Məhkəmə

“Baku Steel Company” işi: Azərboru necə satıldı?

Leyli Cəfərova
7 Oktyabr, 2022
435

Oktyabrın 7-də Bakı Ağır Cinayətlər Məhkəməsində “Baku Steel Company”-nin (Poladəritmə zavodu) sahibi olmuş, şirkətin əlindən alındığını iddia edən Rasim Məmmədovun məhkəməsi davam edib. Məhkəmə indiki mərhələdə şahidləri dindirir.

İlk dindirilən İlham Əliyev olub. O, ifadəsində göstərib ki, əvvəllər “S-Steel” şirkətinin işçisi imiş. Azı 250 işçisi olan şirkət dəmir qırıntılarını alaraq “Baku Steel”ə satmaqla məşğul olub. Onun işi isə bu işçilərin maaş və bonuslarını hesablamaqdan ibarət olub.

Şişirdilmiş rəqəmlər, aqibəti bəlli olmayan pullar...

Prokuror şahiddən metalın ucuz alınıb baha qiymətə rəsmiləşdirilməsi kimi halların olub-olmadığını soruşanda şahid “yox” cavabı verib. Bundan sonra prokuror hakimdən onun ibtidai istintaqa verdiyi ifadəsinin elan olunmasını xahiş edib. Məlum olub ki, İlham Əliyev ibtidai istintaqa verdiyi ifadəsində sənədlərdə rəqəmlərin şişirdildiyini bildirib. İfadədə o da göstərilib ki, kassadan 3 milyon 478 min manat çox pul çıxarılıb. Pulun aqibətisə qaranlıq qalıb.

Ancaq şahid deyib ki, o, istintaqa belə ifadə verməyib: “Düzdür, mən belə ifadə verməmişəm, ancaq imza mənimdir. İfadəni oxumayıb, imzalamışam. Çox vaxt alınan metallara görə satıcılara borclu qalırdıq. Gəlib sonradan pullarını götürürdülər. Ola bilsin ki, müstəntiq metal satıcılarına borclu qaldığımız məbləği şirkətin kassasından artıq çıxarılma kimi qeyd edib”.

O da məlum olub ki, İlham Əliyev “S-Steel”in işçisi olsa da, sonradan “Baku Steel Company”nin əməkdaşı kimi rəsmiləşdirilib.

Rasim Məmmədovdan şahidə bir “sağ ol”

Şahidi dinləyən Rasim Məmmədov ona təşəkkür edib: “Bu cavan oğlanı ilk dəfədir görürəm, ona heç bir yaxşılığım dəyməyib. Nə necə olubsa, elə danışdı burada. Sağ olsun. Amma yaxşılıq elədiklərimin bir çoxu gəlib burada üzümə durdu. Burada üzümə duranların əksəriyyətinə mən “atalıq” eləmişəm. Yusifi üç dəfə türmədən xilas eləmişəm, gəlib üzümə dayanacaq”.

Sonra məhkəmə “Azərboru”nun baş direktorunun müşaviri Azad Əmirovu dindirib. Şahid ifadəsində bildirib ki, zavodda istehsalatla rekonstruksiya arasında koordinator olub: “Zavodda rekonstruksiya işləri aparılırdı, köhnə metal konstruksiyalar sökülür, yararsız metallar yük maşınlarına yığılıb “Baku Steel Company”yə göndərilirdi. Zavod “Baku Stel Company”nin idi. Elə metalları da şirkətin öz maşınları daşıyırdı. Daşınma məsələlərinə mən baxmırdım deyə, nə qədər metal aparılmasından xəbərim yoxdur. Darvazada gözətçilər vardı, gəlib-gedən maşınlara onlar baxırdı”.

Saxladım Kamazı qarşısında...

Ancaq Azad Əmirovun istintaqa verdiyi ifadəsi elan ediləndə məlum oldu ki, o, “Azərboru”dan “Baku Steel Company”ə ümumilikdə 120 min ton dəmir daşındığını yazıb. Məhkəmədə isə bunu təkzib etdi. Dedi ki, istintaqa belə söz deməyib və yazmayıb.

Rasim Məmmədovsa deyib ki, 120 min ton kifayət qədər iri həcmdir və “Azərboru”nun ərazisində heç vaxt bu qədər metal olmayıb, olması da mümkün deyildi: “Təsəvvür edin ki, “Torqovı”nın o başından bu başına metal qırıntısı yığsan da, yenə 120 min ton eləməz”.

Keçmiş zavod rəhbəri Azad Əmirov ifadəsinə davam edərək, “Azərboru”nun əvvəlki vəziyyətindən də danşıb: “O zavodu sökə-sökə pis günə qoymuşdular. Bir gün getdim ora, “KamAZ”ı saxlatdırdım qapısında, dedim, qoymayacam söküb daşıyasız. Məni Prezident Administrasiyasına çağırdılar, getdim, orda vəziyyəti danışdım. Dedilər istəyirsən, al, inkişaf elətdir. Mən də mərkəzi Bankdan 20 milyon kredit götürüb “Azərboru”nu aldım”.

