İqtisadiyyat

İqtisadçı: “Hökumət özü “Büdcə sistemi haqqında” Qanunun bir çox müddəalarını pozur”

19 İyun, 2021
654

 “Hökumət “Büdcə sistemi haqqında” Qanunun bir çox müddəalarını özü pozur, ya da büdcə qəbul olunan zaman daxildən və ya xaricdən borclanmanın hədlərini artıraraq dəyişikliklər edir”.

“Toplum TV”-yə açıqlamasında iqtisadçı Nazim Bəydəmirli belə deyib.

Nazim Baydəmirli-wikiwand.com

Beynəlxalq Valyuta Fondunun yenilənmiş proqnozuna əsasən, 2021-ci ildə Azərbaycanın icmal büdcəsinin kəsiri ÜDM-in 5,6%-nə bərabər olacaq. Keçənilki proqnoz 5,2% təşkil edib.

Bu barədə fondun Azərbaycandakı virtual missiyasının yekunlarına dair müvafiq bəyanatında bildirilir.

Proqnozlardakı dəyişiklik azad olunmuş torpaqlarda başlanmış rekonstruksiya işlərinin artırdığı xərclərlə və pandemiyayla əsaslandırılır. 2022-ci il üçün gözləntilərsə 2,3%-lik defisitdən 3%-lik defisitə qədər pisləşdirilib.

Nazim Bəydəmirli deyir ki, ÜDM-ə münasibətdə Beynəlxalq Valyuta Fondunun tövsiyələrindəki 3 faizə qədər büdcə kəsri müsbət qəbul olunur və təhlükəli sayılmır: “Əslində, 3 faiz büdcə kəsri müşahidə olunduqda hökumətlərə tövsiyə olunur ki, onlar daha fəal işləsinlər və islahatlar apararaq gəlirləri artıra bilsinlər. Yəni hökumətin təşəbbüsünü artırmaq üçün beynəlxalq maliyyə institutları büdcə kəsrinin olmasına normal baxırlar. Kəsirin 3 faizdən yuxarı olması isə ölkənin borclanmasını sürətləndirən amil hesab olunur”.

Ekspert kəsrin ÜDM-in 5,6%-nə bərabər olmasını pandemiya dövründə Dövlət Neft Fodundan gələn gəlirlərin azalması ilə əlaqələndirib: ““Büdcə sistemi haqqında” Qanuna görə, Fonda toplanan vəsaitlərin 25 faizdən az olmayan hissəsi gələcək nəsillərə saxlanılır, 75 faizə qədəri isə cari xərclər üçün xərclənir. Hökumət əslində “Büdcə sistemi haqqında” Qanunun bir çox müddəalarını özü pozur, ya da büdcə qəbul olunan zaman daxildən və ya xaricdən borclanmanın hədlərini artıraraq dəyişikliklər edir. Milli Məclis isə hökumətdən asılı olduğu üçün bu addımlara göz yumur və nəticədə hökumət istədiyini edir”.

“Digər ölkələr büdcə kəsrlərini qiymətli kağızlar vasitəsilə tənzimləsələr də, Azərbaycan bunu xalqın vəziyyətini pisləşdirərək edir. Məsələn, sonuncu devalvasiya zamanı manatın kursu dəyişdirilək bir çox addımlar atılmış, nəticədə vəziyyət hökumətin istədiyi kimi getmişdi. Əslində isə Mərkəzi Bank müstəqil qərar verməli, pul-kredit siyasəti hökumətin əlində olmamalıdır. Bu səbəbdən biz Azərbaycan iqtisadiyyatını və büdcə kəsrlərini başqa ölkələrlə müqayisə etdikdə, Azərbaycanda fərqli bir mexanizm müşahidə etmiş oluruq”, - deyə N.Bəydəmirli əlavə edib.

"Fitch Ratings" beynəlxalq reytinq agentliyi bu il Azərbaycanın icmal büdcəsində kəsrin ÜDM-ə nisbətinin əhəmiyyətli dərəcədə daralaraq 0,2% təşkil edəcəyini, 2022-ci ildə bu göstəricinin bir qədər artaraq ÜDM-in 0,7%-nə bərabər olacağını proqnozlaşdırır.

Dünya Bankı isə Azərbaycanın icmal büdcəsinin kəsrinin ÜDM-ə nisbətinin bu il 2,5% təşkil edəcəyini, 2022-ci ildə profisitə qayıdaraq ÜDM-in 2,8%-nə bərabər olacağını gözləyir.

Faktiki göstəricilərə görə, ötən il Azərbaycanın icmal büdcəsinin gəlirləri 24,463 milyard manat, xərcləri isə 29,160 milyard manat olub. Yaranmış büdcə kəsri 4,698 milyard manata bərabər olub ki, bu da ÜDM-in 6,5%-ni təşkil edib.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

İqtisadiyyat

Avropa İttifaqı Azərbaycanla qaz ticarətini iki dəfə artıracaq

1 Mart 2024

Rəsmi səhifə

"Azərbaycan etibarlı tərəfdaşdır və əməkdaşlığımızda onun genişləndirilməsi üçün güclü potensial var". Toplum TV xəbər verir ki, bunu martın 1-də Cənub Qaz Dəhlizi Məşvərət Şurası çərçivəsində nazirlərin 10-cu iclasındakı çıxışı zamanı Avropa İttifaqının energetika məsələləri üzrə komissarı Kadri Simson deyib. O çıxışında bildirib ki, bu gün Avropaya Cənub Qaz Dəhlizindən gedən qazın həcmi 2021-ci illə müqayisədə 46 faiz çoxdur:  “Biz ümidvarıq ki, Azərbaycandan daxil olan təbii qaz Avropanın enerji sistemində enerji keçidi zamanı mühüm rol oynayacaq. Rusiyanın artan zorakılığı və davam edən əsassız müharibə şəraitində tamamilə aydındır ki, Avropa üçün, əslində, işlərimiz Rusiya ilə enerji sahəsində əvvəlki kimi olmayacaq. Çünki hazırda...
İqtisadiyyat

İlham Əliyev: “Azəri-Çıraq-Günəşli”də təbii qaz hasilatı başlayacaq

1 Mart 2024

Rəsmi səhifə

"Gələn ilin birinci rübündə “Azəri-Çıraq-Günəşli” layihəsində təbii qaz hasilatı başlayacaq. Bu, çox perspektivli bir layihədir". Toplum TV xəbər verir ki, bunu Prezident İlham Əliyev Bakıda Cənub Qaz Dəhlizi Məşvərət Şurası çərçivəsində nazirlərin 10-cu iclası və Yaşıl Enerji Məşvərət Şurası çərçivəsində nazirlərin 2-ci iclasında söyləyib. “Azəri-Çıraq-Günəşli”nin uzun müddət Azərbaycanın neft ixracının əsas mənbəyi olduğunu söyləyən Prezident əlavə edib ki, bu, “Şahdəniz” və “Abşeron”dan başqa, ölkənin qaz təchizatı üçün əlavə mənbə olacaq. https://toplum.tv/iqtisadiyyat/pazerbaycanda-benzin-uumlccediluumln-goumlmruumlk-ruumlsumu-legv-edilibp İlham Əliyev çıxışında həmçinin Cənub Qaz Dəhlizindən danışıb: "Cənub Qaz Dəhlizi artıq üç ildir işləyir. Bu, uğur hekayəsidir. Bu, Avrasiya məkanında mühüm infrastruktur layihələrindən biridir. Bu, enerji təhlükəsizliyi, əməkdaşlıq...

Seçilmiş Videolar

Toplum TV loqo