Məhkəmə

Məhkəmə: Telekanallardan düşməyən vəkil müttəhimlər kürsüsündə 

Leyli Cəfərova
13 Sentyabr, 2022
667

Açıq mənbələrdən götürülüb

“Bir gecədə qızıllarımızı satdırdı. Bizi elə tələsdirdi ki, başımızı itirdik, 10 min manatlıq qızıllarımızı dəyər-dəyməzinə satıb, pulunu buna verdik, bu da pulları götürəndən sonra işimizi görmədi, bizi get-gələ saldı”.   
 
Hakim: - Haradan tanıyırdınız bu vəkili?   
 
Şahid: - Televizorda görmüşdüm.   
 
Bakı Ağır Cinayətlər Məhkəməsində vətəndaşların pullarını dələduzluq yolu ilə ələ keçirməkdə təqsirləndirilən keçmiş vəkil Vüqar Səfərlinin məhkəməsi keçirilir. Məhkəmə iclasına hakim Əli Məmmədov sədrlik edir.  
 
Vüqar Səfərli Vəkillər Kollegiysının üzvü olub. Son illərdə müxtəlif yerli telekanallarda sosial tipli verilişlərdə hüquqşünas kimi görünməklə, hüquq məsləhətləri verməklə populyarlaşıb.  

https://toplum.tv/mehkeme/gece-klubu-isi-dediler-her-seyi-uzerine-gotur-arxanda-dayanacagiq
 
Elə aldatdığı iddia olunan adamlar da onu tv-lərdə görüb, savadlı vəkil hesab edib, ofisinin ünvanını soraqlayaraq müqavilə bağlayıblar. Ancaq həm özlərinin dediyi, həm də Vüqar Səfərlinin təsdiqlədiyi kimi, aldanıblar.   
 
Məsələn, məhkəmənin şahid qismində dindirdiyi Xalidə Dadaşova deyir, qardaşı oğlunu həbsdən qurtarmaq üçün tv-lərdən qiyabi tanıdıqları vəkil Vüqar Səfərlini axtarıb tapıblar. Vəkil onlardan gecəylə pul çatdırmalarını təkid edib.  
 
Ailə üzvləri də qır-qızılını bir yerə toplayaraq 4300 manata satıb, pulu vəkilə çatdırıblar. Xalidə xanım deyir, qızılların 10 min manat dəyəri olub, ancaq vəkil tələsdirdiyi üçün dəyərindən aşağı qiymətə satmalı olublar. İş orasındadır ki, vəkilə verdikləri 4300 manat da əldən gedib. Vəkil nə “iş görüb”, nə də pulu qaytarıb.   
Elə zərərçəkmiş Lalə Vəliyeva da Vüqar Səfərlini tv-də görüb, yeni köçdüyü evə Çıxarışın alınmasına yardımçı ola bilməsi üçün telefon nömrəsini tapıb, zəng vurub, görüşüb,  

1000 manatlıq müqavilə bağlayıb: “Qısa müddətdən sonra zəng vurdu, dedi, 2500 manat da ver, Çıxarışı tez bir zamanda həll eləyim, pulum yox idi, vermədim. Sonra da qızıma yazmışdı ki, təcili 300 manat lazımdır, mən də 300 manat tapıb çatdırdım ona...”   
 
Hakim müttəhimə: - Zərərçəkmişdən almısız dediyi pulları?   
Müttəhim: - Bəli, almışam.   
 
Başqa bir zərərçəkmiş Emil Salmanovsa anasının təqaüd məsələsinin məhkəmədə çözülməsi üçün tv-dən izlədiyi vəkili axtarıb tapıb. Müqavilə bağlanarkən 1000 manat ödəyib, sonra daha bir neçə dəfə pul verib: “Bir dəfə zəng vurub dedi, “karonayam”, 200 manat istədi, kartına köçürtdüm. Bir dəfə də zəng vurdu ki, 100 manat ver, maşınım xarabdır, onu da kartına köçürtdüm. Beləcə, bir neçə dəfə pul köçürtmüşəm kartına. Mənə cəmi 1700 manat zərər vurub. Elə bilirdim iş görür, aldadırdı ki, sorğular göndərilib, iş gedir. Sonra məlum oldu ki, heç bir iş görməyib, heç yerə də heç nə göndərməyib. Heç məhkəmədən xəbəri olmayıb. Bizim bundan əvvəl bir vəkilimiz vardı, anamın pensiya məsələsiylə bağlı məhkəmədə iddia qaldırmışdı. Həmin məhkəmə anamın xeyrinə bitdi, bu vəkilsə heç nə eləmədi, pulumu da qaytarmadı”.   
 
