Manşet

AİHM Covid-19 peyvəndi şərti gətirən qanundan şikayəti təmin etməyib 

25 Avqust, 2021
277

Açıq mənbələrdən götürülüb

Avropa İnsan Haqları Məhkəməsi (AİHM) Fransada Covid-19-a qarşı peyvənd olunmanı məcburi edən qanundan verilən şikayəti təmin etməyib. 
 
Bu barədə "aihmaz.org" məlumat yayıb.  
 
Avqustun 5-də Fransada Covid-19-a qarşı peyvənd olunmaq tələbi gətirən, vaksin olunmayanlara işə çıxmağa qadağalar nəzərdə tutan qanun qəbul edilib. 
 
 İctimai sağlamlıq böhranının idarəsini nəzərdə turan qanuna yanaşma mübahisəli olub. 
 
Qanunla müəyyən edilən tələblərlə razılaşmayan Fransa yanğınsöndürmə, təcili yardım xidmətinin (SDİS) 672 üzvü avqustun 19-da birbaşa Avropa Məhkəməsinə müraciət etmişdilər (41950/21, Abgrall və 671 Others vs. France). Ərizəçilər Avropa Konvensiyasının 2-ci (yaşamaq hüququ) və 8-ci (şəxsi həyata hörmət hüququ) maddələrinə söykənərək, AİHM-in 39-cu qaydasına əsasən, sözügedən qanuna qarşı müvəqqəti məcburiyyət tədbirinin təbiq edilməsini tələb edirdilər.  
 
AİHM-dən aşağıdakılar tələb olunurdu: 
 
– Qanundakı peyvənd olunma tələbi dayandırılsın; 
 
– Peyvənd olunma tələbinə əməl etməyən şəxslərin peşə fəaliyyətini yasaqlayan tələb dayandırlsın; 
 
– Peyvənd olunma tələbinə əməl etməyən şəxslərə əmək haqqı ödənilməməsini nəzərdə tutan şərt dayandırlsın; 
 
AİHM-in 7 hakimdən ibarət Palatası müraciətə avqustun 24-də baxıb və onu rədd etməyə qərar verib. 
 
Palata hesab edib ki, 672 nəfərin ictimai sağlamlıq böhranının idarə edilməsi haqqında qanunla əlaqədar müvəqqəti məcburiyyət tədbirləri tələbi 39-cu Qayda çərçivəsinə daxil deyil. AIHM təkrarlayıb ki, 39-cu Qaydaya əsasən müvəqqəti tədbirlərin tətbiqi haqda qərar, işin qəbuledilənliyi və mahiyyəti ilə bağlı sonrakı qərarlara təsir etmədən, Məhkəmə qarşısındakı icraatla bağlı qəbul edilir. Məhkəmə müvəqqəti məcburiyyət tədbirlərini tətbiqi ilə bağlı tələbləri müstəsna hallarda təmin edə bilər. Hansı ki, əks halda ərizəçilər geri dönüşü mümkün olmayan zərər risqi ilə üzbəüz qala bilərlər.

Manşet

Navalnı yeni mükafatını korrupsiya ilə mübarizə aparanlara həsr etdi

22 Oktyabr 2021

DW

Aleksey Navalnı layiq görüldüyü Andrey Saxarov adına mükafatı “korrupsiyanın istənilən forması ilə mübarizə aparan hamıya” həsr edib.  “Radio Svoboda” xəbər verir ki, bu barədə rusiyalı siyasətçinin sosial şəbəkələrdəki hesablarında məlumat verilib.  Yazıda “jurnalistlərdən vəkillərə qədər, məmurlardan və deputatlardan küçəyə çıxıb bu mübarizəni dəstəkləyənlərə qədər” mübarizlərdən danışılır. “Onlara hətta bir az qorxulu olan anlarda da inadkarlıq və cəsarət arzu etmək istəyirəm”, - deyə müxalifətçi əlavə edib. Mətndən aydın olur ki, Aleksey Navalnı mükafata layiq görülməsini vəkilindən öyrənib. Hazırda həbsdə olan Aleksey Navalnının namizədliyi Avropa Parlamentinin ən böyük fraksiyası - Avropa Xalq Partiyası, eləcə də sayına görə üçüncü fraksiya olan “Avropanı yeniləmək”...
Manşet

DYP-nin mopedlə bağlı təzə qərarına sürücülərin reaksiyası: “Pul tələsidir”

Aytac Məmmədli
26 Sentyabr 2021

Aytac Məmmədli - Toplum TV

Şəhərdəki tıxacdan təngə gələnlər çıxış yolunu motosikl və moped sürməkdə görürlər. Lakin bu nəqliyyat vasitələrinin sürücülərinin bəzən yol qaydalarını pozması ətrafakıların narazılığına səbəb olur. Üstəlik də son 2 ildə ölkədə motosikl və mopedlərdən istifadə edən kuryerlərin sayı artıb. Avtomobil sürücülərinin dediklərinə görə, onlardan bəziləri sifarişləri ünvana tez çatdırmaq üçün təhlükəsizlik qaydalarına önəm vermir, qəza şəraiti yaradırlar. Senytabrın 21-də Bakı şəhər Baş Yol Polis İdarəsinin İctimaiyyətlə Əlaqələr İdarəsinin rəisi Vaqif Əsədov deyib ki, moped sürücüləri ilə bağlı qanunvericilikdə dəyişiklik olacaq. İdarə rəisinin sözlərinə görə, mopedlər üçün qeydiyyat nişanı tətbiq olunacaq və sürücülərdən A1 sürücülük vəsiqəsi tələb edilə bilər. V. Əsədov bu...
Seçilmiş Videolar