İqtisadiyyat

Qubad İbadoğlu: “SOCAR özü ilə bərabər dövləti də batıracaq”

Aytac Məmmədli
12 Fevral, 2021
1187

Qubad İbadoğlu-Modern.az

İbrahim Əhmədov: "Onlar şirkətin keçmişdə sərmayə qoyduğu sahələrə baxıblar"

Azərbaycan Demokratik Rifah Hərəkatının sədri, iqtisadçı Qubad İbadoğlu özünün “Feysbuk” səhifəsində Təbii Resursların İdarəedilməsi İnstitutunun (NRGİ) "Riskli mərc: Dövlət neft şirkətləri (DNŞ) enerji keçidində" adlı hesabatını şərh edib.

O deyib ki, xarici analitiklərin qiymətləndirmələrinə əsasən, SOCAR ölkə iqtisadiyyatı üçün ciddi risk yaradıb: “NRGİ SOCAR-ın Azərbaycan dövləti üçün əhəmiyyətli risk yaratdığını bildirir. Mən deyirdim ki, SOCAR batacaq, inanmadılar, vaxtında tədbir görmədilər, indi əl-ayağa düşüblər”. 

Fevralın 1-də yayılan hesabatda qeyd olunur ki, borcları dövlət gəlirlərinin 20 faizindən az olmayan DNŞ-lər ölkələri üçün əhəmiyyətli risklər yaradır. 

Bu kateqoriyada 49 şirkət arasında  SOCAR (Azərbaycan) da ön sırada yer alıb.

İbrahim Əhmədov - AZƏRTAC ​​​​​

İbrahim Əhmədov: “Xəbərdarlığa görə təşəkkürlər, amma SOCAR bunu bilirdi” 

SOCAR-ın mətbuat katibi İbrahim Əhmədov “Toplum TV”-yə bildirib ki, şirkət gələcək planlarını hələ açıqlamayıb: “Hesabatda bütün şirkətlərin investisiya strategiyası barəsində danışılır. Biz planlarımızı açıqlamadığımız halda, onlar buna necə fikir bildirə bilərlər?”

Onun fikrincə, hesabatda şirkətin gələcək planları dəyərləndirilmir, bu, sadəcə, xəbərdarlıq xarakteri daşıyır: “Onlar şirkətin keçmişdə sərmayə qoyduğu sahələrə baxıblar, fərz ediblər ki, şirkət yenə eyni sahələrə investisiya qoyacaq və ziyan edəcək. Hesabatda “əvvəlki qaydada işləsəniz riskli olar, çünki bazar dəyişib” deməyə çalışırlar. Xəbərdarlığa görə təşəkkürlər, amma SOCAR bunu bilirdi. Buna görə də artıq 2019-cu ildə yeni strategiyanı hazırlamağa başladı”. 

İ. Əhmədov qeyd edib ki,  SOCAR-ın  maliyyə hesabatları şirkətin rəsmi saytında qeyd olunub. 

Uzunmüddətli borclar 11 milyard manatdan bir az çoxdur. Borcların 90 faizi dövlət zəmanəti olmadan, layihələr üzrə götürülüb, yəni borclar qaytarılmasa, dövlət buna cavabdeh deyil. 

Qubad İbadoğlunun fikrinə münasibət bildirən mətbuat katibi deyir ki, SOCAR ekspertlərin tənqidinə şərait yaradıb: “İqtisadçılar, təhlilçilər bizim maliyyə hesabatlarımızı açsınlar, fikir və təkliflərini bildirsinlər. SOCAR, əlbətdə, bunları nəzərə almalıdır”. 

Təbii Resursların İdarəedilməsi İnstitutu analitiklərinin proqnozlarına görə, yaxın 10 ildə özünü doğrultmayan kapital xərclərinə görə, dünyada ən pis vəziyyət Mozambikin ENH və Azərbaycanın SOCAR şirkətlərində olacaq.

İnstitutun baş analitiki və hesabatın müəlliflərindən biri David Manley isə deyib ki, dövlət neft şirkətlərinin borcları qeyri-müəyyən bir qumardır: “ Bu, inkişaf etməkdə olan ölkələrdə iqtisadi böhranlara yol aça və xalqa baha başa gələ bilər”. 

İqtisadiyyat

Bakının kirayə bazarında nə var, nə yox?

10 Aprel 2021

Açıq mənbələrdən götürülüb

Ötən ilin payızında cəbhə xəttinə yaxın bölgələrdən, eləcə də bir neşə dəfə raket zərbəsinə məruz qalan Gəncədən Bakıya gələnlərin sayı kirayə bazarında bir qədər canlanma yaratsa da, atəşkəsdən sonra onların geri qayıtması, eləcə də koronavirusla bağlı karantin rejiminin bir müddət sərtləşdirilməsi təsirsiz ötüşmədi.  Üstəlik də pandemiya ucbatından ali məktəblərin distant təhsilə, özəl şirkətlərin bəzisinin evdən işləməyə üstünlük verməsi də kirayə evlərə tələbatı azaltdı. Paytaxtın Nərimanov rayonunda yerləşən 3 otaqlı mənzilini kirayə verməklə dolanan 62 yaşlı Əzizə İsmayılova bir il əvvələ qədər evini tələbələrə 450 manata kirayəyə verirmiş. “Dolanışığım bundan çıxırdı. İndi məktəblər bağlanıb, tələbə də yoxdur, pul da”. Pandemiya dövründə...
İqtisadiyyat

IDI: Bakı-Abşeron zonası ilə digər regionalar arasında kəskin fərqlər qalmaqda davam edir

10 Aprel 2021

IDI

Demokratik Təşəbbüslər İnstitutu (IDI) "Gənc İqtisadçılar” təlimlərinin məzunlarından ibarət araşdırma qrupunun üzvləri sosial-iqtisadi inkişafda regional qeyri-bərabərlik probleminə dair araşdırma sənədi hazırlayıb. Bu siyasət sənədində son 2002-ci ildən bəri ölkədə regional sosial-iqtisadi inkişafdakı qeyri-bərabərliyin azaldılması və bölgələrin tarazlı inkişafına nail olmaq sahəsində hökumətin həyata keçirdiyi siyasətlər təhlil olunur və bu siyasətin təkmilləşdirilməsi üzrə tövsiyələr işlənilib. Araşdırmanın birinci hissəsində regional sosial-iqtisadi inkişafda qeyri-bərabərliyin mövcud vəziyyəti rəsmi statistik məlumatlar əsasında təhlil olunur və onun səbəbləri araşdırılır.  Tədqiqatda daha sonra bu problemin aradan qaldırılması istiqamətində hökumətin indiyədək həyata keçirdiyi siyasət addımları araşdırılır.Bu siyasətin nəticələri və əldə olunan nəticələr təqdim olunur.  Eyni zamanda regionların sosial-iqtisadi...
Seçilmiş Videolar