Hakim növbəti dəfə zərərçəkmişin ifadəsinə müttəhimin münasibətini öyrənib, müttəhim söynilənlərin doğruluğunu təsdiqləyib.   
 
Hakim müttəhimə adamlara vurduğu zərəri ödəməsini tövsiyyə etdi:

“Baxın, iş üzrə 16 zərərçəkmiş var. Çoxu xanımlardır, aralarında tənha qadın da var, bu adamlar sizə ümid bağlayıb, sizə ödəniş etmək üçün başqalarından borclanıblar, qızıllarını satıb, pulunu sizə veriblər. Bu pulları qaytarmaq lazımdır. Bu barədə düşünün”.   
 
Uzun müddət vəkillik fəaliyyəti ilə məşğul olmuş Vüqar Səfərli bu ilin mayında həbs olunub. dələduzluqda ittiham edilir.  

https://toplum.tv/mehkeme/selim-muslumovun-mehkemesi-nazirlik-evleri-ucuz-alib-baha-senedlesdirib
 
O, bir neçə vətəndaşın etimadını qazanaraq külli miqdarda dələduzluq etməkdə təqsirləndirilir. Zərərçəkənlərə dəymiş ziyanın məbləği 200 min manat civarındadır.  
 
Vüqar Səfərlinin əməlindən ən çox zərər çəkənsə tanınmış blogger Sabina Katanovadır. Vüqar Səfərli həbs olunarkən bloggerə 130 min manat zərər vurduğu bildirilirdi.  
 
Həmin vaxt Vəkillər Kollegiyasının sədri Anar Bağırov yerli xəbər saytlarına Vüqar Səfərlinin bir müddət əvvəl vətəndaşlardan gələn anoloji şikayətlərə görə Kollegiyadan uzaqlaşdırıldığını bildirmişdi.   
 


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Məhkəmə

“MTN İşi”ndə zərərçəkənlər: Məhkəmənin təxirə salınması səbəbsiz deyil

Leyli Cəfərova
7 Fevral 2023

Açıq mənbələrdən götürülüb

Keçmiş MTN-nin İstintaq Baş İdarəsinə rəhbərlik etmiş general-mayor Mövlam Şıxəliyevin, 2-ci şöbənin rəisi Vüsal Ələkbərovun, İbtidai istintaq idarəsinin rəis müavini Yasin Məmmədovun, şöbə rəisinin müavini Sahib Ələkbərovun məhkəməsi yenə təxirə salınıb. İndiyədək Bakı Apellyasiya Məhkəməsində bu iş üzrə səkkiz məhkəmə iclası təyin olunub, ancaq bunlardan cəmi dördü baş tutub. Bunun səbəbləri isə müxtəlif olub. Vəkillərin prosesə qatılmaması, qar yağması səbəbindən müttəhimlərin Bakı İstintaq Təcridxanasından məhkəməyə gətirilməməsi olub. Fevralın 7-nə təyin olunan proses isə hakimlərdən birinin xəstələnməsi səbəbindən fevralın 13-dək təxirə salınıb. İş üzrə zərərçəkənlər məhkəmənin təxirə salınmasının səbəbsiz olmadığını deyirlər. Bildirirlər ki, müttəhimlər prosesin uzadılması ilə vəziyyətdən çıxa biləcəklərini, hakimiyyət...
Məhkəmə

Suriya işi: “Azəri camaatı”na qoşuldu, döyüşlərdə yaralandı 

Leyli Cəfərova
3 Fevral 2023

Açıq mənbələrdən götürülüb

Suriyada silahlı birləşmələrin tərkibində döyüşməkdə ittiham olunan 45 yaşlı Akif Osmanovun cinayət işi üzrə məhkəmə prosesi keçirilib.   Toplum TV xəbər verir ki, Bakı Ağır Cinayətlər Məhkəməsində hakim Cavid Hüseynovun sədrliyi ilə keçirilən prosesdə dövlət ittihamçısı ittiham aktını elan edib.  İttihama görə, Akif Osmanov 2013-cü ildə iki nəfər tanışı - Elşad Cəfərov və Cavid Ağcəbəyovla birgə Gəncə hava limanından Türkiyəyə, oradan isə Suriyaya gedib. Suriyanın Artma şəhərində xüsusi hazırlıq düşərgəsində təlimlər keçib, odlu silah və partlayıcı maddələrdən istifadə qaydalarını mənimsəyib, radikalizm və dini düşmənçilik zəminində “Azəri Camaatı” adlı qanunsuz silahlı qruplaşmanın fəaliyyətində iştirak edib. Qrup üzvləri ilə birlikdə “Şeyx Süleyman”...

Seçilmiş Videolar

Toplum TV loqo