İqtisadiyyat
“Bakı 5 ulduzlu otellərin sayına görə liderdir”
3 Dekabr, 2019
589
"Bakı 5 ulduzlu  otellərin sayına görə liderdir".

İqtisadçı Qubad İbadoğlu "booking.com” otel axtarış saytına istinadən belə məlumat yayıb. 

"5 ulduzlu otellərin sayı Bakıda 109, Parisdə 102, Moskvada 38, Vaşinqtonda 20, Brüsseldə 14, Tbilisidə 13-dür. Onlardan 52-də 1 gecənin qiyməti 374 manatdan başlayır”.

İqtisadçı hesab edir ki, 5 ulduzlu otellərin sayının 100-dən çox olması neft fondundan və büdcədən oğurlanan vəsaitlərin bir hissəsinin əmlak bazarına  yatırılmasından xəbər verir: "Bu otellər həm də büdcədən beynəlxalq tədbirlərin təşkilinə ayrılan vəsaitin silinməsində əhəmiyyətli rol oynayır. 2020-ci ilin büdcəsindən bu məqsədlə 221,5 milyon manat ayrılıb. Bakıya gələn qonaqlar da əsasən hakim dairələrə məxsus olan 5 ulduzlu otellərdə yerləşdirilir”. 

Qubad İbadoğlu deyir ki, ölkə paytaxtında 5 ulduzlu otellərin çoxluğu gəlirlərin və sərvətlərin ədalətsiz bölüşdürülməsinin göstəricidir: "Ölkədə 100 minlərlə gənc mənzilsiz yaşadığı halda, bu otellər yalnız beynəlxalq tədbirdən-tədbirə doldurulur. Böyük etimalla Bakıdakı 5 ulduzlu otellərin hamısı həmin standartlara uyğun xidmət göstərməsə də, rüşvətin müqabilində həmin statusu qazanıb”.

İqtisadçı onu da əlavə edib ki, Bakıda 5 ulduz otellərin sayının 2 və 3 ulduzlu otellərin sayına bərabər olması (onların birlikdə sayı 112-dir)  Azərbaycanın turizm cəlbediciliyini aşağı salır və ölkəni rəqabətdə uduzdurur: "Turistlər, adətən, aşağı ulduzlu, ucuz  otelləri olan ölkələrə səyahət edirlər. Araşdırma göstərdi ki, dekabrın ortalarında Bakıdakı  otellərin 52-də 1 gecənin qiyməti 220 dollar və ya 374 manatdan başlayır”.
 
Elmar Əziz
İqtisadiyyat

İqtisadçı: “Hökumət özü “Büdcə sistemi haqqında” Qanunun bir çox müddəalarını pozur”

Nigar Səmədli
19 İyun 2021
 “Hökumət “Büdcə sistemi haqqında” Qanunun bir çox müddəalarını özü pozur, ya da büdcə qəbul olunan zaman daxildən və ya xaricdən borclanmanın hədlərini artıraraq dəyişikliklər edir”. “Toplum TV”-yə açıqlamasında iqtisadçı Nazim Bəydəmirli belə deyib. Nazim Baydəmirli-wikiwand.com Beynəlxalq Valyuta Fondunun yenilənmiş proqnozuna əsasən, 2021-ci ildə Azərbaycanın icmal büdcəsinin kəsiri ÜDM-in 5,6%-nə bərabər olacaq. Keçənilki proqnoz 5,2% təşkil edib. Bu barədə fondun Azərbaycandakı virtual missiyasının yekunlarına dair müvafiq bəyanatında bildirilir. Proqnozlardakı dəyişiklik azad olunmuş torpaqlarda başlanmış rekonstruksiya işlərinin artırdığı xərclərlə və pandemiyayla əsaslandırılır. 2022-ci il üçün gözləntilərsə 2,3%-lik defisitdən 3%-lik defisitə qədər pisləşdirilib. Nazim Bəydəmirli deyir ki, ÜDM-ə münasibətdə Beynəlxalq Valyuta Fondunun tövsiyələrindəki...
İqtisadiyyat

Azərbaycan hökuməti “rəqəmsal qızıl”a niyə maraq göstərmir?

Aytac Məmmədli
19 İyun 2021

Ferra.ru

Müasir dövrün mübadilə vasitəsi - rəqəmsal kriptovalyuta investisiya olaraq son 10 ilin, demək olar ki, ən gəlirli, həm də ən riskli maliyyə aktivinə çevrilib. Hazırda rəqəmsal aktivlər arasında “Ethereum”, “Ripple”, “Cardano”, “Litecoin”, “NEM”, “Bitcoin Cash” kimi kriptovalyutalar mövcud olsa da, ən çox tanınanı bitkoin (bitcoin) hesab edilir. Bitkoinin simvolu ฿, qısaltması isə BTC-dir. Bitcoini kim, niyə yaratdı? Bitkoini ilk dəfə 2008-ci ildə Satoshi Nakamoto icad edib - “Bitcoin: A Peer-to-Peer Electronic Cash System” adlı sənədi  internetdə dərc etməklə kriptovalyutanın tarixini başladıb. Maraqlıdır ki, Nakamotonun kimliyi və ilk kriptovalyutanın yaradılmasının əsl səbəbi hələ də bəlli deyil. İddialar var ki, o, 2008-ci...
Seçilmiş Videolar