Məhkəmə

İrana casusluqda təqsirləndirilən şəxsin məhkəməsi başladı 

Leyli Cəfərova
2 Avqust, 2022
499

Açıq mənbələrdən götürülüb

“Məni DTX həbs edib, istintaqım DTX-da aparılıb, özüm də buraya DTX-nın istintaq təcridxanasından gətirilirəm. Siz də əvvəllər DTX-da işləmisiz, işdə tərəfsiz olacağınıza, ədalətli hökm çıxaracağınıza inanmıram”. 

Bunu avqustun 2-də Bakı Ağır Cinayətlər Məhkəməsində inanclı Səbuhi Səlimov məhkəməyə hazırlıq iclasında hakim Eldar İsmayılova deyib. 

Səbuhi Səlimovu 10 ay əvvəl Dövlət Təhlükəsizlik Xidməti həbs edib. O, dövlətə xəyanətdə (CM 274-cü maddəsi) təqsirləndirilir. Səbuhi Səlimova qarşı irəli sürülmüş ittihama görə, o, İrandan maliyyələşərək Azərbaycanda yaşayan imkansız zümrəni ərzaq və pulla ələ alıb, təşkil etdiyi ehsan süfrələrində dövlətə qarşı cihad təbliğatı aparıb. 

https://toplum.tv/mehkeme/evez-hafizlinin-qatiline-verilen-hokm-etirazla-qarsilandi

Hakim hazırlıq iclasını açıq elan etdikdən sonra tərəflərin vəsatətləri dinlənilib. Səbuhi Səlimovun ilk vəsatəti hakimə etirazla bağlı olub. O, vəsatətini hakim Eldar İsmayılovun əvvəllər DTX-da işləməsi ilə əlaqələndirib. Digər vəsatətlərdən biri səhhətinə görə barəsindəki həbs-qətimkan tədbirinin ev dustaqlığıyla əvəz olunması, digərisə DTX İstintaq Təcridxanasından Bakı İstintaq Təcridxanasına köçürülməsiylə bağlı olub. Hakimlər müşavirəyə gedib qayıtdıqdan sonra məhkəmənin vəsatətlərə münasibəti açıqlanıb. Hakim təqsirləndirilən şəxsin yalnız bir vəsatətini – Bakı İstintaq Təcridxanasına köçürülməsini təmin edib. 

Məhkəmə iclası avqustun 16-na təyin edilib. 

Ailə üzvləri Toplum TV-yə bildiriblər ki, Səbuhi Səlimov İrandan ərzaq gətirib satmaqla və digər ticarət işləriylə, digər ailə üzvlərisə hicab geyimləri tikməklə məşğul olub. Ailə tez-tez ehsan süfrələri təşkil edib, ehtiyaclı ailələrə əl tutub, ancaq bu işçdə heç bir məqsəd güdməyib. Səbuhi Səlimov da dini inancına görə şərləndiyini deyib.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Məhkəmə

Nəcməddin Sadıkovun oğlunun biznes ortağı məhkəmə qarşısındadır

Leyli Cəfərova
3 Fevral 2023

Oxu.az

 Bakı Ağır Cinayətlər Məhkəməsində Azərbaycan Silahlı Qüvvələrinin sabiq qərargah rəisi, general-polkovnik Nəcməddin Sadıkovun oğlu ilə biznes ortağı olan Kamal Akimoviç Akimovun cinayət işi üzrə məhkəmə prosesi davam edir. Hakim Zeynal Ağayevin sədrliyi ilə keçirilən prosesdə Kamal Akimov ifadə verib. Ona Cinayət Məcəlləsinin 182.3.2-ci (hədə-qorxu ilə tələb etmə, külli miqdarda əmlak əldə etmək məqsədi ilə törədildikdə) maddəsi ilə ittiham irəli sürülüb. İsrtintaqın qənaətinə görə Kamal Akimov Azər Əsgərovdan hədə-qorxu ilə pul tələb edib. “Azimport” şirkətinin rəhbəri, Azərbaycan Cüdo Veteranları Assosiasiyasının prezidenti Azər Əsgərov iddia edir ki, onun özünə, ailəsinə müxtəlif formada zərər yetirməklə hədələyib 500 min dollarını alıblar. Onun iddiasına görə,...
Məhkəmə

Avropa Məhkəməsi Azərbaycanla bağlı qərar verdi

2 Fevral 2023

Rəsmi səhifə

Avropa İnsan Haqları Məhkəməsi (AİHM) bu gün, fevralın 2-də Azərbaycandan göndərilmiş 3 ərizə üzrə yekun qərarlarını elan edib.  Toplum TV xəbər verir ki, bu barədə aihmaz.org saytı məlumat yayıb.  Bildirilib ki, həmin ərizələrdə ifadə azadlığı, ədalətli məhkəmə araşdırması, mülkiyyət və digər hüquqların pozuntuları mübahisələndirilirdi. Sərdar Əlibəyli Azərbaycana qarşı -  məhkəmə işi jurnalist olan ərizəçinin böhtan məzmunlu hesab edilən məqalələrinə görə cinayət məsuliyyətinə cəlb edilməsi ilə bağlı idi. İşin faktlarına görə, ərizəçi Milli Təhlükəsizlik Nazirliyinin iddiası üzrə Nizami rayon məhkəməsinin 22 iyul 2009-cu il tarixli hökmü ilə Cinayət Məcəlləsinin 148-ci maddəsi (təhqir) ilə təqsirli bilinib, üç ay müddətinə azadlıqdan məhrumetmə cəzasına...

Seçilmiş Videolar

Toplum TV loqo