İqtisadiyyat

Qarabağın bərpası -  milyardlar xərclənir, şəffaflıq yoxdur

26 May, 2022
2802

Sosial media

Qarabağda şəhərlərin baş planı sifariş olunsa da, satınalmalar barədə məlumat tender reyestrində öz əksini tapmır

İşğaldan azad olunmuş ərazilərdəki şəhərlərin Baş planlarının hazırlanması üçün 25 milyon manat vəsait yönəldilib. Bu barədə Milli Məclisin İqtisadi siyasət, sənaye və sahibkarlıq komitəsinin mayın 25-də keçirilən iclasında maliyyə naziri Samir Şərifov deyib:

“2021-ci ildə azad olunmuş ərazilərin bərpası və yenidənqurma işləri ilə bağlı büdcədən 25 milyon manat vəsait ayrılıb. Eyni zamanda, dağıdılan şəhərlərin bərpası üçün keçən il Prezidentin Ehtiyat Fondundan 48,9 milyon manat ayrılıb”.

Samir Şərifov ümumilikdə işğaldan sonrakı bərpa işləri üçün ayrılan iki milyarddan artıq vəsaitin 99 faizinin xərcləndiyini deyib.

Samir Şərifov- "report.az"

Azərbaycan Respublikası Dövlət Şəhərsalma və Arxitektura Komitəsi yanında Qarabağ regional Memarlıq və Şəhərsalma Baş İdarəsi bu ilin aprelin 27-də tender elan edib.  9847.1 AZN-lik tenderi “CİHAN REKLAM AZ” MMC qazanıb. Şirkət qurumu mətbəə məhsulları ilə təmin edəcək.

Digər tender də bu qurum tərəfindən elan edilib və məbləğ 19376.9 AZN-dir.  Nəcəf  Şöhlət Oğlu  Quluyev qurumu dəftərxana və təsərrüfat malları ilə təmin edəcək.

Göründüyü kimi, nazirin qeyd etdiyi ümumi məbləği 74 milyon manatlıq vəsaitin rəsmi olaraq 29.224 manatlıq hissəsi üçün tender elan olunub.

Bəs digər məbləğlər haqqında Dövlət Satınalmalar Agentliyin səhifəsində niyə məlumat yoxdur?

İqtisadçı Azər Mehtiyev hökumətin fəaliyyətində şəffaflıqla bağlı problemlərin Qarabağın bərpasında da müşahidə olunduğunu bildirir. Hətta dövlət satınalmalarının elektron sistemi qurulsa da, işin şəffaflığını təmin etməyin çətinliyindən danışır.

Ekspert deyir ki, Qarabağdakı bərpa işlərinddə bir neçə istiqamətdə qapalı proseslər müşahidə etmək mümkündür.

“Söhbət təkcə ayrılan dövlət vəsaitlərindən getmir. Sual olunur ki, prosesə cəlb olunan şirkətlər hansılardır? Hardan peyda oldu və ya  prosesə necə cəlb olundu? İstər yerli, istər xarici şirkətlərin bu sahədə təcrübələri varmı? Bütövlükdə, Qarabağda həyata keçirilən işlər dövlət satınalmaları əsasında həyata keçirilməlidir. Bütün bu satınalmalarda iri məbləğli layihələrdir. Dövlət qanunvericiliyi görə, bunların tenderlər şəklində həyata keçirilməsi tələb olunur. Ortada bu tenderlər haqqında yetərli məlumat görmürük. Nə tender, nə də müsabiqələrə cəlb olunan şirkətlər barədə yetərli məlumat olmur”.

Şəhərsalma və Arxitektura Komitəsi ölkədə ən şəffaf qurumlardan sayılır. Ölkənin digər şəhərlərinin baş planının hazırlanması üzrə müsabiqələr barədə elektron tender reyestrində müfəssəl məlumat tapmaq mümkündür. Amma nədənsə, işğaldan azad olunan şəhərlərin bərpası ilə bağlı bu məlumatları ictimailəşdirməməyə qərar veriblər. 

