İqtisadiyyat

Əli Əsədov: “Azərbaycan Cənubi Qafqazda Rusiyanın əsas ticarət tərəfdaşıdır”

18 Noyabr, 2022
184

Noyabrın 17-də Bakıda XI Azərbaycan-Rusiya regionlararası forumu keçirilib.

Tədbirdə Bakıya ilk dəfə səfər edən Rusiyanın Baş naziri Mixail Mişustin də iştirak edib.

Mixail Mişustinin Azərbaycanın Baş naziri Əli Əsədovla görüşündən sonra bir sıra ikitərəfli sazişlər imzalanıb.

Nazirlər Kabinetinin yaydığı məlumata görə, hökumətlərarası sazişlər cinayət yolu ilə əldə edilmiş gəlirlərin leqallaşdırılmasına, fiziki şəxslər tərəfindən nağd pul vəsaitlərinin transsərhəd daşınması zamanı terrorizmin maliyyələşdirilməsinə qarşı mübarizə sahəsində informasiya əməkdaşlığını, sərhədyanı ərazilərdə vəba üzrə epidemioloji rifahın təmin edilməsini, beynəlxalq tibb-sanitariya qaydalarının tətbiqini əhatə edib.

İki ölkə arasında dövlət sərhədindən buraxılış məntəqələrinin əlaqələndirilmiş inkişafı, nəqliyyat sahəsində kadrların hazırlanması və yenidən hazırlığı sahəsində əməkdaşlığın inkişafı və gəmiqayırma sahəsində əməkdaşlıq haqqında memorandum imzalanıb.

Azərbaycanın Baş naziri Əli Əsədov tədbirdə bildirib ki, Azərbaycan Cənubi Qafqazda Rusiyanın əsas ticarət tərəfdaşıdır.

Bu ilin 10 ayı ərzində qarşılıqlı ticarət 20 faizdən çox artaraq 3 milyard dollara yaxın olub: “Göstərilən müddətdə Azərbaycan və Rusiya arasında yük daşımalarının ümumi həcmi təxminən 22 faiz artıb. Rusiya yüklərinin Azərbaycan ərazisindən tranzit daşınması xeyli artıb. İlin əvvəlindən 98 faiz artım qeydə alınıb”.

M.Mişustin isə deyib ki, Azərbaycanda Rusiya kapitallı 900-dən çox birgə müəssisə fəaliyyət göstərir.

Onun sözlərinə görə, bunlardan təxminən 300-ü 100 faiz Rusiya kapitallıdır: "Müvafiq olaraq, Azərbaycan biznesi də Rusiyada öz iştirakını artırır”.

Daha sonra Mişustin əlavə edib: “Biz Avrasiyanın mərkəzində və Xəzər regionunda Rusiya və Azərbaycanın əlverişli coğrafi mövqeyindən tam istifadə etməli, nəqliyyat və tranzit potensialını fəal şəkildə inkişaf etdirməliyik. Bu, ilk növbədə “Şimal-Cənub” beynəlxalq nəqliyyat dəhlizi çərçivəsində dəmir yolu, avtomobil, dəniz infrastrukturunun yaradılmasıdır. O, Rusiyanı, Azərbaycanı Fars körfəzi ölkələri, Hindistan, Çin, Afrika dövlətləri, Asiya-Sakit okean regionu ilə birləşdirəcək”.

Noyabrın 18-də isə Azərbaycan Prezidenti İlham Əliyevin Mixail Mişustinlə təkbətək görüşü olub.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

İqtisadiyyat

Bərbər, dərzi və taksi sürücülərinin ödəyəcəyi tibbi sığorta haqqı məlum oldu

29 Noyabr 2022

Açıq mənbələrdən götürülüb

Toylarda, şənliklərdə və digər təbirlərdə aparıcılıq, çalğıçılıq və rəqqaslıq və digər oxşar fəaliyyət, məişət avadanlığı təmiri ilə məşğul olanlar, çəkməçi, dərzi və bərbər fəaliyyəti ilə məşğul olan şəxslər tərəfindən icbari tibbi sığorta haqqı “Sadələşdirilmiş vergi üzrə sabit məbləğin, məcburi dövlət sosial sığorta və icbari tibbi sığorta haqqının ödənilməsi haqqında qəbz” alınarkən ödəniləcək. Toplum Tv xəbər verir ki, bu, Milli Məclisin bu gün keçirilən iclasında müzakirəyə çıxarılan və “Tibbi sığorta haqqında” qanuna təklif olunan dəyişiklikdə əksini tapıb. https://toplum.tv/iqtisadiyyat/azerbaycanda-turizmin-ne-vaxt-tam-berpa-olunacagi-aciqlanib Layihəyə görə, həmçinin Azərbaycan ərazisində fərdi qaydada (muzdlu işçi cəlb etmədən) avtomobil nəqliyyatı vasitələri ilə sərnişin və yük daşımalarını həyata keçirən fiziki şəxslər,...
İqtisadiyyat

Moped sürücülərinə vəsiqə tələbi qoyulur

28 Noyabr 2022

Açıq mənbələrdən götürülüb

Azərbaycanda moped idarə etmək üçün sürücülük vəsiqəsi tələb olunacaq Bu, Milli Məclisə “Yol hərəkəti haqqında” qanuna təklif edilən dəyişiklikdə əksini tapıb. Qanun layihəsinə əsasən, dəyişikliyə görə konstruktiv maksimal sürəti 50 km/saatdan artıq olan bütün nəqliyyat vasitələrinin dövlət qeydiyyat nişanı ilə təmin edilməsi və sürəti 50 km/saatdan çox olan mopedçilərin sürücülük vəsiqəsi alması təklif edilir. https://toplum.tv/multimedia/endirimde-gosterilen-faizler-ne-derecede-inandiricidir Hazırda moped sürücülərinin sayının minlərlə olduğunu nəzərə alaraq, qanunun 6 ay sonra qüvvəyə minməsi təklif edilir. Baş Dövlət Yol Polisi idarəsinin məlumatına əsasən, bu prosesin asan və şəffaf keçirilməsi üçün xüsusi komissiya yaradılıb, mopedçilər üçün sürücülük vəsiqəsi (A1) imtahanlarının məzmunu sadələşdirilib.

Seçilmiş Videolar

Toplum TV loqo