İqtisadiyyat

TAP-la Avropaya 15 milyard kubmetrdən çox qaz nəql edilib

Vüsalə Mikayıl
23 Avqust, 2022
400

Azərbaycandan TAP boru kəməri ilə Avropaya 15 milyard kubmetrdən çox qaz nəql edilib.

Bu barədə TAP konsorsiumun rəsmi  "Twitter" hesabında yazılıb.

Məlumatda yazılıb ki, TAP boru kəməri ilə ilk qaz nəqlinə başlanılan 31 dekabr 2020-ci il tarixindən bəri Avropaya 15 milyard kubmetrdən çox qaz nəql edib.

Azərbaycan təbii qazını Avropaya nəql edən TAP maksimum ötürmə gücünü son bir neçə gündə artırıb. 

Bu gün ərzində 33 milyon kubmetr həcmində təbii qazın ötürülməsi, illik orta hesabla təqribən 12 milyard kubmetr qaz deməkdir. 

TAP-ın tikinsinə 2020-ci ilin oktyabr ayında yekun vurulub. 

Onun ümumi uzunluğu 878 km-dir. Bunun da 550 km-i Yunanıstanın şimal hissəsindən, 215 km-i Albaniya ərazisindən, 105 km-i Adriatik dənizindən, 8 km-i isə İtaliyanın cənubundan keçir. 

Qaz kəmərinin ötürmə qabiliyyətinin iki dəfə artırılması, ildə 20 milyard kubmetrə qədər çatdırılması planlaşdırılır.

Azərbaycan qazının TAP vasitəsilə İtaliya, Yunanıstan və Bolqarıstandakı istehlakçılara tədarükü 2020-ci il dekabrın 31-dən başlayıb.

İqtisadiyyat

OPEC+ neft hasilatını azaldır - Bu, qiymətləri qaldıra bilər

6 Oktyabr 2022

Açıq mənbələrdən götürülüb

Neft İxrac Edən Ölkələr Təşkilatına (OPEC) daxil olan ölkələrin, o cümlədən Rusiya və bir sıra digər OPEC-ə daxil olmayan ölkələrin nazirləri Vyanada keçirilən görüşdə noyabr ayından etibarən gündəlik neft hasilatını 2 milyon barel azaltmaq barədə razılığa gəliblər.  Görüşdən sonra Rusiya Baş nazirinin müavini və Səudiyyə Ərəbistanının energetika naziri xəbəri “Reuters”-ə təsdiqləyiblər. Bu, COVID-19 pandemiyasının başlanmasından bəri neft hasilatında ən böyük azalmadır. Gözlənildiyi kimi, bu, dünya bazarında neftin qiymətinin yüksək səviyyədə qalmasına, hətta qalxmasına gətirib çıxaracaq. Əsas azalmanın Səudiyyə Ərəbistanı və Rusiyada olacağı gözlənilir. https://toplum.tv/dunya/ag-ev-biz-putinin-nuve-tehdidlerini-ciddi-qebul-edirik Birləşmiş Ştatlar bundan əvvəl OPEC+ ölkələrinə belə bir qərar verməmək barədə xəbərdarlıq etmişdi. CNN mənbələri bildirirlər...
İqtisadiyyat

Zəngin ruslar ölkədən şəxsi təyyarələrlə qaçır - İstiqamətlərdən biri Bakıdır

28 Sentyabr 2022

Açıq mənbələrdən götürülüb

Rusiyada səfərbərlik elan edildikdən sonra şəxsi təyyarələrdə uçuşlara tələbat kəskin şəkildə artıb.  Böyük Britaniyanın “The Guardian” nəşri yazır ki, belə uçuşların əsas istiqamətləri Ermənistan, Türkiyə və Azərbaycandır – rusların vizasız daxil ola biləcəyi ölkələr. “Your Charter” şirkətinin direktoru Yevgeni Bıkov jurnalistlərə bildirib ki, səfərbərlik elan edildikdən sonra uçuşlar üçün müraciətlərin sayı dəfələrlə artıb: “Adətən gündə 50 müraciət alırdıq, indi isə 5 minə yaxındır. Tamamilə ağlasığmaz bir vəziyyət yaranıb”. https://toplum.tv/dunya/seferberlikden-qacan-ruslar-abs-da-siginacaq-ala-bilecekler Bıkov əlavə edib ki, onun şirkəti tələbatı ödəmək və qiymətləri aşağı salmaq üçün daha böyük təyyarələrdən istifadə etməyə başlayıb, lakin bu kifayət deyil: "Biz hamı üçün yer tapa bilmirik".  “The Guardian”...

Seçilmiş Videolar

Toplum TV loqo