İqtisadiyyat

İqtisadçı: “Hakimiyyət iqtisadiyyatı şaxələndirməsə...”

23 Mart, 2021
2171

Açıq mənbələrdən götürülüb

“Azərbaycanda devalvasiya təhlükəsi yoxdur".

İqtisadçı Nazim Bəydəmirli Azərbaycan manatının inflyasiya ehtimalını "Toplum TV"-yə şərh edərkən belə deyib.

Onun sözlərinə görə, Azərbaycanda tədiyyə balansı müsbət olduğundan, yəni ölkədən çıxan valyuta ölkəyə daxil olan valyutadan az olduğuna görə, bu gün Azərbaycanda devalvasiya təhlükəsi yoxdur.

Amma iqtisadçı devalvasiyanın ola biləcəyini də istisna etmir. Onun dediyinə görə, manatın aqibəti birbaşa neftdən aslıdır, Azərbaycan neftinin qiyməti uzun müddət 45 dollardan aşağı olarsa, manatın devalvasiyası mümkündür: "Uzun müddət neftdən asılı qalaraq yaşamaq olmaz. Hökumət iqtisadiyyatı şaxələndirməyə, ixrac potensialını diversifikasiya etməyə məhkumdur".

Türkiyənin "Ekonomi haberleri"nin martın 22-də verdiyi xəbərə görə, Mərkəzi Bankın sədri Naci Ağbalın vəzifədən azad edilməsi türk lirəsinin 17% ucuzlaşmasına səbəb olub.

Son 20 ildə lirənin inflyasiyası artıq ikinci dəfədir ki, ikirəqəmli həddə çatır - 2018-ci ildə Türkiyənin milli valyutası 15.1% ucuzlaşmışdısa, indi bu hədd 17% təşkil edir.

İqtisadçı Qubad İbadoğlu martın 22-də "Feysbuk" hesabında yazıb ki, Mərkəzi Bank rəhbərliyinin son 2 ildə 3 dəfə yenilənməsi məzənnənin ucuzlaşmasına səbəb olsa da, baş verənlər əslində Türkiyə iqtisadiyyatının son durumu ilə əlaqədardır: "Bu il fevralın 15-ə olan məlumata görə, Türkiyənin 95,4 milyard dollarlıq beynəlxalq valyuta ehtiyatının 85 faizi və ya 82 milyard dolları yerli bankların Mərkəzi Bankdakı valyuta depozitləridir. Bu da bankların öhdəlikləri sayılır. Odur ki, 15 fevral tarixinə Türkiyə Mərkəzi Bankının xalis valyuta ehtiyatları 13,4 milyard dolları, hətta bu günə olan açıqlamalara görə, 11 milyard dolları ötmür. Bu isə Mərkəzi Bankın manevr imkanlarını kəskin şəkildə çətinləşdirib".

Qubad İbadoğlu-foto açıq mənbələrdən götürülüb

İqtisadçının sözlərinə görə, Türkiyənin beynəlxalq valyuta ehtiyatlarının azalmasının 2 əsas səbəbi var: "Bir tərəfdən rəsmi və qeyri-rəsmi olaraq ölkədən valyuta axını sürətlənib; həm dövlətin, həm də özəl bölmənin xarici borcları və valyuta öhdəlikləri artıb. Digər tərəfdən ötən ilin yekunları üzrə xaricdən valyuta daxilolmaları azaldığından tədiyə balansının cari hesabının kəsiri 36.7 mlrd. dollara çatıb. Beləliklə, lirə dəyər itirmək məcburiyyətində idi".

Lirənin ucuzlaşması Türkiyədən gələn malların qiymətinə təsir edəcəkmi?

Nazim Bəydəmirli deyir ki, Azərbaycanın xarici ticarət partnyorlarının valyutası ucuzlaşanda, azərbaycanlı sahibkarlar daha çox məhsul almaq imkanı qazanır. Yəni valyutanın ucuzlaşması həmin ölkədən məhsul idxal edənə xeyir verir: " Azərbaycanla ticarət dövriyyəsinin həcminə görə Türkiyə Rusiyadan sonra ikinci yerdədir. Ancaq, təəssüflər olsun ki, ölkəmizdə gömrük dəyərləndirməsi yüksək olduğu üçün qarşı tərəfin valyutası ucuzlaşmış olsa belə, idxal-ixrac əməliyyatlarında o ölkədən idxal olunan malların qiyməti dəyişmir, hətta bir az da artır".

İqtisadçının sözlərinə görə, Azərbaycanda prosesləri bazar münasibətləri tənzimləmədiyi, ölkədə məmur sahibkarlığı və inhisarçılıq olduğu üçün obyektiv iqtisadi proseslər vətəndaşlara xeyir vermək əvəzinə, onların ziyanına işləyir.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

İqtisadiyyat

Avropa İttifaqı Azərbaycanla qaz ticarətini iki dəfə artıracaq

1 Mart 2024

Rəsmi səhifə

"Azərbaycan etibarlı tərəfdaşdır və əməkdaşlığımızda onun genişləndirilməsi üçün güclü potensial var". Toplum TV xəbər verir ki, bunu martın 1-də Cənub Qaz Dəhlizi Məşvərət Şurası çərçivəsində nazirlərin 10-cu iclasındakı çıxışı zamanı Avropa İttifaqının energetika məsələləri üzrə komissarı Kadri Simson deyib. O çıxışında bildirib ki, bu gün Avropaya Cənub Qaz Dəhlizindən gedən qazın həcmi 2021-ci illə müqayisədə 46 faiz çoxdur:  “Biz ümidvarıq ki, Azərbaycandan daxil olan təbii qaz Avropanın enerji sistemində enerji keçidi zamanı mühüm rol oynayacaq. Rusiyanın artan zorakılığı və davam edən əsassız müharibə şəraitində tamamilə aydındır ki, Avropa üçün, əslində, işlərimiz Rusiya ilə enerji sahəsində əvvəlki kimi olmayacaq. Çünki hazırda...
İqtisadiyyat

İlham Əliyev: “Azəri-Çıraq-Günəşli”də təbii qaz hasilatı başlayacaq

1 Mart 2024

Rəsmi səhifə

"Gələn ilin birinci rübündə “Azəri-Çıraq-Günəşli” layihəsində təbii qaz hasilatı başlayacaq. Bu, çox perspektivli bir layihədir". Toplum TV xəbər verir ki, bunu Prezident İlham Əliyev Bakıda Cənub Qaz Dəhlizi Məşvərət Şurası çərçivəsində nazirlərin 10-cu iclası və Yaşıl Enerji Məşvərət Şurası çərçivəsində nazirlərin 2-ci iclasında söyləyib. “Azəri-Çıraq-Günəşli”nin uzun müddət Azərbaycanın neft ixracının əsas mənbəyi olduğunu söyləyən Prezident əlavə edib ki, bu, “Şahdəniz” və “Abşeron”dan başqa, ölkənin qaz təchizatı üçün əlavə mənbə olacaq. https://toplum.tv/iqtisadiyyat/pazerbaycanda-benzin-uumlccediluumln-goumlmruumlk-ruumlsumu-legv-edilibp İlham Əliyev çıxışında həmçinin Cənub Qaz Dəhlizindən danışıb: "Cənub Qaz Dəhlizi artıq üç ildir işləyir. Bu, uğur hekayəsidir. Bu, Avrasiya məkanında mühüm infrastruktur layihələrindən biridir. Bu, enerji təhlükəsizliyi, əməkdaşlıq...

Seçilmiş Videolar

Toplum TV loqo