İqtisadiyyat

Dövlət Departamenti: Azərbaycanda korrupsiya şirkətlər üçün problem olaraq qalır

29 İyul, 2022
410

Rəsmi səhifə

"Azərbaycanda ümumi investisiya iqlimi yaxşılaşmaqda davam edir, hərçənd mühüm problemlər qalmaqdadır", - ABŞ administrasiyasının cümə axşamı açıqladığı illik hesabatında bildirilir.

"Turan"-ın müxbirinin məlumatına görə, "İnvestisiya mühiti haqqında bəyanatlar" adlı hesabat Dövlət Departamenti tərəfindən hazırlanıb. Məqsəd Amerika şirkətlərinə dünyada investisiya mühiti haqqında aktual informasiyadan istifadə edərək əsaslandırılmış işgüzar qərarlar qəbul etməyə kömək etməkdir. Hesabatda təqdim olunan 160-dan çox ölkə arasında Azərbaycan da var.  

"Sənəddə investisiya şəraitinin yaxşılaşdırıldığı, həmçinin biznesə əngəl olan maneələrin qaldığı sahələr təqdim olunub", - Dövlət Departamentinin rəsmisi Ned Prays mətbuat üçün brifinqdə bildirib.

"Hesabat təkcə bazar şərtlərini əhatə etmir, həm də hökumətlərin beynəlxalq əmək standartlarına necə əməl etdiyini, biznesin məsuliyyətli aparılmasını necə təmin etdiyini, korrupsiya ilə necə mübarizə apardığını qiymətləndirir".

Bu ilin hesabatlarında Ukrayna və Rusiyanın adları keçmir. "Bizim Ukraynaya dair müvafiq məlumatların toplanması üçün imkanımız olmayıb. Əlbəttə ki, Rusiyanın Ukraynaya hücumu Rusiyada bazar konyukturasında kəskin dəyişikliklərə gətirib çıxarıb", - Prays vurğulayıb.

https://toplum.tv/iqtisadiyyat/qarabagin-berpasi-milyardlar-xerclenir-seffafliq-yoxdur

Azərbaycana gəlincə, hesabatda deyilir ki, hökumət xarici investisiyaları cəlb etməyə, öz iqtisadiyyatını şaxələndirmək üçün islahatlar aparmağa və özəl sektorun artımını stimullaşdırmağa çalışıb. Lakin Azərbaycan iqtisadiyyatı əvvəlkitək neft və qaz hasilatından  çox asılıdır ki,  ixrac gəlirlərinin, təxminən  88 faizi və dövlət büdcəsinin yarıdan çoxu bunun payına düşür.

"2021-ci ildə Azərbaycan iqtisadiyyatı illik hesablamada 5,6 faiz artıb (2020-ci ildə 4,3 faiz azalma olub). Neft- qaz sektoru pandemiyadan sonra bərpa olunaraq 1,7 faiz, qeyri-neft-qaz sektoru isə 7,2 faiz artıb", - hesabatda deyilir.

Neft-qaz sektoru tarixən xarici sərmayələrin ən böyük payını cəlb etdiyi halda, Azərbaycan hökuməti iqtisadiyyatın şaxələndirilməsi üçün dörd qeyri-neft sektorunu seçib: kənd təsərrüfatı, turizm, informasiya və kommunikasiya texnologiyaları və nəqliyyat/logistika.

Son illər işgüzar mühitin yaxşılaşdırılması və bütövlükdə iqtisadiyyatda islahatlar üçün həyata keçirilən tədbirlər sırasına izafi biznes-lisenziyaların aradan qaldırılması, lisenziya səlahiyyətlərinin ASAN dövlət xidmətləri mərkəzlərinə verilməsi, gömrük prosedurlarının sadələşdirilməsi, bəzi biznes yoxlamalarının dayandırılması və vergi rejimində islahatlar daxildir.

Hesabata əsasən, işgüzar mühitin yaxşılaşdırılması üzrə ciddi səylərə baxmayaraq, şaxələndirilmiş və rəqabətqabiliyyətli özəl sektorun yaradılması üçün zəruri olan struktur islahatları əvvəlkitək geridə qalır, korrupsiya isə Azərbaycanda fəaliyyət göstərən şirkətlər üçün ciddi problem olaraq qalır.

İqtisadiyyatda dövlətlə bağlı holdinq şirkətlərin kiçik qrupu üstünlük təşkil edir, əqli mülkiyyət hüquqlarının müdafiəsi yaxşılaşır, lakin yetərli deyil, məhkəmə şəffaflığı isə yoxdur.

Azərbaycan üzrə hesabatın tam versiyası.

İqtisadiyyat

Son 6 ayda Türkiyədə ev alan azərbaycanlıların sayı açıqlanıb 

Samirə Əli
10 Avqust 2022

Açıq mənbələrdən götürülüb

Azərbaycanlılar 2022-ci ilin ilk altı ayı ərzində Türkiyədə ümumilikdə 702 ev satın alıblar.  Bu barədə Türkiyənin milli statistika komitəsi məlumat verib. Aylar üzrə statistika isə belədir:   Yanvar - 89,  Fevral - 93 Mart - 115 Aprel - 156 May - 118  İyun – 131  Bildirilir ki, iyunda Türkiyədə mənzil alanların sayında Rusiya vətəndaşları ilk pillədə qərar tutub. Belə ki, Rusiya vətəndaşları bu ay ərzində 1887 mənzil satın alıblar. İkinci yerdə İran (987), üçüncü yerdə isə İraq vətəndaşları (807) yer alıb. https://toplum.tv/siyaset/azerbaycanli-turistler-ermenistanda-hansi-hallarda-sefer-etmek-mumkundur 2021-ci ildə İran vətəndaşları Türkiyədən 10 min 56 mənzil almaqla birinci yeri tutmuşdular. İkinci yerdə 8 min 661...
İqtisadiyyat

Payızda ölkədə un və un məmulatları bahalaşacaq?

Samirə Əli
8 Avqust 2022

Açıq mənbələrdən götürülüb

“Azərbaycan vətəndaşları sentyabr, oktyabrda piştaxtalarda un və un məmulatlarının bahalaşmasını müşahidə edəcəklər”. Bu sözləri iqtisadçı Asif İbrahimov yerli kanalların birinə verdiyi müsahibəsində bildirib. Əsas taxıl ixracatçıları olan Rusiya və Ukraynanın müharibə aparması səbəbilə dünyada taxıl böhranının olacağı proqnozlaşdırılırdı. Digər taxıl icrax edən ölkələrin də daxili tələbatı əsas gətirərək ixraca məhdudiyyətlər qoymasının prosesə mənfi təsir edəcəyi vurğulanırdı. Azərbaycan Kənd Təsərrüfatı Nazirliyi yaxınlarda ölkədə 100 min hektar taxıl sahəsinin quraqlıq səbəbindən məhv olduğunu açıqladı. Butün bu proseslər Azərbaycana necə təsir göstərəcək? Payızda ölkədə həqiqətən un və un məmulatları bahalaşa bilərmi? Azərbaycanın taxıl ehtiyatı Azərbaycanın nə qədər taxıl ehtiyatının olması barədə rəsmi statistika...

Seçilmiş Videolar

Toplum TV loqo