İqtisadiyyat

Ekspert: “Qeyri-neft sektorundakı ixracatda da SOCAR-ın törəmə şirkəti liderlik edir” 

Nigar Səmədli
15 İyul, 2021
229

Açıq mənbələrdən götürülüb

Bu ilin yanvar-iyun aylarında Azərbaycanda istehsal olunmuş ümumi daxili məhsulun (ÜDM) dəyəri ötən ilin eyni dövrü ilə müqayisədə 2,1% artaraq 39 915 milyon manat təşkil edib.  

Bu barədə iyulun 14-də Dövlət Statistika Komitəsi məlumat yayıb.  

Məlumata görə, son 1 ildə qeyri neft-qaz ÜDM-i 5,1% artaraq 25 637 milyon manata çatıb. Əhalinin hər nəfərinə düşən ÜDM isə 3 987,6 manat olub ki, bu da illik müqayisədə 1,6% çoxdur. 

Natiq Cəfərli - Sosial Media

 İqtisadçı Natiq Cəfərli deyir ki, bu artım enerji sektorundakı qiymətlərlə əlaqəlidir: “Əsas səbəb neft və qaz qiymətlərinin artmasıdır. Azərbaycanda neft hasilatı azalsa da, qaz hasilatı kəskin çoxalıb. Eyni zamanda, qaz ixracatında da kəskin artım müşahidə olunur. İlin əvəlindən bəri neftin qiymətlərinin kifayət qədər yüksək olması ümumi daxili məhsulun dəyərinin yüksək olmasına ciddi təsir göstərən amillərdəndir. Qeyri-neft sektorunda müəyyən artım olsa da, ümumi göstəricilərdə hələ də enerji sektoru liderliyini davam etdirir”.  

Ekspert qeyri-neft sektorundakı artımın əsasən kənd təsərrüfatı ilə əlaqəli olduğunu bildirib: “Amma başqa səbəb də var. Neft məhsullarının xaricə ixracı da qeyri-neft sektoru sayılır.  Hesablama qaydalarına görə neftə sadəcə neft-qaz sektoru aid edilir. Polietilen və başqa plastik boruların, o cümlədən gübrələrin istehsalında da artım var. Nə qədər qəribə səslənsə də, qeyri-neft sektorunun ixracatına məhz SOCAR-ın törəmə şirkəti liderlik edir”.  

Bu ilin yanvar-aprel ayları ərzində Azərbaycanın ümumi ixracı 6,4 mlrd. ABŞ dollar, qeyri-neft sektoru üzrə ixracı 697 mln. dollar təşkil edib.  

İqtisadi İslahatların Təhlili və Kommunikasiya Mərkəzinin məlumatına görə, qeyri-neft sektoru üzrə ixrac 2020-ci ilin müvafiq dövrü ilə müqayisədə 146 mln. dollar və ya 26,5% artıb. 2021-ci ilin yanvar-aprel ayları ərzində ixrac edilən qeyri-neft sektoruna aid malların siyahısında pambıq mahlıcı (96,4 mln. dollar) birinci olub. Bu siyahıda qızıl ikinci (64,6 mln. dollar), pomidor (tomat) isə üçüncü (42,3 mln. dollar) yerdə qərarlaşıb. Statistikaya əsasən, digər mallar müvafiq olaraq, ilkin formalı polipropilen (37,1 mln. dollar), qabığı təmizlənmiş meşə fındığı (34,7 mln. dollar), xüsusi kütləsi 0,94-dən az olan ilkin formalı polietilen (33,6 mln. dollar), xurma (31,9 mln. dollar), elektrik enerjisi (23,2 mln. dollar) və s. təşkil edir. 2021-ci ilin yanvar-aprel ayları ərzində Türkiyəyə 216,2 mln. dollar, Rusiyaya 188,5 mln. dollar, İsveçrəyə 68,2 mln. dollar, Gürcüstana 53,5 mln. dollar və ABŞ-a 23 mln. dollar dəyərində qeyri-neft sektoruna aid mal ixrac olunub. Qeyri-neft sektoru üzrə ixrac əməliyyatlarında iştirak edən dövlətə məxsus olan şirkətlərin siyahısına “Socar Polymer” MMC və Azərbaycan Respublikası Dövlət Neft Şirkətinin “Marketinq və İqtisadi Əməliyyatlar İdarəsi” başçılıq edir. Bu siyahıda sonrakı yerləri “Azəralüminium” MMC, “AzerGold” QSC, “Azərpambıq Aqrar Sənaye Kompleksi” MMC, “Azərenerji” ATSC, “Azərbaycan Dəmir Yolları” QSC, “Caspian Geo” MMC, “Azəripək” MMC, Naxçıvan MR Dövlət Energetika Xidməti tutur. 

İqtisadiyyat

İsraildə Azərbaycanın Ticarət Nümayəndəliyi açıldı

29 İyul 2021

Rəsmi səhifə

İqtisadiyyat naziri Mikayıl Cabbarovun İsrailə səfəri çərçivəsində Azərbaycanın bu ölkədə Ticarət Nümayəndəliyinin açılışı olub. Bu barədə iyulun 29-da İsrailin Azərbaycandakı səfirliyi məlumat yayıb. Bildirilir ki, açılış mərasimində İsraildən olan nazir Yoel Razvozov da iştirak edib və Ticarət Nümayəndəliyinin lentini kəsiblər.
İqtisadiyyat

Ekspert: “Məmurlar bizneslərini gəlinlərinin və qızlarının adından idarə edirlər”

Nigar Səmədli
27 İyul 2021

Açıq mənbələrdən götürülüb

“Məmurlar dövlət vəzifələrində oturaraq öz bizneslərini gəlinlərinin, qızlarının və ya digər ailə üzvlərinin adından idarə edirlər. Əminliklə deyə bilərəm ki, göstərilən qadın sahibkarların 90 faizi real sahibkar deyil”.   İqtisadçı-ekspert Nazim Bəydəmirli “Toplum TV”-yə belə deyir.   Azərbaycanda fərdi sahibkarların 20-i faizindən çoxu qadındır. Bunu İqtisadi İslahatların Təhlili və Kommunikasiya Mərkəzinin (İİTKM) icraçı direktoru Vüsal Qasımlı Azərbaycanda Qadın Sahibkarlığının İnkişafı Assosiasiyasının nümayəndə heyəti ilə görüşdə bildirib. Vüsal Qasımlı - Açıq mənbələrdən götürülüb V.Qasımlı qeyd edib ki, İlham Əliyevin qəbul etdiyi Strateji Yol Xəritələrinin icrası çərçivəsində yaradılan assosiasiya qadın sahibkarlığının inkişafında, qadın sahibkarlığı sahəsində təşəbbüskarlığın artırılmasında, sahibkar qadınların maraqlarının qorunmasında, şəffaflıq...
Seçilmiş Videolar