Manşet

Keçmiş MTN polkovniki  hökmü eşidəndə halı pisləşdi 

24 İyun, 2022
783

e-huquq.az

İyunun 24-də Bakı Ağır Cinayətlər Məhkəməsində 2015-ci ildə ləğv edilmiş Milli Təhlükəsizlik Nazirliyinin keçmiş polkovniki, işdən uzaqlaşdırılandan sonra Lənkəran Dövlət Universitetinin prorektoru olmuş, sonradan bu işindən də kənarlaşdırılmış Bahadır Qocayevin məhkəməsi başa çatıb.

Məhkəmə iclasına hakim İradə Həsənzadə sədrlik edirdi. 

Ötən il Dövlət Təhlükəsizlik Xidmətinin həbs etdiyi Bahadır Qocayev 70 min manatdan çox pulu dələduzluq yolu ilə ələ keçirməkdə ittiham olunur.

İttihama görə, o, bir neçə il əvvəl Xaçmazın Seyidlər kəndindəki bağ evini borclu olduğu bir şəxsə borc əvəzi etibarnamə ilə verib. Həmin şəxs də evi Fazil Alıyev adlı digər şəxsə 60 min manata satıb. Bir müddət sonra Bahadır Qocayevin Fazil Alıyevi MTN işçisi kimi hədələyərək evi əlindən aldığı bildirilir.

Bu iş məhkəmələrdə mübahisələndirilib. Ancaq Bahadır Qocayev məhkəmələri uduzub. Ötən il isə qarşı tərəfin şikayəti əsasında həbs edilib.

Bugünkü məhkəmədə hakim hökmü elan etməmişdən əvvəl müdafiə tərəfi çıxış edərək Bahadır Qocayevə verilmiş ittihamların sübuta yetirilmədiyini deyib və bəraət verilməsini xahiş edib. O, bildirib ki, Bahadır Qocayevə bu ittihamlar telefon danışıqlarına əsaslanaraq verilib. Sonra hakim müttəhimə son söz deməyi təklif edib.

Müttəhim haqqında söylənilənlərin yalan olduğunu bildirib: “Mən heç vaxt pulgir olmamışam. O qədər kasıb olmuşam ki, hətta nişan üzüyümü də dolanışığa görə satmışam. Əynimdəki şalvardan başqa heç nəyim yoxdur. Yaşadığım mənzili də qayınatam alıb. İki saat evimdə axtarış apardılar, heç nə tapmadılar. Görmüşük ki, evdən axtarış zamanı qızıl nəsə tapılar. Heç nişan üzüyünü də tapmadılar. Çünki dolanışığa görə satıb, pulunu yemişdik. Məni bədbəxt eləməyin”.

“9 aydır ki, həbsdəyəm. Kimsə mənimlə prinsip aparırsa, əl çəksin. Bu artıq düşmənçilikdir... Məni o evdən əl çəkim deyə tutdurdular. İstəmirəm o evi, tövbə etdim, bir də istəməyəcəm, lazım deyil, gedib Biləsuvardakı ata evimdə oturaram, məni burdan buraxın”, - deyə o bildirib.

Hakim qısa müşavirədən qayıtdıqdan sonra Bahadır Qocayevlə bağlı hökmü elan edib.

O, 5 il 6 ay azadlıdan məhrum edilib.

Bahadır Qocayev cəzanın müddətini eşitdikdən sonra vəziyyəti pisləşib. O, məhkəmə zalını tərk edən hakim heyətinin arxasınca qışqıraraq bunları deyib: “Mən burdan evimə getməliydim. Neyləmidim ki, həyatımı məhv etdiniz”.

Konvoylar Bahadır Qocayevin qoluna girərək onu zaldan çıxarıblar.

Bahadır Qocayev MTN polkovniki olub. Qurumun Qusar, Kürdəmir rayon şöbələrinin rəisi işləyib. Keçmiş nazir Eldar Mahmudov işdən çıxarıldıqdan və "MTN işi" ilə bağlı araşdırmalar başladıqdan sonra təhlükəsizlik strukturundan çıxarılıb.

O, 2016-cı ildə Lənkəran Dövlət Universitetinin ümumi işlər üzrə prorektoru təyin edilib və bir müddət sonra bu vəzifəsindən də azad edilib.

Leyli Cəfərova


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Manşet

"Cənab prezident, sərhədləri açın, uşaqlarımıza kömək edə bilək"

Samirə Əli
1 Sentyabr 2022
Azərbaycanda  pandemiyaya görə tətbiq edilən bir sıra məhdudiyyətlər aradan qaldırılıb. Quru sərhədlərin bağlı qalması iki ildən çoxdur ki, davam edir. Hazırda insanlar ölkəni yalnız hava yolu ilə tərk edə bilirlər.       Rüxsarə Əliyeva "Toplum TV"-yə deyir ki, oğlu Məhəmmədi müalicə ilə bağlı İrana aparmalıdır. Amma maddi durumu və oğlunun təyyarəyə olan fobiyasına görə, artıq iki ildir ki, Bakıdan çıxa bilmirlər.   Məhəmməd ağır dərəcəli revmatizm-artiret xəstəliyindən əziyyət çəkir, sümük-oynaq problemlərinə görə, hərəkətində məhdudiyyətlər yaranıb.   "Demək olar ki, son 3-4 il ərzində oturub-durmağı çətinləşib. Sümük böyüdükcə, inkişaf etdikcə çətinlik də artır. Pilləkan çıxıb düşə bilmir, düz yolu mənim...
Manşet

MTN işi: Mövlam Şıxəliyev öz əmlaklarından danışdı 

14 İyun 2022
"Yüksək vəzifəli məmurlardan birinin sayəsində..." Bakı Hərbi Məhkəməsində Milli Təhlükəsizlik Nazirliyinin (2015-ci ildən Dövlət Təhlükəsizlik Xidməti) İstintaq Baş İdarəsinin keçmiş rəisi Mövlam Şıxəliyev, istintaq idarəsinin rəis müavini, 1-ci şöbənin rəisi Yasin Məmmədov, istintaq idarəsinin 2-ci şöbənin rəisi, polkovnik Vüsal Ələkbərov və istintaq idarəsinin metodiki yardım və kriminalistika şöbəsinin rəis müavini Sahib Ələkbərovun cinayət işi üzrə məhkəmə prosesi davam edib.  Məhkəmə iclasına hakim Elbəy Allahverdiyev sədrlik edib.  Məhkəmənin başladığı ilk vaxtlardan (8 ay) hakim media nümayəndələrini məhkəmə salonuna buraxmır.  Təqsirləndirilən şəxslərin vəkilləri də mediaya danışmır. Bu səbəbdən də media nümayəndələri yalnız zərərçəkmiş və şahidlərdən məlumatlar toplamalı olur.  Yalnız Mövlam Şıxəliyev dəmir...

Seçilmiş Videolar

Toplum TV loqo