Məhkəmə

“Gecə klubu” işi: “Dedilər, hər şeyi üzərinə götür, arxanda dayanacağıq”   

Leyli Cəfərova
13 Sentyabr, 2022
987

Sosial Media

“Söz verdilər ki, arxamda dayanacaqlar. Dedilər ki, hər şeyi boynuna götür, biz sənin arxandayıq. Mən də inandım, yazdım ki, gedib yazdım ki, administratoram”.  
   
Bunu Bakıdakı gecə klubunda baş vermiş partlayışla bağlı keçirilən məhkəmə iclasında təqsirləndirilən şəxslərdən biri Rəsul Rəsulov deyib.   
 
Məhkəmə iclası Bakı Ağır Cinayətlər Məhkəməsində hakim Faiq Qəniyevin sədrliyilə keçirilir. Rəsul Rəsulov, Orxan Səfərli və Ruslan Məmmədov bu il aprelin 3-də şəhərin mərkəzində fəaliyyət göstərən “Location” gecə klubunda baş vermiş partlayışda günahlandırılır. Partlayış nəticəsində ölən və xeyli yaralanan olub.  
 
Təqsirləndirilən şəxslərdən biri klubun işçisi, biri sahibi, birisə ərazi üzrə yanğınsöndürəndir.   
 
Məhkəmə şahidlərin dindirilməsi mərhələsindədir. Sonuncu məhkəmə iclasında şahidlərdən birinin tərəflərin suallarına verdiyi cavablar təqsirləndirilən şəxs Rəsul Rəsulovu özündən çıxarıb. 

https://toplum.tv/mehkeme/selim-muslumovun-mehkemesi-nazirlik-evleri-ucuz-alib-baha-senedlesdirib
 
Şahid İsrail Yusubov məhkəmə ifadəsində “Merser food” MMC,  “Merser Trade” MMC-nin, “Is Consumer Products” MMC-nin (əvvəlki adı “Is Chemıcal”) və daha bir neçə şirkətin həmtəsisçisi olduğunu deyib.  
 
Onun sözlərinə görə, şəriki olan Orxan Səfərlinin qardaşı Elşən Səfərli “Merser food” MMC-nin tərkibində “Location”u açıb. 
 
Rəsul Rəsulovu da MMC-yə administrator işinə Elşən Səfərli gətirib.   
 
Şahidin bu ifadəsi müttəhim Rəsul Rəsulovu əsəbiləşdirib.  
 
O deyib ki, gecə klubuna heç bir aidiyyəti olmadığı halda həbsə düşüb: “Məni aldatdılar. Partlayışın sabahı günü göndərdilər Dəmirçi Plazadakı bir ofisə. Orda mənə deyildi ki, get, yaz ki, administratorsan, ora sən cavabdehsən, axıradək arxanda dayanacağıq. Mən də inandım, gedib izahat yazdım ki, klub mənlikdir. İndi də gəlib burda müttəhimlər kürsüsündə oturmuşam, ancaq vaxtilə arxamda dayanacaqlarını deyən adamları görmürəm”.   
 
Rəsul Rəsulovun adı ittiham Aktında yanğın təhlükəsizlik qaydalarının riayət edilməsinə məsul olan iaşə obyektini icarəyə götürmüş “Merser food” MMC-nin administratoru kimi qeyd edilib. Ancaq indi məhkəmə salonunda bildirir ki, onu aldadaraq adını sənədlərdə belə qeyd etməklə məsuliyyəti üzərinə atıblar. Qeyd edək ki, həbsindən bir neçə gün sonra vəkili onun astma xəstəliyinə görə 3-cü qrup əlil olduğunu, yataq xəstəsi olan anasına himayədarlıq etdiyini demişdi.   
 
Məhkəmədə Fövqəladə Hallar Nazirliyinin yanğından mühafizə xidmətinin əməkdaşı Xətai Əlizadə də ifadə verib.  
 
O deyib ki, gecə klubunda yanğın baş verməsini bildirən siqnal daxil olan kimi əraziyə gediblər. Yanğını söndürərkən qəfil partlayış baş verib: “Mətbəxdə bir nəfər ölmüşdü”, şahid deyib. Vəkillər ondan yanğının səbəbləri barədə soruşub.  
 
O isə bildirib ki, vəzifəsi yanğını söndürmək olub, səbəbləri araşdırmaq yox... Şahidin ifadəsindəki maraqlı məqamlardan biri qaz balonuyla bağlı dedikləri olub: “Balon mətbəxin içərisində deyildi, qapının çölündəydi, iki qaz balonu vardı orda, dedilər ki, biri klubun, o biri qonşuluqdakı hansısa obyektindir”.    
 
Şashid və təqsirləndirilən şəxs məhkəmənin suallarını cavablandırandan sonra hakim növbəti məhkəmə iclasını sentyabrın 14-nə təyin edib.   
 
İttihama görə, hadisə bu il aprelin 3-də, gecə saat 3 radələrində paytaxtın Səbail rayonu ərazisində yaşayış binasının 1-ci mərtəbəsində yerləşən “Location” gecə klubunda baş verib.  
 
Partlayış nəticəsində 1 nəfər - gecə klubunun əməkdaşı, 1979-cu il təvəllüdlü Maya Axundova ölüb, 37 nəfər müxtəlif dərəcəli bədən xəsarətlər alıb.  
 
