İqtisadiyyat

Əhaliyə 190 manat veriləcəkdi, hökumət niyə imtina etdi?

Aytac Məmmədli
23 İyun, 2021
1899

Açıq mənbələrdən götürülüb

"Azərbaycan hökuməti kredit almaqla "başını ağrıtmaq" istəmir". 
  
İqtisadçı Natiq Cəfərli Azərbaycanın Dünya Bankının təklif etdiyi kreditdən imtina etməsinin səbəbini "Toplum TV"-yə şərh edərkən belə deyib. 
  
İyunun 22-də Maliyyə Nazirliyinin mətbuat katibi Mais Piriyev bildirib ki, Azərbaycan Dünya Bankı tərəfindən koronavirus infeksiyasına qarşı mübarizədə ölkələrə təqdim olunan güzəştli krediti almaqdan imtina edib. 
 
O deyib ki, kreditin ayrılması istiqamətləri, şərtləri və prosedurları Azərbaycanı qane etmədiyindən danışıqlar dayandırılıb və bu barədə Dünya Bankına da məlumat verilib. 
  
"Hazırda Dünya Bankından sözügedən kreditin alınması gündəmdə deyil", - deyə M. Piriyev əlavə edib. 
 
Layihə çərçivəsində atılacaq əsas addımlardan biri əhalinin həssas və aztəminatlı təbəqəsinə – ailələlər və ayrı-ayrı şəxslərə müvəqqəti dəstək vermək və onlara ödənişlər etməklə bağlı idi. Burada işsizliyə görə ayrıca 190 manatın ödənilməsi nəzərdə tutulurdu.  

Natiq Cəfərli - Sosial Media

Natiq Cəfərli hesab edir ki, Azərbaycan hökuməti ayrılan vəsaiti şəffaf xərcləyə bilməyəcəyi üçün təklifdən imtina edib: "Dünya Bankının əsas şərtlərindən biri ayrılan vəsaitin şəffaf və doğru istiqamətlər üzrə xərclənməsidir. Aydındır ki, Azərbaycan bu məlumatları təqdim edə bilməyəcək. Ona görə də təklifdən imtina edib. Bunun başqa səbəbi ola bilməz, çünki bütün dünya ölkələri pandemiya ilə mübarizə üçün çox aşağı faizli kredit verən Dünya Bankına müraciət edirlər". 
  
İqtisadçı danışıqların bundan sonra da davam edəcəyini istisna etməyib: " Ola bilər ki, bəzi şərtlər çərçivəsində müqavilə bağlansın, təklifdən tamamilə imtina olunmasın". 

Vahid Əhmədov: "Azərbaycanın maliyyə yardımına ehtiyacı yoxdur"
  
İqtisadçı, deputat Vahid Əhmədov isə bu qərarı düzgün sayır. 

Vahid Əhmədov - Sosial Media

Onun sözlərinə görə, Azərbaycanın maliyyə yardımına ehtiyacı yoxdur: "Koronavirusla mübarizəyə dövlət büdcəsindən 2,2 milyarda yaxın vəsait xərclənib. Yəqin ki, Maliyyə Nazirliyi də bunu hesablayıb və kreditin sərf etməyəcəyini düşünərək təklifdən imtina edib. Azərbaycan pandemiya ilə mübarizə apara bilir, yoluxma sayında ciddi azalmalar var. Kreditə ehtiyac olsaydı, götürərdik".

Qadir İbrahimli

 Qadir İbrahimli: "Hökumətin əhaliyə 190 manat vermək fikri yoxdur" 
 
İqtisadçı Qadir İbrahimli deyir ki, hökumət əhaliyə 190 manat yardım ayırmaq istəmir: "Azərbaycan hökumətinin əhaliyə 190 manat vermək fikri yoxdur. Digər tərəfdən də Azərbaycan nefti dünya bazarında kifayət qədər yaxşı qiymətə satılır. Ona görə də Azərbaycan əlavə borc altına girmək istəmir". 
  
Azərbaycan 1992-ci ildən Dünya Bankının üzvüdür və indiyədək bank Azərbaycana 70-dən çox layihə üzrə 4,4 mlrd. dollar məbləğində vəsaitin ayırmasını öz öhdəliyinə götürüb. 


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

İqtisadiyyat

IDI-nin araşdırması: Azərbaycanda gəlir bərabərsizliyi ölçülüb 

31 May 2023
Demokratik Təşəbbüslər İnstitutunun (IDI) "Gənc iqtisadçılar” təlimlərinin məzunlarından ibarət araşdırma qrupunun üzvləri Azərbaycanda və dünyada gəlir bərabərsizliyi, eləcə də, onun səbəblərinin ölçülməsi ilə bağlı sənəd hazırlayıb. Toplum TV xəbər verir ki, tədqiqatda "gəlir bərabərsizliyi” anlayışına nəzəri yanaşma, bu göstəricinin ölçülməsi ilə bağlı metodoloji məsələlər araşdırılıb.  Araşdırmanın nəticəsinə görə, gəlir bərabərsizliyi əsasən kapital və əmək gəlirləri arasında yaranan qeyri-bərabərlikdən törəyir.  https://toplum.tv/iqtisadiyyat/pidi-nin-arasdirmasi-azerbaycanda-erzaq-inflyasiyasi-qiymetlendirilibp Tədqiqatın Azərbaycan bağlı gəldiyi nəticələrdən biri Dövlət Statistika Komitəsinin açıqladığı məlumatların həqiqəti tam əks etdirməməsi ilə bağlıdır. Bildirilir ki, Komitə Azərbaycanda bərabərsizliyin minimum səviyyələrdə olduğunu göstərsə də, beynəlxalq araşdırmalar eynisini söyləmir. Beynəlxalq qurumların araşdırmalarına görə, Azərbaycanda varlı və kasıb təbəqənin...
İqtisadiyyat

İran bankının Bakı filialının fəaliyyəti məhdudlaşdırılıb

26 May 2023

açıq mənbələrdən götürülüb

Azərbaycan Mərkəzi Bankı (AMB) İran Milli Bankının Bakı filialının (“Bank Melli İran-Baku”) fəaliyyətini məhdudlaşdırıb. Toplum Tv xəbər verir ki, bu barədə mayın 26-da bankın filialı məlumat yayıb.  Bildirilir ki, tənzimləyici qurum kredit təşkilatına məktub göndərib və hesabdan pul götürmək istisna olmaqla bütün bank əməliyyatlarının (depozit qəbulu, kredit verilməsi və s.) dayandırılmasını tələb edib.  https://toplum.tv/siyaset/pputin-azerbaycanin-rusiya-iran-sazisine-qosulmasini-isteyirp AMB İran həmçinin bankın fəaliyyətini yoxlayır. “Bank Melli İran-Baku”AMB-nin qərarının səbəbləri barədə açıqlama verilməyib. İran Milli Bankının Bakı filialı 1993-cü ildən fəaliyyət göstərir. Onun nizamnamə kapitalı 73,611 milyon manatdır.

Seçilmiş Videolar

Toplum TV loqo