Manşet

İqtisadçı: "Dövlət büdcəsinin gəlirləri niyə azalıb, cənab İlham Əliyev?"

25 İyul, 2021
165

Nemət Əliyev - VOA

"İlham Əliyev Daşkəsəndən mesaj verib ki, iqtisadi tənəzzüldən çıxmışıq. Doğrudanmı çıxmışıq? Tənəzzüldən çıxmışıqsa, adambaşına düşən gəlirlərin nominal səviyyəsi və dövlət büdcəsinin gəlirləri niyə azalıb, cənab İlham Əliyev?"
 
İqtisadçı Nemət Əliyev "Feysbuk" hesabında belə yazıb.
 
Prezident İlham Əliyev iyulun 22-də Daşkəsən rayonuna səfər edib.
 
“AzerGold” QSC-nin “Çovdar” İnteqrəolunmuş Regional Emal Sahəsinin fəaliyyəti ilə tanış olan ölkə başçısı Azərbaycan Televiziyasına müsahibə verib.
 
"Azərbaycan iqtisadiyyatı tənəzzüldən çıxıb. Əgər bu altı ayın hər bir ayının iqtisadi göstəricilərinə nəzər salsaq görərik ki, ilin əvvəlində iqtisadi tənəzzül daha böyük rəqəmlərlə ölçülürdü. Hər ay tənəzzül azalırdı və biz may ayının yekunlarına görə bir balaca iqtisadi inkişafa nail ola bildik. Altı ayın yekunları isə bunu göstərir ki, bizim iqtisadiyyatımız 2 faiz artıb. Bu, yaxşı göstəricidir. Xüsusilə dünyada gedən proseslərə nəzər saldıqda görürük ki, dünya ölkələrinin böyük əksəriyyəti hələ ki iqtisadi tənəzzüldədir", - deyə İlham Əliyev qeyd edib.
 
Nemət Əliyevsə ölkə başçısının fikirləri ilə razılaşmır: "Ölkədə orta aylıq əməkhaqqı göstəricisi pisləşibsə, işsizliyin səviyyəsi də 18 faizdən çox artıbsa, gərək tənəzzüldən çıxmaq haqqında heç danışmayaq. Böhranı durdurmuşuqsa, bəs qeyri neft-qaz sektoruna investisiyaların 11 faizdən çox düşməsinin səbəblərini haralarda axtaraq? Xarici investorların iri maliyyə vəsaitlərini Azərbaycandan yan ötürmələrini hələ də məntiqli, qeyri-məntiqli bəhanələrlə izah etmək mümkün deyil. Baxın, tənəzzül sənayedə və tikintidə meydan sulayır, nəqliyyat sektorunun yaxasını buraxmayıb və ictimai iaşəni hələ də can üstə saxlayır. Real ifadədə xarici ticarət dövriyyəsi 10 faiz azalıb. Daxili məhsul bazarları isə 20 faizdən çox bahalaşıb və ölkədə yaşanan bu yüksək bahalaşma şəraitində insanlar sürətlə var-yoxdan çıxırlar".
 
Onun sözlərinə görə, ölkədə həyat səviyyəsi pisləşib: "Ölkədə həyat səviyyəsi rəsmən 5 faiz, qeyri-rəsmən 17 faiz pisləşib. Tənəzzüldən qurtulan ölkədə həyat səviyyəsi həyatın dibinə doğru yön almamalıdır, ala bilməz, hörmətli İlham Əliyev! Həyat səviyyəsini pisləşdirən inkişaf inkişaf deyil və bu sayaq irəliləyiş-tərpəniş heç kimə lazım deyil. Azərbaycan xalqına isə heç lazım deyil".

Manşet

Belarus vətəndaşı Rusiyada “ömürlük arzuolunmaz şəxs” elan edildi

30 Avqust 2021

İdrak Mirzəlizadə - Açıq mənbələrdən götürülüb

Rusiya Daxili İşlər Nazirliyi stendapçı komik İdrak Mirzəlizadəni “ömürlük arzuolunmaz şəxs” elan edib.  Bu barədə Lenta.ru xəbər verir. “İdrak Mirzəlizadə öz publik çıxışında rus millətinə mənsub şəxslərə qarşı nifrət və düşmənçilik aşılayan ifadələrə yol verib. Buna görə də onun Rusiya Federasiyası ərazisində olması digər şəxslərin hüquqlarına və qanuni maraqlarına, ictimai asayişə təhdid kimi qəbul edilir”, - DİN saytında yazılır.  Mirzəlizadə Yutub şəbəkəsində “Razqonı” adlı yumoristik verilişdə səsləndirdiyi zarafata görə Rusiya İXM-nin 20.3.1 (nifrət və ya düşmənçiliyin oyatma, eləcə də insan ləyaqətinin alçaldılması) maddəsi ilə inzibati məsuliyyətə cəlb olunmuşdu və avqustun 9-da 10 sutka həbsə məhkum edilmişdi. Belarus vətəndaşı olan İdrak...
Manşet

Əlil: "Ağstafanın icra başçısı məni küçə söyüşləri ilə təhqir etdi"

30 Avqust 2021

Meydan TV

"Polisləri çağırdı, dedi, çıxardın bunu binadan, bir də binaya buraxmayın”  "Bilirəm ki, bizim də hansısa kağız üzərində hüquqlarımız var, ancaq mən bu hüquqlarımı əlil olduğum son 7 ildə hiss etmədim. Aldığım pensiyanın 130 manatı kirayəpuluna gedir, qalanı da yavan çörəyə... Dərmanlarımı ala bilmirəm. Heç olmasa hökumət mənə əlil kimi birotaqlı ev tikib versə, kirayədən canım qurtarar, kirayəyə verdiyim pulu dərmanıma verərəm”.  Bunu Meydan TV-yə Ağstafa sakini, 1-ci qrup əlil Xəyyam Abdullayev deyir.  "280 manatın 130 manatını ev kirayəsinə ödəyirəm”  Xəyyam Abdullayevin 40 yaşı var. Əvvəllər qaynaqçı işləyib. 7 il əvvəl iş vaxtı hündürlükdən yıxılaraq belindən aldığı xəsarət onu əlil arabasına...
Seçilmiş Videolar