Manşet

İranda 7 fəala hökm oxundu

14 Yanvar, 2021
280
FOTO: Toplum.tv 

İranda Qarabağa dəstək aksiyasında iştirak edən şəxslərə hökm  oxunub. 

Bu barədə "Toplum TV”-yə qadın və gender məsələləri üzrə tədqiqatçı Sevil Süleymani məlumat verib.

Təbriz Cinayət Məhkəməsinin 112 saylı şöbəsinin rəhbəri hakim Məhəmməd Əli Piri Təbrizdəki aksiyada iştirak etmiş 5 fəalın hər birinə 1 il həbs və 60 şallaq cəzası kəsib. 

Həkimə Əhmədi, Yasəmə Zəfəri, Sədullah Sasani, Rəhim Sasani və Mehdi Purəli "ictimai asayişi pozmaq”, "dövlət məmurlarına itaətsizlik” və "üsyan etmək” maddələri üzrə ittiham olunublar. 

Ərdəbil Cinayət Məhkəməsi isə bu şəhərdə keçirilmiş aksiyada iştirak edən Əli Xeyrcu və Meysəm Colaninin hər birinə 4 ay həbs və 20 şallaq cəzası verib. 

S.Süleymani bildirib ki, baş tutan aksiyalarda əsas hədəf İran hökuməti olub.


"Aksiyalar sentyabrın 30-da Ərdəbildə, daha sonra Təbriz və Tehranda keçirilib. Aksiya iştirakçıları Ermənistanla sərhədlərin bağlanmasını və bu ölkəyə yardımın dayandırılmasını tələb edirdilər”.

Aysel Əzizova
Nuranə Atakişiyeva
Manşet

Azərbaycanın Kəlbəcər istiqamətindəki mövqeləri atəşə tutulub

25 İyul 2021

Müdafiə Nazirliyi

İyulun 25-də saat 15:30 radələrində Ermənistan silahlı qüvvələrinin bölmələri Basarkeçər rayonunun Yuxarı Şorca kəndi yaxınlığında yerləşən mövqelərdən Kəlbəcər rayonunun Zəylik kəndi istiqamətindəki Azərbaycan Ordusunun mövqelərini snayper tüfəngi və avtomatlardan fasilələrlə atəşə tutub. Bu barədə Müdafiə Nazirliyi məlumat yayıb.  Bildirilir ki, Azərbaycan Ordusunun şəxsi heyəti arasında itki yoxdur. Qarşı tərəf cavab atəşi ilə susdurulub.
Manşet

Üç ölkə Bakı Bəyannaməsi imzalayacaq

25 İyul 2021

Açıq mənbələrdən götürülüb

İyulun 27-də Bakıda Azərbaycan, Türkiyə və Pakistan parlament sədrlərinin görüşü gözlənilir. Xəbəri Türkiyənin “Anadolu” Agentliyi  yayıb. Bildirilir ki, bu, parlament sədrlərinin üçlü formatda ilk görüşü olacaq. Məlumata görə, görüşdə Bakı Bəyannaməsi də imzalanacaq.
Seçilmiş Videolar