlənməsi, ayaqqabı, mebel və məişət cihazlarının təmiri, minik avtomobillərinin mühərrik yağının dəyişdirilməsi, tibbi, ictimai iaşə, bərbərxana və kosmetoloji xidmətlərin, MDB ölkələrinə hava nəqliyyatı ilə beynəlxalq sərnişindaşıma xidmətlərinin, azalma isə MDB ölkələri istisna olmaqla hava nəqliyyatı ilə digər ölkələrə beynəlxalq sərnişindaşıma xidmətlərinin qiymətlərində müşahidə olunub. Digər ödənişli xidmətlərin qiymətlərində ciddi dəyişikliklər baş verməyib.

İqtisadiyyat

İstilik enerjisi paylayanların tələblərinə maneə yaradanlar cərimələnəcək

13 May 2022

Toplum Tv

İstilik sahəsində qanunvericiliyin tələblərinin pozulmasının qarşısını almağa istehlakçı tərəfindən maneələr törədilməsinə görə yeni cərimələr müəyyənləşir. APA-nın məlumatına görə,bu, Milli Məclisin bu gün, mayın 13-də keçirilən iclasının gündəliyinə daxil edilən İnzibati Xətalar Məcəlləsinə təklif edilən dəyişiklikdə əksini tapıb. Dəyişikliyə əsasən, istilik paylayıcısının səlahiyyətli şəxsinin qanunvericiliyin tələblərinin pozulmasının qarşısını almaq məqsədi ilə tədbirlərin həyata keçirilməsinə, yaxud həmin şəxsin qanuni tələblərinin yerinə yetirilməsinə istehlakçı tərəfindən maneələr törədilməsinə görə fiziki şəxslər 20 manat məbləğində, vəzifəli şəxslər 50 manat məbləğində, hüquqi şəxslər 100 manat məbləğində cərimə ediləcək. İnzibati Xətalar Məcəlləsinin 602.4-cü maddəsinə əsasən, sahibkar tərəfindən yoxlama prosesində yoxlamaya aid sənədlərin yoxlayıcıya təqdim edilməməsinə, yoxlama zamanı...
İqtisadiyyat

ƏDV-dən azad edilən kağız məhsullarının siyahısı təsdiqləndi

13 May 2022

açıq mənbədən götürülüb

Nazirlər Kabineti “İdxalı və satışı əlavə dəyər vergisindən azad edilən kütləvi informasiya vasitələri məhsullarının və kitabların (elektron kitablar istisna olmaqla), habelə dərslik komplektlərinin və həmin malların (məhsulların) istehsalı (nəşri) ilə bağlı rulon və ya vərəqə şəklində kağızın Siyahısı”nı təsdiqləyib. Siyahı ilə bağlı qərar Nazirlər Kabinetinin saytında dərc olunub. Siyahıya aşağıdakı məhsullar daxildir: - Rulonlarda və ya vərəqlər şəklində qəzet kağızı - Müstəlif ölçü və qramda olan yazı, çap və ya digər qrafik məqsədləri üçün istifadə edilən təbaşirlənməmiş kağız və karton - Kitabların cildlənməsi üçün tikilən kağız və karton üzlük - İllüstrasiyalı və ya illüstrasiyasız, içində reklam materialı olan və ya olmayan...

Seçilmiş Videolar

Toplum TV loqo