Məhkəmə

Dövlətə xəyanətdə təqsirləndirilən dini inanclı: "İsrailin bayrağını öz həyətimdə yandırmalı oldum"

Leyli Cəfərova
17 Avqust, 2022
450

Açıq mənbələrdən götürülüb

“Bakı Şəhər İcra Hakimiyyəti aksiya keçirməyi məsləhət görmədiyi üçün İsrailin bayrağını öz həyətimdə yandırmalı oldum”.  
 
Bunu məhkəməsi keçirilən dini inanclı Səbuhi Səlimov deyib.  
 
Dövlətə xəyanətdə təqsirli bilinən Səbuhi Səlimovun məhkəməsi Bakı Ağır Cinayətlər Məhkəməsində hakim Eldar İsmayılovun sədrliyi ilə keçirilir. O, dəfələrlə İrana gedərək həmin ölkənin xüsusi xidmət orqanının əməkdaşlarıyla görüşməkdə, onlardan aldığı pul müqabilində Azərbaycanda iğtişaşlar törətməyə cəhd etməkdə təqsirli bilinir. Ancaq məhkəmə iclasında dövlət ittihamçısı İttiham Aktının nəticəvi hissəsini elan edəndən sonra təqsirləndirilən şəxs bildirdi ki, orada yazılanlarla razı deyil: “Başdan ayağa nağıl yazıblar. Mən tamam başqa sözlər demişəm, bunlarsa mənim dilimdən tamam başqa şeylər yazıblar”.  
 
“Orda yazılanlar nağıldır”  
 
Hakim təqsirləndirilən şəxsə ifadə verməyi təklif etsə də, o, hazırkı mərhələ ifadə vermək istəmədiyini dedi. Hakim təqsirləndirilən şəxsə: “Orda yazılanlar nağıldır deməklə iş bitmir. Sizə qarşı kifayət qədər ağır ittihamlar irəli sürülüb. Bu ittihamların altında qalsanız, sizi çox ciddi cəza gözləyə bilər”, - dedi. Sonra təqsirləndirilən şəxsin ibtidai istintaqa verdiyi ifadəni elan etdi.  

https://toplum.tv/mehkeme/12-ci-imam-in-2-milyon-yarimliq-axiret-biznesi
  
İttiham aktında qeyd olunur ki, Səbuhi Səlimov müxtəlif illərdə İran İslam Respublikasına səfərlər edib, həmin dövlətin xüsusi xidmət orqanının nümayəndələriylə görüşüb, onlardan pul alıb, bunun  müqabilində Azərbaycanın dövlətçiliyinə zərər vuran əməllər törədib.  
 
Hakim ittiham aktını elan edəndən sonra dövlət ittihamçısı müttəhimə suallar verdi. Suallar Səbuhi Səlimovun İran islam Respublikasına səfərləri və həmin səfərər zamanı keçirdiyi görüşlərlə bağlı idi.  
 
İranda görüş 
 
Səbuhi Səlimov dövlət ittihamçısının suallarına cavab olaraq bildirdi ki, uşaqlıqdan “Hüseynçi” olub, ağlı kəsəndən də müxtəlif dini ayinlərin keçirilməsində fəal iştirak edib. Təxminən 12 il əvvəl İslam Partiyasının sədri və qohumu olan Elçin Manafovun (Mövsüm Səmədovun həbsindən sonra Partiyaya sədrlik edir) sürücüsü işləməyə başlayıb. Eyni zamanda xırda ticarətlə də məşğul olub. 2000-ci illərin əvvəlindən ticarət məqsədilə İrana gedib-gəlib. 2011-ci ildə ailə üzvləriylə yenə həmin ölkəyə - bu dəfə ürək əməliyyatı üçün  yollanıb. Orada onu tanımadığı bir neçə nəfər qarşılayıb. Əvvəl otelə yerləşib, sonra həmin adamlar onu qonaq evinə yerləşdiriblər. Ürək əməliyyatına pulu çatmadığına görə həmin şəxslər ona maddi yardım ediblər. Ancaq Səbuhi Səlimov ürək əməliyyatına girməyib:  
 