Azər Mehtiyev- "Amerikanın səsi"​​​​

A.Mehtiyev söyləyir ki, dövlət büdcəsi hesabına həyata keçirilən layihələrin özləri belə cəmiyyətə açıqlanmır. Müəyyən yol və infrastruktur barədə məlumatlar var. Amma bunların maliyyə tutumu barədə heç bir informativ məlumat yoxdur: “Hökumətin Qarabağda da yeni bir mexanizm ortaya qoyduğunu görmürük”

İqtisadçı işğaldan azad olunmuş ərazilərdə proseslərin etimadlı həyata keçirilməsi üçün hökumətin əlinə şans düşsə də, fərqli yanaşma ortaya qoya bilmədiyini deyir.

Ölkə başçısı İlham Əliyev bu ilin yanvarın 12-də yerli televiziya kanallarına müsahibəsində Qarabağdakı yenidənqurma işləri ilə bağlı danışıb. O proseslərin şəffaf görülməsinə xüsusi diqqət ayrılmasını söyləyib:

“...Hər şey əsaslı olmalıdır, bütün inşaat işləri şəffaf, tender əsasında aparılmalıdır. Xüsusi göstəriş verilib, maksimum şəffaflıq təmin edilməlidir. Əgər hər hansı bir xoşagəlməz halla üzləşsək, cəzamız çox sərt olacaq, bunu hər kəs bilməlidir və bilir”.

Maliyə Nazirliyi və Dövlət Arxitektura və Şəhərsalma Dövlət Komitəsinə bərpa büdcəsinin şəffaflığı ilə bağlı göndərdiyimiz suallara hələ cavab verilməyib.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

İqtisadiyyat

Avropa İttifaqı Azərbaycanla qaz ticarətini iki dəfə artıracaq

1 Mart 2024

Rəsmi səhifə

"Azərbaycan etibarlı tərəfdaşdır və əməkdaşlığımızda onun genişləndirilməsi üçün güclü potensial var". Toplum TV xəbər verir ki, bunu martın 1-də Cənub Qaz Dəhlizi Məşvərət Şurası çərçivəsində nazirlərin 10-cu iclasındakı çıxışı zamanı Avropa İttifaqının energetika məsələləri üzrə komissarı Kadri Simson deyib. O çıxışında bildirib ki, bu gün Avropaya Cənub Qaz Dəhlizindən gedən qazın həcmi 2021-ci illə müqayisədə 46 faiz çoxdur:  “Biz ümidvarıq ki, Azərbaycandan daxil olan təbii qaz Avropanın enerji sistemində enerji keçidi zamanı mühüm rol oynayacaq. Rusiyanın artan zorakılığı və davam edən əsassız müharibə şəraitində tamamilə aydındır ki, Avropa üçün, əslində, işlərimiz Rusiya ilə enerji sahəsində əvvəlki kimi olmayacaq. Çünki hazırda...
İqtisadiyyat

İlham Əliyev: “Azəri-Çıraq-Günəşli”də təbii qaz hasilatı başlayacaq

1 Mart 2024

Rəsmi səhifə

"Gələn ilin birinci rübündə “Azəri-Çıraq-Günəşli” layihəsində təbii qaz hasilatı başlayacaq. Bu, çox perspektivli bir layihədir". Toplum TV xəbər verir ki, bunu Prezident İlham Əliyev Bakıda Cənub Qaz Dəhlizi Məşvərət Şurası çərçivəsində nazirlərin 10-cu iclası və Yaşıl Enerji Məşvərət Şurası çərçivəsində nazirlərin 2-ci iclasında söyləyib. “Azəri-Çıraq-Günəşli”nin uzun müddət Azərbaycanın neft ixracının əsas mənbəyi olduğunu söyləyən Prezident əlavə edib ki, bu, “Şahdəniz” və “Abşeron”dan başqa, ölkənin qaz təchizatı üçün əlavə mənbə olacaq. https://toplum.tv/iqtisadiyyat/pazerbaycanda-benzin-uumlccediluumln-goumlmruumlk-ruumlsumu-legv-edilibp İlham Əliyev çıxışında həmçinin Cənub Qaz Dəhlizindən danışıb: "Cənub Qaz Dəhlizi artıq üç ildir işləyir. Bu, uğur hekayəsidir. Bu, Avrasiya məkanında mühüm infrastruktur layihələrindən biridir. Bu, enerji təhlükəsizliyi, əməkdaşlıq...

Seçilmiş Videolar

Toplum TV loqo