Məhkəmənin dindirdiyi daha bir şahidsə “S-Steel”in keçmiş sahə rəisi  Sadıq Həsənov olub. O, məhkəmənin suallarını cavablandırarkən “S-Steel” şirkətinə Yusif Hənifəzadənin qardaşının rəhbərlik etdiyini deyib. (Yusif Hənifəzadə “Azeri Steel”in formal sahibi kimi təqdim olunur. Rasim Məmmədovun ifadələrinə görə, “Baku Steel”in qazandığını bu şirkət əlindən alırmış, sonra yuxarılara ötürürmüş. Amma Rasim Məmmədov pulun kimə ötürüldüyünü deməyə ehtiyat edib).

 Rasim Məmmədova verilən ittihamlardan biri də budur ki, o, müxtəlif şirkətlər, o cümlədən “Azeri Steel”i yaradaraq, “Baku Steel Company”nin istehsal etdiyi məhsulları onlara bazar qiymətindən daha ucuz satıb. Onlar isə ucuz aldıqları məhsulu müştəriyə daha baha satıblar. Bununla da “Baku steel Company”yə milyonlarla ziyan vurulub. Lakin Rasim Məmmədov bu ittihamı qəbul etmir, həmin şirkətlərin ona məxsus olmadığını deyir.

Rasim Məmmədov 2021-ci ilin yanvarından həbsdədir. O, Dövlət Təhlükəsizliyi Xidmətinin (DTX) istintaq təcridxanasında saxlanılır.

Rasim Məmmədov “Baku Steel Company” MMC-nin Müşahidə Şurasının sədri kimi, vəzifə səlahiyyətlərindən sui-istifadə edib, müəssisənin külli miqdarda pulunu mənimsəməkdə və israf etməkdə ittiham olunur. Cinayət işində 13 milyon 200 min manatın mənimsənilməsi, 42 milyon manatlıq məhsulun israf edilməsindən söhbət gedir.

Rasim Məmmədova Cinayət Məcəlləsinin 308.2 (ağır nəticələrə səbəb olan vəzifə səlahiyyətlərindən sui-istifadə), 179.4 (xüsusilə külli miqdarda ziyan vurmaqla mənimsəmə və ya israf etmə), 178.3.2-ci (külli miqdarda ziyan vurmaqla dələduzluq) maddələrilə ittiham verilib.

Bu maddələrdə 14 ilə qədər həbs cəzası nəzərdə tutulub.

Rasim Məmmədov ittihamları qəbul etmir, özünü təqsirli bilmir.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Məhkəmə

MTN işi: Mövlam Şıxəliyev yenə məhkəmə qarşısına çıxarılır

29 Noyabr 2022

Açıq mənbələrdən götürülüb

Baş Prokurorluğun Mövlam Şıxəliyevə qarşı protest vermə müddəti bərpa olunub, iş materialları yenidən Bakı Apellyasiya Məhkəməsinə qaytarılıb. Toplum Tv xəbər verir ki, məhkəmə iclası dekabrın 5-nə təyin edilib. Bakı Hərbi Məhkəməsində sabiq Milli Təhlükəsizlik Nazirliyinin (MTN 2015-ci ildə ləğv olunub) İstintaq Baş İdarəsinin sabiq rəisi general-mayor Mövlam Şıxəliyev, 2-ci şöbənin rəisi Vüsal Ələkbərov, İbtidai İstintaq İdarəsinin rəis müavini Yasin Məmmədov və şöbə rəisinin müavini olmuş Sahib Ələkbərovun cinayət işi üzrə Baş Prokurorluğun protest vermə müddəti bərpa olunub. Eyni qərarla cinayət işi üzrə zərərçəkən, mərhum Cahangir Məmmədovun hüquqi varisi tanınan həyat yoldaşı və digər zərərçəkən Elşən Mədətov apellyasiya şikayəti vermə müddətləri...
Məhkəmə

Səlim Müslümov işində şahid: “20 min manat verib DSMF-nin şöbə müdiri oldum”

Leyli Cəfərova
28 Noyabr 2022
Bakı Ağır Cinayətlər Məhkəməsində keçmiş nazir Səlim Müslümovun məhkəməsi davam edir. Məhkəmə iclasına hakim Faiq Qəniyev sədrlik edir.  Məhkəmə hələ də şahidləri dindirir. Bu günkü məhkəmə prosesində Şükür Osmanov ifadə verərək göstərib ki, əlillər üçün Şabranda 5 fərdi ev tikiblər. Rayon rəhbərliyinin iştirakıyla evlər əlillərə təhvil edilib. Hakim şahidin nəzərinə çatdırıb ki, istintaq zamanı tenderlərdə iştirak edən və onun sahibi olduğu tikinti şirkətində 12 min 201 manatlıq çatışmazlıq aşkar edilib.  Barmaqlar ölən şahidə tuşlanır  Hakim şahiddən Maliyyə Nazirliyinin apardığı yoxlamalarda iştirak edib-etmədiyini soruşub. Şükür Osmanov cavabında deyib ki, tikinti şirkətnin sahibi Müşfiq Qurbanov (dünyasını dəyişib) olub.  Şahid: - Tenderlərdə də...

Seçilmiş Videolar

Toplum TV loqo