İqtisadiyyat

Neftin qiyməti 71 dolları keçdi, bahalaşma davam edəcəkmi? - Ekspert açıqlayır

Nigar Səmədli
3 İyun, 2021
1323

Sosial Media

Azərbaycan neftinin qiyməti bahalaşıb.

İyunun 3-də dünya bazarlarında “Azeri Light” markalı neftin bir barelinin qiyməti 0,71 dollar artaraq 71,28 dollar təşkil edib.

“Azeri Light” neftinin bir barelinin qiyməti keçən il aprelin 21-də minimuma enərək 15,81 dollar olmuşdu. Neft qiymətlərinin yenidən artmasına səbəb nədir və bahalaşma tendensiyasının davamlı olacağını ehtimal etmək olarmı?

Neft Araşdırmalar Mərkəzinin rəhbəri İlham Şaban "Toplum TV"-yə açıqlamasında neft qiymətlərindəki artımın səbəblərini açıqlayıb: “İlk səbəb odur ki, OPEC şərtlərini əvvəlki kimi saxladı, yəni iyunun 1-dən OPEC-də hasilatın artım səviyyəsi mayda olduğu kimi 350 min barel olaraq qaldı. Eyni zamanda bir çox ölkələrdə COVID-19 ilə bağlı yumşalmalar oldu. Bu da gediş-gəlişi, ölkələr arasındakı əlaqələri intensivləşdirdi. Həmçinin aprel-may aylarında Hindistan kimi enerji istehlakçısı olan ölkədə yaşanan hallar da artıq səngiməyə doğru getdi. Bütün bunlar neftin qiymətinin artmasına səbəb oldu". 

"Digər tərəfdən OPEC ilin ortasından başlayaraq tələbatın 2 milyon barel artacağını açıqlayıb. Təbii ki, bütün bu hallar əvvəlki dövrlə müqayisədə bazar iştirakçıları üçün perspektivlər yaradır”, - İlham Şaban belə deyir. 

Onun sözlərinə görə, yaxın bir həftədə neftin qiymətinin hansı istiqamətdə dəyişəcəyi daha aydın ortaya çıxacaq: “Hər ayın 10-11-i OPEC-in ötən ayla bağlı hesabatı açıqlanır və bazar iştirakçıları neft hasilatının miqdarı ilə bağlı məlumat əldə edə bilirlər. Bununla yanaşı, Beynəlxalq Enerji Agentliyinin də hesabatı işıq üzü görəcək və nəticədə neftin qiymətlərində oynamalara gətirib çıxaracaq. Lakin yüksək səviyyədə artım və ya azalma gözləmirəm, yaxın zamanda neftin qiymətinin 75 və ya 80 dollaradək yüksəlməsi çətindir”.

İqtisadiyyat

Zəngin ruslar ölkədən şəxsi təyyarələrlə qaçır - İstiqamətlərdən biri Bakıdır

28 Sentyabr 2022

Açıq mənbələrdən götürülüb

Rusiyada səfərbərlik elan edildikdən sonra şəxsi təyyarələrdə uçuşlara tələbat kəskin şəkildə artıb.  Böyük Britaniyanın “The Guardian” nəşri yazır ki, belə uçuşların əsas istiqamətləri Ermənistan, Türkiyə və Azərbaycandır – rusların vizasız daxil ola biləcəyi ölkələr. “Your Charter” şirkətinin direktoru Yevgeni Bıkov jurnalistlərə bildirib ki, səfərbərlik elan edildikdən sonra uçuşlar üçün müraciətlərin sayı dəfələrlə artıb: “Adətən gündə 50 müraciət alırdıq, indi isə 5 minə yaxındır. Tamamilə ağlasığmaz bir vəziyyət yaranıb”. https://toplum.tv/dunya/seferberlikden-qacan-ruslar-abs-da-siginacaq-ala-bilecekler Bıkov əlavə edib ki, onun şirkəti tələbatı ödəmək və qiymətləri aşağı salmaq üçün daha böyük təyyarələrdən istifadə etməyə başlayıb, lakin bu kifayət deyil: "Biz hamı üçün yer tapa bilmirik".  “The Guardian”...
İqtisadiyyat

Aİ-92 markalı benzinin aksiz dərəcəsi artırılıb

24 Avqust 2022
Azərbaycanda Aİ-92 markalı benzinin aksiz dərəcəsi artırılıb. Bu barədə Nazirlər Kabinetinin “Neft məhsullarının aksiz dərəcələri səviyyəsinin dəyişdirilməsi və ölkə ərazisində daşınması xərcləri ilə bağlı bəzi məsələlər haqqında” qərarında bildirilib. Avqustun 23-də Baş nazir Əli Əsədovun imzaladığı qərarla Aİ-92 avtomobil benzininin aksiz dərəcəsi 42 faizdən 42,5 faizə, dizel yanacağının aksiz dərəcəsi isə 18 faizdən 18,3 faizə qaldırılıb. Qərar sentyabrın 1-dən qüvvəyə minir. Qərara görə, Azərbaycanda istehsal edilən və qiyməti dövlət tərəfindən tənzimlənən benzin və dizelin satış məntəqələrindən Naxçıvana daşınmasına görə çəkilən artıq xərclərin qarşılanması üçün bu Qərara uyğun olaraq subsidiya veriləcək.

Seçilmiş Videolar

Toplum TV loqo