“Ailə üzvlərim orada darıxırdı, vətənə istəyirdi deyə, mən əməliyyat olunmaqdan vaz keçdim və biz geri qayıtdıq. İttiham verilib ki, guya mən Vəli Cabbariylə dəfələrlə görüşmüşəm, guya İranda qaldığımız müddətdə mənim və ailəmin xərclərini onlar çəkib, ancaq belə olmayıb. Mən onu elə bir dəfə onda görmüşəm, sonralar görüşməmişik. Onun xüsusi xidmət orqanının işçisi olduğunu da bilməmişəm”.   
 
İskəndər kimdir?..  
 
İttihama görə, İranın xüsusi xidmət orqanının İskəndər adlı əməkdaşı Səbuhi Səlimova İsrail səfirliyi qarşısında aksiya təşkil etməyi, həmin dövlətin bayrağını yandırmağını tapşırıb. Buna görə ona 1000 manat pul da göndərib. Səbuhi Səlimov bu ittihamın uydurma olduğunu bildirdi:  
 
“Düzdür, mən o vaxt İsrail səfirliyi qarşısında aksiya keçirmək üçün Bakı Şəhər İcra Hakimiyyətinə müraciət etdim. Ancaq qurumdan mənə gələn cavab məktubunda “yox” deyilməsə də, “məsləhət görülmür” qeyd olunmuşdu. Mən də məsləhət görülmədiyi üçün aksiyanı keçirmədim. Öz həyətimdə ocaq qalayıb, İsrailə lənət oxudum və bayrağını yandırdım.  
 
Prokuror: Bunu niyə etdiniz ki?  
 
Təqsirləndirilən şəxs: Bu, ilk dəfə olan şey deyil ki... Nardaranda bunu hər il edirdilər. İsrailin, Amerikanın, bir də Ermənistanın  bayraqlarını həmişə yandırmışıq. Çünki İsrail də, Amerika da şeytan dövlətlərdir, müsəlmanlara qan uddurub. Erməni isə balalarımızın başını kəsib. Mənim hər üç dövlətə nifrətim var. Yandırdım, lənətlərimi də ünvanlarına oxudum.

Prokuror: Bayrağı yandıranda etdiyiniz videoçəkilişi İranda yaşayan İskəndərə göndərməkdə məqsədiniz nə idi?  
 
Təqsirləndirilən şəxs: Xüsusi bir məqsədim yox idi, orda yazılıb ki, guya o hərəkəti onların sifarişiylə, pul alıb eləmişəm. Mənə verdikləri 1000 manatı da sonradan bir tanışım vasitəsiylə özlərinə göndərmişəm”.   
 
Vəli Cabbariylə görüş...  
 
Prokuror təqsirləndirilən şəxsdən İttiham aktında adı İranın xüsusi xidmət orqanının əməkdaşı kimi keçən Vəli Cabbari ilə də maraqlanıb. Təqsirləndirilən şəxs həmin adamla bir dəfə görüşdüyünü deyib:  
 
“Mən Vəli Cabbarini elə bir dəfə görmüşəm. O vaxt məni qarşılayanların arasında olub. Xüsusi xidmət orqanının əməkdaşı olduğunu bilməmişəm. Mənə pul verməyib, heç bir tapşırığı olmayıb. Yenə deyirəm, Bakıda dini inanclıların keçirdiyi aksiyalarda fəal olmuşam, Nardaran mühasirəyə alınanadək oradakı İmam Hüseyn meydanında keçirilən aksiyalarda fəal olmuşam, İsrailə, Amerikaya, Ermənistana daim nifrətimi bildirmişəm, ancaq heç bir ölkənin xüsusi xidmət orqanıyla əməkdaşlıq etməmişəm. Nə etmişəmsə, öz inancıma görə etmişəm”.  

https://toplum.tv/mehkeme/selim-muslumov-20-milyon-manat-zerer-odeyib
 
Məhkəmədə Səbuhi Səlimovun həyat yoldaşı Fatimə Səlimova şahid qismində dindirilib. O, ifadəsində göstərib ki, Səbuhi Səlimovla İrana gediblər. Orada Səbuhi Səlimovun kimlərlə görüşməsindən xəbəri olmayıb. Təxminən 8 gün orada qalıblar, həyat yoldaşı əməliyyata girmək fikrindən daşındığı üçün geri qayıdıblar.  
 