Aprelin 6-da 1999-cu il təvəllüdlü Eynullayeva Fərqanə Fərhad qızı xəstəxanada vəfat edib. Aprelin 9-da isə klubun işçisi Gülbala Abdullayev dünyasını dəyişib.  
 
İstintaq zamanı yanğın təhlükəsizlik qaydalarının riayət edilməsinə məsul olan iaşə obyektini icarəyə götürmüş “Merser food” MMC-də administrator işləyən Rəsul Rəsulova Cinayət Məcəlləsinin 225.2-ci (yanğın təhlükəsizliyi qaydalarını pozma - ehtiyatsızlıqdan zərərçəkmiş şəxsin ölümünə və ya digər ağır nəticələrə səbəb olduqda), həmin MMC-nin təsisçisi-klubun meneceri Orxan Səfərliyə Cinayət Məcəlləsinin 314.2-ci (səhlənkarlıq-ehtiyatsızlıqdan zərərçəkmiş şəxsin ölümünə və ya digər ağır nəticələrə səbəb olduqda) maddəsi ilə ittiham elan edilib.  
 
Eyni zamanda, istintaq zamanı qeyd olunan ərazi üzrə yanğın təhlükəsizliyinin təmin edilməsinə məsul olan - Fövqəladə Hallar Nazirliyinin Dövlət Yanğın Nəzarəti Xidmətinin 2-ci Ərazi Dövlət Yanğın Ərazi idarəsinin inspektoru Ruslan Məmmədov tərəfindən vəzifələrin icrası zamanı səhlənkarlığa yol verilməsi müəyyən edilib.  
 
Ona Cinayət Məcəlləsinin 314.2-ci maddəsi ilə təqsirləndirilən şəxs qismində cəlb olunub.  
 
Cinayət işi üzrə 53 zərərçəkmiş qismində tanınıb.  
 
Zərərçəkmişlərin siyahısında bloger, Bakı Lift İdarəsinin keçmiş rəhbəri Qüdrət Şükürovun qızı Aysel Şükürova da var.  
 
O, həmin partlayışda ağır xəsarət alıb.  
 
Rəsul Rəsulov və Orxan Səfərli həbsdədir. Digər təqsirləndirilən Ruslan Məmmədovun barəsində əvvəllər həbs qətimkan tədbiri seçilsə də, sonradan barəsində seçilmiş qətimkan tədbiri ev dustaqlığı ilə əvəz edilib.   
 


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Məhkəmə

Erməni diversanta 18 il həbs cəzası verildi - YENİLƏNİB

7 Dekabr 2023

AzərTac

Kəlbəcərdə saxlanılan erməni diversant Voskanyan Qaqik Aşotoviçin cinayət işi üzrə məhkəmə prosesi başa çatıb. Toplum TV xəbər verir ki, Sabunçu rayon Məhkəməsində keçirilən prosesdə hakim Abdulla Məmmədov hökm oxuyub. Təqsirləndirilən şəxs 18 il müddətə azadlıqdan məhrum edilib. Voskanyan cəzasının ilk 5 ilini həbsxanada, qalanını isə ciddi rejimli cəzaçəkmə müəssisəsində çəkməlidir. ​​​​​*** 15:53 Dekabrın 7-də Sabunçu rayon Məhkəməsinin inzibati binasında Kəlbəcərdə saxlanılan erməni diversant Qagik Voskanyanın cinayət işi üzrə məhkəmə prosesi keçirilib.  Bu iş Gəncə Ağır Cinayətlər Məhkəməsinin hakimi Abdulla Məmmədovun icraatında olsa da, məhkəmə prosesi Bakıda keçirilir.  Səhər saatlarında başlayan məhkəmə iclasında dövlət ittihamçısı Müşfiq Rəhimov ittiham aktını elan edib. ...
Məhkəmə

Söyüdlü sakininin məhkəməsi: “Plakatları hazırladığım üçün narkotiklə şərlədilər” 

Esmira Cavadova
7 Dekabr 2023

Açıq mənbələrdən götürülüb

Bu gün Bakı Ağır Cinayətlər Məhkəməsində Gədəbəyin Söyüdlü kənd sakini olan Coşğun Musayevin məhkəməsi başlayıb.  Məhkəmə iclasına hakim Eldar İsmayılov sədrlik edir. Coşğun Musayev narkotikə görə ittiham olunsa da, o, həbsinin birbaşa Söyüdlü hadisələriylə əlaqəli olduğunu deyir.  Xatırlatma  Bu il iyunun 20-də və 21-də Gədəbəy rayonunun Söyüdlü kənd sakinləri kəndin ərazisindəki qızıl mədəninin kimyəvi təmizləmədən sonra axıdılan turşu qalıqlarının toplandlığı gölməçə dolduğundan başqa yerdə yeni gölməçə qurulmasına etiraz ediblər. Bu zaman əraziyə polis qüvvələri yeridilib. İyunun 20-də polislə etirazçılar arasında qarşıdurma yaranıb və polis gözyaşardıcı qazdan istifadə edib. Kənd sakinlərindən onadək insan xəsarət alıb. 5 nəfər etirazçı inzibati qaydada 20...

Seçilmiş Videolar

Toplum TV loqo