Manşet

Tələbələrdən COVİD-19 pasportu tələbi

23 Avqust, 2021
1636

Universitetlər Nazirlər Kabineti tərəfindən göstəriş aldıqlarını deyirlər. 

Azərbaycanda bütün dövlət və özəl təhsil müəssisələrində tələbələrin koronavirusa qarşı vaksinasiyadan keçməsi praktiki olaraq məcburi olub. Sentyabrın 15-dən tədris prosesinin başlanılacağı gözlənilir. Nazirlər Kabineti yanında Operativ Qərargahın ötən həftənin beşinci günü keçirilən brifinqində Prezidentin köməkçisi Şahmar Mövsumov bildirib ki, məktəblərdə sentyabrın 15-dən ənənəvi təhsilə başlanılması nəzərdə tutulub. Ali təhsil müəssisələri tələbələrinə bildirib ki, 18 yaşdan yuxarı şəxslər peyvənd pasportu təqdim etmədən dərslərə buraxılmayacaqlar. Bəzi universitetlər rəsmi saytlarında, bəziləri isə sosial şəbəkələrdə bununla bağlı elanlar yerləşdiriblər. Məsələn, Odlar Yurdu Universiteti sosial şəbəkələrdəki səhifəsində bildirib ki, universitetin bakalavriat pilləsində və magistratura səviyyəsində təhsil alan tələbələr sentyabrın 1-dək COVID-19-a qarşı birinci doza, oktyabrın 1-dək isə ikinci doza peyvənd olunması və ya COVID-19-a qarşı immunitet sertifikatı təqdim etməlidirlər. Əks halda universitetə buraxılmayacaqlar. Qərarın tələblərinin pozulmasına görə müvafiq şəxslər İnzibati Xətalar Məcəlləsində və Cinayət Məcəlləsində nəzərdə tutulmuş qaydada məsuliyyət daşıyacaqlar.

Nazirlər Kabinetinin yeni qərarına əsasən ali və orta ixtisas təhsil müəssisələrində təhsil alan 18 yaşdan yuxarı hər kəsin COVID-19 sertifikatı təqdim etməlidirlər. Vaksinə əks göstərişi olanlara əks-göstəriş sertifikatı verilir və həmin sertifikat universitetlərə təqdim olunmalıdır.

Operativ Qərargahın tədbirində isə Şahmar Mövsumov açıqlayıb ki, Azərbaycanda koronavirusdan vəfat edənlərin 99 faizi peyvənd olunmayan şəxslərin payına düşür. Bununla belə, vaksinasiya könüllü xarakteri daşıyır, məcburi deyil.

Odlar Yurdu Universitetindən Meydan TV-ə bildiriblər ki, bildirişlər bütün universitetlərə, o cümlədən onlara Nazirlər Kabineti tərəfindən göndərilib. COVID-19 pasportu olmayan tələbələrin dərslərə buraxılması mümkün deyil.

“Bütün tələbələr COVID-19 pasportuna baxılandan sonra dərsə buraxacaqlar. Çünki COVID-19 pasportu olmayan tələbənin dərsə buraxılmasına görə universitet də məsuliyyət daşıyır”, - universitetdən bildirilib.

Bakı Dövlət Universitetindən isə Meydan TV-ə bildirilib ki, rəsmi göstərişə əsasən sentyabrın 1-dən bütün tələbələrdən peyvənd sertifikatı tələb olunmalıdır: “Tələbələr üçün peyvənd könüllü deyil. Kim imtina edirsə, dərsə gəlməyə bilər”.

Təhsil Nazirliyi də tələbələrin peyvənd olunmazının Nazirlər Kabinetinin qərarı ilə tənzimləndiyini açıqlamışdı. Nazirliyin digər açıqlamasında isə orta məktəblərdə valideynləri peyvənd olunmayan uşaqların dərsə buraxılmayacağı ilə bağlı rəsmi göstərişin olmadığı bildirilib. Bununla belə, bütün müəllimlərin vaksin olunması tələb olunur. Valideynlərin də, vaksin edilməsi arzuolunandır.

