Məhkəmə

"Aytac Əliyeva işi": Mənə dedi ki, Dubaydan aldığım qızıl saatlar polad çıxıb

Leyli Cəfərova
4 Noyabr, 2022
608

Sosial Media

“Özü barəsində elə danışırdı ki... Deyirdi, bələdiyyə sədriyəm, qazancım başımdan aşır, heç nəyə ehtiyacım yoxdur.  Bizim pullarımızı havaya sovurandan sonra dedi, şikayət etməyin, torpaqlarım var, həll edəcəm. Bizi göndərdi, Binəqədi ərazisində bir neçə torpaq sahəsinə baxdıq, o torpaqlardan birinə anamın adına sənəd düzəltdi. Aparıb sənədi yoxlatdırdıq, o da saxta çıxdı”.

Bu sözləri Binəqədinin keçmiş bələdiyyə sədrinin məhkəməsində şahid qismində dindirilən Aygün Məmmədova deyib.

Bakı Ağır Cinayətlər Məhkəməsində bələdiyyənin keçmiş sədri Aytac Əliyevanın bacısı İlknur Əliyevanın (Turkut) məhkəməsi zərərçəkmiş və şahidlərin ifadələriylə davam edir. Bacılar qızıl alqı-satqısı adı ilə adamların pulları ələ keçirməkdə təqsirləndirilirlər. Zərərçəkmişlər 11, onlara dəymiş maddi zərərin ümumi məbləğisə 1 milyon manat civarındadır.  

https://toplum.tv/mehkeme/sahid-menimcun-narkotikden-muqeddes-hec-ne-yox-idi-sagaldim

Sonuncu məhkəmə iclasında dindirilmiş Aygün Məmmədova ifadə verib. O, bildirib ki, bələdiyyə sədri Aytac Əliyevayla 2 il əvvəl iştirak etdiyi məclisdə tanış olub: “Aytac Əliyevanın döğum günü idi, təsadüfən mən də orda bir rəfiqəmlə iştirak edirdim. Elə orada yaxından tanış olduq. Özünü heç nəyə ehtiyacı yox, gözü tox bir insan kimi göstərirdi. Dedi, mənim kimi pul qazanmaq istəyirsənsə, gəl, qoşul bizə. Dubaydan qızıl gətirib satırıq. Dedi, 8 martda varlı adamlar hədiyyəlik qızılları ondan alırlar, yaxşı alver gedir. Biz də qərara gəldik 8 marta qədər pul qoyaq ki, gəlir götürək”.

Aygün Məmmədova məhkəmədə iddia edib ki, pul qazanmaq istəyini  gerçəkləşdirmək üçün anasının ona bağışladığı mənzili, bacısının mənzilini, anasının mənzilini, öz bahalı avtomobilini satıb. Anasının ona bağışladığı mənzili təmir etmək üçün topladığı pulu da üstünə qoyaraq 2021-ci ilin 8 yanvarından 8 martınadək hissə-hissə Aytac və İlknur Əliyeva bacılarına verib. 8 Martdan da ötüb, pullardan xəbər çıxmayanda Aytac Əliyevaya zəng vurub: “Dedi, Kiyevdəyəm, Dubaydan qızıl saat adıyla alıb vurduğum saatlar polad çıxıb, məni aldadıblar. Bir az gözlə, gəlim, danışarıq”.

Aytac Əliyeva Bakıya qayıdandan sonra görüşüblər. Aytac Əliyeva ona bələdiyyə sədri olduğu ərazidəki torpaqlardan təklif edib: “Həmin torpaqlar başqa-başqa adamların adınaydı. Aytac Əliyeva dedi ki, narahat olma, formal olaraq o adamların adınadır, öz adıma edə bilmərəm axı... Get, torpaqlara bax, hansını bəyənsən, ananı gətir, adına sənədləşdirək. Getdik, bizə olan borcu məbləğində iki yerdə torpaq sahəsi bəyəndik, sənədləri də verdik bələdiyyə sədrinə ki, sənədləşdirsin. Bir həftədən sonra anamın adına həmin torpaq sahələrinə çıxarış verdi. Dedi, bu torpaqlar oldu sizin, borc söhbətimiz burda bağlandı”.

https://toplum.tv/mehkeme/belediyye-sedrinin-mehkemesinde-sahid-bize-189-min-500-manat-zerer-vurub

Şahid deyir, çıxarışların belə tezliklə hazır olması onları şübhələndirib. Qərara gəliblər ki, sənədləri araşdırsınlar və bu zaman üzə çıxıb ki, saxtadır. Bundan sonra Aygün Məmmədova bələdiyyə sədrinin əməllərindən polisə şikayət edib.

