İqtisadiyyat

“Özəlləşdirmədə xarici şirkətlər də pay sahibi olmalıdır”

Roza Məmmədova
10 Mart, 2021
803

Açıq mənbələrdən götürülüb

Nazirlər Kabineti qeyri-neft sektorunun inkişaf etdirilməsi və dövlət qurumlarında tənzimləyici və kommersiya funksiyalarının ayrılaraq özəl sektora keçməsi ilə bağlı hesabat yayıb. 

Hesabatda qeyd olunur ki, bu istiqamətdə təkliflər hazırlanır və dövlət-özəl tərəfdaşlığı haqqında qanun layihəsinin qəbulu nəzərdə tutulur. 

Hesabatda Dövlət İnvestisiya Holdinqinin bu işlərə töhfə verəcəyi bildirilir. 

Eyni zamanda, qeyd olunur ki, iri şirkətlər və səhmdar cəmiyyətlərinin özəlləşdirilməsi üçün və ya onların fəaliyyətində səmərəliliyin özəl-dövlət tərəfdaşlığı mexanizmləri əsasında aparılması məqsədilə dövlət əmlakının özəlləşdirilməsi və idarəetməyə verilməsi sahəsində yeni qanun layihəsi hazırlanır. 

İqtisadçı Zöhrab İsmayıl “Toplum TV”-yə dövlət əmlakının özəlləşdirilməsi planını şərh edərkən deyib ki, hökumət iri şirkətlərin yükündən qurtulmaq istəyir. 

Zöhrab İsmayıl - Sosial Media

Onun sözlərinə görə, bu şirkətlərin əksəriyyəti səmərəsiz işləyir və dövlət büdcəsindən maliyyə dəstəyi alır: “Çox təəssüf ki, neft gəlirlərinin artdığı illərdən etibarən ölkədə özəlləşdirmə prosesi, demək olar ki, dayanmışdı və özəl şirkətlərin milliləşdirilməsi meylləri vardı”.

İqtisadçı Məhəmməd Talıblı isə deyir ki, inhisarçı şirkətləri Dövlət İnvestisiya Holdinqinin çətiri altına yığmaqla, onların fəaliyyətini şəffaflaşdırmaq mümkün deyil: “Əgər belə siyasət nəzərdə tutulursa, hansısa müsbət nəticədən danışmağa dəyməz". 

M.Talıblı bildirir ki, həmin şirkətlərin əsas səhmdarları arasında ölkədə fəaliyyət göstərən və əslində dövlətin əlində olan iri holdinqlərin də payı ola bilər. Ona görə də özəlləşdirmə formal xarakter daşıyacaq". 

Məhəmməd Talıblı - Sosial Media

İqtisadçı hesab edir ki, özəlləşmədə xarici şirkətlər də pay sahibi olmalıdırlar: “Dövlətsizləşdirmənin əsas səbəbləri kimi inhisarçı şirkətlərin pis idarəçiliyi, dövlət büdcəsindən dotasiya alması, keyfiyyətin artırılması və s. göstəriləcək. Ona görə də bu prosesdə ixtisaslaşmış xarici şirkətlərin olması vacibdir. Dövlət-özəl sektor əməkdaşlığı elə qurulmalıdır ki, ictimai nemətləri, o cümlədən kvazi-ictimai nemətləri əldə etmək faydalı olsun. İctimai fayda qiymət və keyfiyyətli xidmət əsasında formalaşsın”.

2020-ci il avqustun 7-də Prezident İlham Əliyevin sərəncamı ilə Azərbaycan İnvestisiya Holdinqi yaradılıb.

Sərəncamda Holdinqin yaradılmasında əsas məqsədin Azərbaycanda həyata keçirilən davamlı struktur islahatları nəticəsində iqtisadiyyatın səmərəliliyinin daha da artırılması göstərilib.

Azərbaycan İnvestisiya Holdinqinin idarəetməsinə 21 şirkət daxil edilib. 

Onların içərisində “Azərsu”, “Azərişıq”, “Bakı Metropoliteni”, Azərbaycan Respublikasının Dövlət Neft Şirkəti kimi şirkətlər də var.

İqtisadiyyat

Azərbaycan İranla Naxçıvana kommunikasiyaların tikintisindən danışıb

19 May 2022

açıq mənbədən götürülüb

Azərbaycan baş nazirinin müavini, Azərbaycan və İran arasında İqtisadi, Ticari və Humanitar Məsələlər üzrə Dövlət Komissiyasının həmsədri Şahin Mustafayev Tehranda İranın XİN başçısı Hüseyn Əmir Abdullahiyanla görüşüb.  “Turan”ın məlumatına görə, tərəflər Azərbaycanın Şərqi Zəngəzur iqtisadi bölgəsi və Naxçıvan Muxtar Respublikası arasında İran ərazisindən keçən yeni kommunikasiyaların yaradılması haqqında razılaşmaların həyata keçirilməsinin əhəmiyyətini qeyd ediblər. Eyni zamanda iqtisadi, ticari sahələrdə, nəqliyyat sahəsində, humanitar sahədə və digər sahələrdə əlaqələrin inkişaf etdirilməsi məsələləri müzakirə olunub. Hər iki dövlət rəsmisi regional əməkdaşlıq məsələləri ilə bağlı fikir mübadiləsi aparıblar. Bir müddət əvvəl, martın 11-də Azərbaycan baş nazirinin müavini Mustafayev və İranın yol və şəhərsalma naziri Rüstəm Qasımi...
İqtisadiyyat

AZAL-ın zərəri şirkətin aktivlərinin 90%-ni təşkil edir

18 May 2022

azal.az

“Azərbaycan Hava Yolları” dövlət aviaşirkəti maliyyə hesabatı açıqlayıb. "Turan”ın məlumatına görə, indiyədək 2019 və 2020-ci illər üzrə audit edilmiş hesabatlar (Deloitte & Tuoche) əlçatandır və bu hesabatlara əsasən, ötən ilin əvvəlində AZAL-ın zərəri (1 milyard 764 milyon manat) aviaşirkətin aktivlərinin 90%-ni təşkil edib. 2020-ci ildə COVID-19 koronavirus pandemiyası ilə əlaqədar AZAL-ın birbaşa gəlirləri 1 milyard 8,4 min manatdan (593,1 milyon dollar) 335,2 milyon manata (197,1 milyon dollar) qədər azalıb. Pandemiya ilə bağlı itkiləri kompensasiya etmək üçün hökumət il ərzində aviaşirkətə ümumilikdə 232 milyon manatdan çox subsidiya ödəyib. Bununla yanaşı, 2020-ci il üçün AZAL-ın əməliyyat xərcləri 540 milyon manatı (317,6 milyon...

Seçilmiş Videolar

Toplum TV loqo