1-ci kurs tələbələrinin əksəriyyətinin 18 yaşı tamam olmadığından peyvənd edilə bilmirlər. Onlar dərsə getmədən əvvəl koronavirus testi verməli və cavabları universitet rəhbərliyinə təqdim etməlidirlər. Azərbaycanda bütün özəl tibb müəssisələrində test etdirmək mümkündür və bu, orta hesabla 70-80 manata başa gəlir.

Sosial şəbəkələrdə yayılan məlumatlara görə, son 1 həftədə 3 müəllim koronavirusdan həyatını itirib, onlardan ikisi gəncdir.

Təhsil Nazirliyinin İctimaiyyətlə əlaqələr sektorunun müdiri Cəsarət Valehovun yaydığı məlumata görə, indiyədək ümumi təhsil müəssisələrində çalışan 220 mindən çox təhsil işçisindən 138 min nəfərə yaxını hər iki dozada vaksin olunub.

Onun sözlərinə görə, bu günədək belə müəssisələrin işçilərindən təxminən 60 min nəfərdən çoxu vaksin olunmayıb: “Onlardan immuniteti olanlar 16 min 500, bu və ya digər səbəbdən vaksin olunmayanlar isə 42 min nəfərdən çoxdur. Vaksin olunmaq həm də ənənəvi qaydada daha çox saatda dərs demək imkanıdır. İnanırıq ki, növbəti 20-25 gündə təhsil işçiləri arasında vaksinləşmə faizi daha da yüksələcək”.

Manşet

"Cənab prezident, sərhədləri açın, uşaqlarımıza kömək edə bilək"

Samirə Əli
1 Sentyabr 2022
Azərbaycanda  pandemiyaya görə tətbiq edilən bir sıra məhdudiyyətlər aradan qaldırılıb. Quru sərhədlərin bağlı qalması iki ildən çoxdur ki, davam edir. Hazırda insanlar ölkəni yalnız hava yolu ilə tərk edə bilirlər.       Rüxsarə Əliyeva "Toplum TV"-yə deyir ki, oğlu Məhəmmədi müalicə ilə bağlı İrana aparmalıdır. Amma maddi durumu və oğlunun təyyarəyə olan fobiyasına görə, artıq iki ildir ki, Bakıdan çıxa bilmirlər.   Məhəmməd ağır dərəcəli revmatizm-artiret xəstəliyindən əziyyət çəkir, sümük-oynaq problemlərinə görə, hərəkətində məhdudiyyətlər yaranıb.   "Demək olar ki, son 3-4 il ərzində oturub-durmağı çətinləşib. Sümük böyüdükcə, inkişaf etdikcə çətinlik də artır. Pilləkan çıxıb düşə bilmir, düz yolu mənim...
Manşet

Keçmiş MTN polkovniki  hökmü eşidəndə halı pisləşdi 

24 İyun 2022

e-huquq.az

İyunun 24-də Bakı Ağır Cinayətlər Məhkəməsində 2015-ci ildə ləğv edilmiş Milli Təhlükəsizlik Nazirliyinin keçmiş polkovniki, işdən uzaqlaşdırılandan sonra Lənkəran Dövlət Universitetinin prorektoru olmuş, sonradan bu işindən də kənarlaşdırılmış Bahadır Qocayevin məhkəməsi başa çatıb. Məhkəmə iclasına hakim İradə Həsənzadə sədrlik edirdi.  Ötən il Dövlət Təhlükəsizlik Xidmətinin həbs etdiyi Bahadır Qocayev 70 min manatdan çox pulu dələduzluq yolu ilə ələ keçirməkdə ittiham olunur. İttihama görə, o, bir neçə il əvvəl Xaçmazın Seyidlər kəndindəki bağ evini borclu olduğu bir şəxsə borc əvəzi etibarnamə ilə verib. Həmin şəxs də evi Fazil Alıyev adlı digər şəxsə 60 min manata satıb. Bir müddət sonra Bahadır Qocayevin...

Seçilmiş Videolar

Toplum TV loqo