Binəqədi rayon bələdiyyəsinin keçmiş sədri Aytac Əliyeva bacısı İlknur Əliyevayla (Turkut) əlbir olaraq qızıl və torpaq alqı-satqısı adı altında vətəndaşlara qarşı 1 milyon manata yaxın dələduzluqda təqsirləndirilirlər. Onlar barəsində Cinayət Məcəlləsinin 178.3.2-ci (dələduzluq, külli miqdarda ziyan vurmaqla törədildikdə) maddəsi ilə cinayət işi başlanılaraq barələrində həbs qətimkan tədbiri seçilib.

İttiham olunan İlknur Əliyeva bir müddət əvvəl ev dustaqlığına buraxılıb. Bacılar ittihamları qismən qəbul edirlər. Cinayət işi üzrə ümumilikdə 11 zərərçəkmiş var.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Məhkəmə

Mühasibi intihar edən lombardın sahibinə 5 il həbs cəzası verildi

Leyli Cəfərova
31 Yanvar 2023

Açıq mənbələrdən götürülüb

Gəncə Ağır Cinayətlər Məhkəməsində dələduzluqda ittiham olunan lombard sahibi, “Gold Kredit 10” MMC-nin rəhbəri, iş adamı Kazım Məmmədovun cinayət işi üzrə məhkəmə prosesi başa çatıb.    Araşdırmalar zamanı lombarddan 39 nəfər şikayətçinin olması, onların ümumilikdə 1,5 kiloqram qızıl-zinyət əşyalarının mənimsənilməsi məlum olub. Bu qızılların bazar qiyməti isə təxminən 76 min manatdan çox olub.    “Pulları ələ keçdirdi, sonda da özünü öldürdü”     Təqsirləndirilən Kazım Məmmədov ifadəsində vəziyyətin bu yerə çatmasında şirkətin keçmiş mühasibi Nahidənin günahkar olduğunu bildirib. O, mühasibin lombarda qoyulmuş qızıllara görə toplanan 200 min manata yaxın vəsaiti ələ keçirdiyini, lakin əməlləri üzə çıxdıqdan sonra intihar etdiyini deyib: ...
Məhkəmə

MTN işi: Mövlam Şıxəliyev iranlı casusun prezidentə sui-qəsd cəhdindən danışdı

Leyli Cəfərova
30 Yanvar 2023
“Biz prezidentə sui-qəsdin qarşısını almışdıq. Heydər Əliyev mərkəzinin qarşısında iranlı casus ev kirayələmişdi, yüksək dəqiqliklə vuran snayperlə prezidentə sui-qəsd hazırlanmışdı. Vüsal Ələkbərov və Sahib Ələkbərovun sayıqlığı nəticəsində onun qarşısı alındı. O, uzunmüddətli həbsə göndərildi”. Bunu yanvarın 30-da ləğv edilmiş Milli Təhlükəsizlik Nazirliyinin  İstintaq Baş İdarəsinin keçmiş rəisi general-mayor Mövlam Şıxəliyev Bakı Apelyasiya Məhkəməsində keçirilən apelyasiya şikayəti üzrə məhkəmə prosesindəki çıxışında deyib. “Hacı Məmmədovun dəstəsi Bakıya vəlvələ salmışdı. Biz necə çətinliklə onun qarşısını aldıq” Keçmiş rəislə bərabər müttəhimlər kürsüsünə 2-ci şöbənin rəisi Vüsal Ələkbərov, İbtidai istintaq idarəsinin rəis müavini Yasin Məmmədov və şöbə rəisinin müavini olmuş Sahib Ələkbərov çıxarılıblar. Onlar məhkəmə...

Seçilmiş Videolar

Toplum TV loqo