Manşet
Bidzina İvanişvili siyasətdən getdi
11 Yanvar, 2021
Baxış: 90
Bidzina İvanişvili
FOTO: Civil.ge 
 
Gürcüstanlı milyarder, hakim Gürcü Arzusu Partiyasının təsisçisi və sədri Bidzina İvanişvili siyasətdən getdiyini açıqlayıb. 

"Sputnik Gürcüstan"ın yanvarın 11-də verdiyi xəbərə görə, İvanişvili bu barədə ictimaiyyətə açıq məktub ünvanlayıb. 

"Mən siyasəti birdəfəlik tərk etmək və idarəçiliyi tamamilə buraxmaq barədə qərar qəbul etmişəm. Hesab edirəm ki, mənim missiyam başa çatıb", - deyə milyarder məktubunda bildirib. 

Bidzina İvanişvili 1956-cı ildə Gürcüstanın İmereti rayonunun Çorvila Saçxer kəndində anadan olub. 1990-cı illərdə Rusiyada böyük biznes imperiyası quran İvanişvili 2011-ci ildə Gürcüstanda siyasətlə məşğul olacağını bəyan edərək, Gürcü Arsuzu Partiyasını təsis edib və 2012-ci ildə hakimiyyətə gəlib. Bundan bir il sonra o, siyasəti tərk etdiyini bəyan edib. 2018-ci ildə isə yenidən siyasətə qayıdıb və həmin ilin mayından hakim partiyaya rəhbərlik edib. 

Sonuncu qərarı ilə Bidzina İvanişvili 10 ildə ikinci dəfə siyasəti tərk etdiyini bəyan edib. 

7 milyard dollar sərvətə malik olduğu iddial edilən İvanişvilini bəzi siyasi şərhçilər Gürcüstan hakimiyyətinin real idarəçisi hesab edirlər.  

Manşet
ABŞ koronavirusa görə Çini günahlandırır
17 Yanvar 2021
ABŞ Departamentinin binası, Vaşinqton D.S. FOTO: unian.info    "Pekin virusun təhlükəsi ilə bağlı xəbərdarlıq edən çinli həkimləri, alimləri və jurnalistləri cəzalandırdı" "ABŞ dəfələrlə COVID-19-un mənşəyi ilə bağlı şəffaf və hərtərəfli araşdırmaya çağırıb. Bu, pandemiyanın mənşəyini anlamaq, qlobal xalq sağlamlığı, iqtisadi bərpa və beynəlxalq təhlükəsizlik üçün vacibdir", - ABŞ Dövlət Departamentinin bəyanatında belə qeyd edilir. Bildirilir ki, bu həftə Çinə gedən Ümumdünya Səhiyyə Təşkilatının (ÜST) istintaq qrupunun həyati işinə kömək etmək üçün ABŞ hökuməti 2019-cu ildə Çinin dövlət laboratoriyaları daxilindəki fəaliyyətlərlə əlaqədar yeni məlumatlar paylaşır: "Xüsusilə, ÜST-ü aşağıdakıları həll etmək üçün Çin hökumətini sıxmağa çağırırıq". Bəyanatda Vuhan Virusologiya İnstitutundakı xəstəliklər barədə...
Manşet
İndoneziyada zəlzələ: 50-dən çox ölüm, yüzlərlə yaralı
17 Yanvar 2021
FOTO: CNN   İndoneziyanın Sulavesi adasında cümə günü baş verən 6,2 bal gücündə zəlzələ nəticəsində 50-dən çox insanın öldüyü, yüzlərlə yaralının olduğu bildirilir. FOTO: CNN    Xəbəri CNN İndoneziyanın Fəlakət İdarəetmə Agentliyinə istinadən yayıb. İndoneziyanın Meteorologiya, İqlim və Geofizika Agentliyinin yaydığı məlumata görə, Cakarta vaxtı ilə 1:28-də baş verən zəlzələnin episentri Majene şəhərindən 6 kilometr (3,7 mil) şimal-şərqdə, 10 kilometr dərinlikdə (6,2 mil) olub. FOTO: CNN    Otuz dörd nəfər zəlzələnin mərkəzində şimalda yerləşən Mamuju şəhərində, digər səkkiz nəfər isə Mene şəhərində ölüb. FOTO: CNN    Ölkənin Milli Fəlakət İdarəetmə Şurası(BNPB) bildirir ki, Majene şəhərində ən az 637 nəfər yaralanıb...
Seçilmiş Videolar