Manşet
Kapitolidəki iğtişaşlarla əlaqədar onlarla cinayət işi açılıb
11 Yanvar, 2021
Baxış: 68
FOTO:KİV

ABŞ hökuməti Kapitolidəki iğtişaşlarla əlaqədar olaraq, daxili terrorizm ittihamı ilə azı 25 cinayət işi açıb. 

Bu barədə yerli vaxtla yanvarın 10-da Demokrat konqresmen Ceyson Krouya özünün "Tvitter" hesabında məlumat verib. 

Krouya bildirib ki, o, məsələ ilə əlaqədar Birləşmiş Ştatların Ordu Naziri (Ordu Nazirliyi Müdafiə Nazirliyinin tərkibində departamentlərdən biridir – Toplum TV) Rayan Makkarti ilə müzakirələr aparıb. Müzakirələr zamanı onlar daha çox iğtişaşlarda iştirak edən hərbçilərin davranışları və mövcud təhlükəsizlik tədbirləri barədə danışıblar.

"Nazir bildirdi ki, Kapitoliyə hücum nəticəsində daxili terrorizm ittihamı ilə ən azı 25 cinayət işi açılıb. Uzunlüləli odlu silah, Molotov kokteylləri, partlayıcı qurğular və plastik qandallar aşkar edilib. Bu isə onu deməyə əsas verir ki, çətinliklə də olsa, böyük bədbəxtliyin qarşısı alınıb”, - deyə Krou qeyd edib. 

Konqresmen iğtişaşlarda həqiqi hərbi xidmət keçən və ehtiyatda olan hərbçilərin iştirak etməsindən "dərin təşviş hissi” keçirdiyini deyib. 

Nazir Makkartinin sözlərinə görə isə, yeni seçilmiş prezident Co Baydenin yanvarın 20-nə təyin olunan andiçmə mərasimi zamanı "potensial terrorçulardan gələ biləcək təhlükələr”dən Pentaqon xəbərdardır. O, konqresmeni əmin edib ki, Müdafiə Nazirliyi və polis həmin tədbirin təhlükəsizliyini təmin etməyə hazırlaşır.

Daha əvvəl Vaşinqton meri Muriel Bauzer Kapitoli talanlarının fonunda federal hakimiyyətə məktubla müraciət edərək, Baydenin andiçmə mərasimində təhlükəsizliyi təmin etmək üçün əlavə yardım istəmişdi.

Yanvarın 6-da Vaşinqtonda Kapitoli qarşısında etiraz aksiyası keçirən Tramp tərəfdarları bir müddət sonra binaya daxil olublar və Senatın zalını mühasirəyə alıblar. Co Baydenin prezidentliyinin təsdiq olunması üçün toplanan Senat və Nümayəndələr Palatası baş verən qarışıqlığa görə iclası yarımçıq dayandırmaq məcburiyyətində qalıb. Tramp tərəfdarları ilə polisin toqquşması zamanı 5 nəfərin öldüyü, onlarla insanın saxlandığı bildirilib. Paytaxt Vaşinqtonda fövqəladə vəziyyət elan edilib. Donald Tramp 2020-ci ilin noyabrın 3-də keçirilmiş prezident seçkilərində məğlub olmadığını, seçkilərin saxtalaşdırıldığını deyir.
Manşet
ABŞ koronavirusa görə Çini günahlandırır
17 Yanvar 2021
ABŞ Departamentinin binası, Vaşinqton D.S. FOTO: unian.info    "Pekin virusun təhlükəsi ilə bağlı xəbərdarlıq edən çinli həkimləri, alimləri və jurnalistləri cəzalandırdı" "ABŞ dəfələrlə COVID-19-un mənşəyi ilə bağlı şəffaf və hərtərəfli araşdırmaya çağırıb. Bu, pandemiyanın mənşəyini anlamaq, qlobal xalq sağlamlığı, iqtisadi bərpa və beynəlxalq təhlükəsizlik üçün vacibdir", - ABŞ Dövlət Departamentinin bəyanatında belə qeyd edilir. Bildirilir ki, bu həftə Çinə gedən Ümumdünya Səhiyyə Təşkilatının (ÜST) istintaq qrupunun həyati işinə kömək etmək üçün ABŞ hökuməti 2019-cu ildə Çinin dövlət laboratoriyaları daxilindəki fəaliyyətlərlə əlaqədar yeni məlumatlar paylaşır: "Xüsusilə, ÜST-ü aşağıdakıları həll etmək üçün Çin hökumətini sıxmağa çağırırıq". Bəyanatda Vuhan Virusologiya İnstitutundakı xəstəliklər barədə...
Manşet
İndoneziyada zəlzələ: 50-dən çox ölüm, yüzlərlə yaralı
17 Yanvar 2021
FOTO: CNN   İndoneziyanın Sulavesi adasında cümə günü baş verən 6,2 bal gücündə zəlzələ nəticəsində 50-dən çox insanın öldüyü, yüzlərlə yaralının olduğu bildirilir. FOTO: CNN    Xəbəri CNN İndoneziyanın Fəlakət İdarəetmə Agentliyinə istinadən yayıb. İndoneziyanın Meteorologiya, İqlim və Geofizika Agentliyinin yaydığı məlumata görə, Cakarta vaxtı ilə 1:28-də baş verən zəlzələnin episentri Majene şəhərindən 6 kilometr (3,7 mil) şimal-şərqdə, 10 kilometr dərinlikdə (6,2 mil) olub. FOTO: CNN    Otuz dörd nəfər zəlzələnin mərkəzində şimalda yerləşən Mamuju şəhərində, digər səkkiz nəfər isə Mene şəhərində ölüb. FOTO: CNN    Ölkənin Milli Fəlakət İdarəetmə Şurası(BNPB) bildirir ki, Majene şəhərində ən az 637 nəfər yaralanıb...
Seçilmiş Videolar