Növbəti məhkəmə iclası sentyabrın 6-na təyin olundu.  
 
Səbuhi Səlimovu 10 ay əvvəl Dövlət Təhlükəsizlik Xidməti həbs edib. O, dövlətə xəyanətdə (CM 274-cü maddəsi) təqsirləndirilir. Səbuhi Səlimova qarşı irəli sürülmüş ittihama görə, o, İrandan maliyyələşərək Azərbaycanda iğtişaşlar törətməyə cəhd edib.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Məhkəmə

Məhkəmə: Saxta müqavilələr,  maliyyə arayışları, təkrar satılan mənzillər

Leyli Cəfərova
28 Yanvar 2023

Açıq mənbələrdən götürülüb

“Sahil-S İnşaat” MTK-nın sədri Taley Alaverdiyevin, “GG Company” MMC-nin direktoru Pənah Kərimovun, V“Star-M” MTK və “ŞANS” MTK-nın sahibi Məhərrəm Məhərrəmovun cinayət işi üzrə ibtidai istintaq başa çatıb. Bu işlər məhkəmə baxışına göndərilib.  Sahibkarlar Bakı Ağır Cinayətlər Məhkəməsində mühakimə olunacaq. Taley Alaverdiyevlə Pənah Kərimov eyni müttəhimlər kürsüsünü bölüşəcək. Şirkət sahibləri əlbirlikdə təqsirləndirilir.  V“Star-M” MTK və “ŞANS” MTK-nın sahibi Məhərrəm Məhərrəmovun işisə başqa icraatdadır.   İttiham aktında göstərilib ki, “Sahil-S” İnşaat Mənzil Tikinti Kooperativinin vəzifəli şəxslərinin qanunsuz əməlləri ilə əlaqədar Baş prokuror yanında Korrupsiyaya qarşı Mübarizə Baş İdarəsinin “161-Qaynar xətt” əlaqə mərkəzinə çoxsaylı müraciətlər daxil olub.  Aparılan istintaq-əməliyyat tədbirləri ilə Taley Alaverdiyevin Pənah...
Məhkəmə

Əlillərin Bərpa Mərkəzinin baş həkimi bir ildə iki dəfə məhkum edildi

Leyli Cəfərova
28 Yanvar 2023

Açıq mənbələrdən götürülüb

“Düşündük ki, vəzifəli adamdır, əli hər yerə çatır, inandıq, hər pul istəyəndə verdik ki, işlərimizi düzəltsin”.     Bu sözləri məhkəmədə Rəfiqə Seyidova deyib. O, tanışı Könül Abbasova tərəfindən aldadıldığını iddia edib.     Könül Abbasova Əmək və Əhalinin Sosial Müdafiəsi Nazirliyinin Dövlət Tibbi-Sosial Ekspertiza və Reabilitasiya Xidmətinin Şirvan Şəhər Əlillərin Bərpa Mərkəzinin baş həkimi olub. Elə həmin vəzifədə işləyərkən Rəfiqə Seyidovanın inamını qazanıb. Bu münasibətlərsə müttəhimlər kürsüsünədək davam edib. İndi tərəflərdən biri zərərçəkmiş, digəri məhbusdur.     Bakı Ağır Cinayətlər Məhkəməsində mühakiməsi keçirilən Könül Abbasova baş həkim işləyərkən ərinə, kürəkəninə, oğlanlarına iş axtaran Rəfiqə Seyidovaya deyib ki, ətrafında rüşvətlə adamları yaxşı işə...

Seçilmiş Videolar

Toplum TV loqo