Məhkəmə

Məhkəmə zalında dava düşdü: “MTN işi” təxirə salındı  

8 Sentyabr, 2022
1557

Açıq mənbələrdən götürülüb

“Bunun ədasına bax. Utan eee. Abrın-həyan olsun, kişiyəm deyirdin? Sənsən kişi? Kişi kimi söz verirəm deyənə bax. Sənin mənliyin, kişiliyin yoxdur. Sən kişilikdən daha danışma...” 

Bu sözləri keçmiş MTN-nin İstintaq İdarəsinin həbsdə olan keçmiş müstəntiqi  Mövlam Şıxəliyev məhkəmə zalına gətirilərkən zərərçəkmişlərdən biri Hüseyn Səfərov deyib. Elə bununla da məhkəmə zalında təqsirləndirilən şəxslə zərərçəkmişlər arasında söz davası başlayıb.

Nəzarətçilər tərəfindən şüşə qəfəsə salınan Mövlam Şıxəliyev Hüseyn Səfərovun cavabını verməmiş, digər zərərçəkmiş Bahəddin Sultanovun səsi məhkəmə salonunu götürüb.

O, üzünü Mövlam Şıxəliyevə tutaraq “Hansı gününə özünü belə ədalı aparırsan? Evimizi yıxmısan, oğlumu ləkələmisən, məni çətin duruma salmısan. Ay şərəfsiz, sənə nə etmişdik ki, başımıza bu oyunları açdın? Bizə vurduğun zərərləri ödəməsən, səndən əl çəkən deyilik”, - deyib.  

https://toplum.tv/mehkeme/mtn-isinde-zerercekmis-kimdir-bu-xac-ata-lari

Məhkəmə nəzarətçiləri də tərəfləri sakitləşdirməkdə aciz qalıb. Əlacı Mövlam Şıxəliyevi məhkəmə salonundan uzaqlaşdırmaqda görüblər. Hakimsə tərəflərə xəbərdarlıq etdikdən sonra məhkəmə iclasını sentyabrın 13-dək təxirə saldı.  

Məhkəmə iclası təxirə düşməsəydi, zərərçəkmişlərin məhkəmə çıxışlarıyla davam edəcəkdi.  

Bundan əvvəl – sentyabrın 6-da zərərçəkmiş Bahəddin Sultanov məhkəmə çıxışı edərək Vüsal Ələkbərovun (keçmiş MTN-çi, hazırda təqsirləndirilən şəxslərdən biri)  onun oğlunu qanunsuz həbs etməsindən, azad olunması üçün Vüsal Ələkbərovun ondan 1 milyon dollar tələb etməsindən, Mövlam Şıxəliyevə sonuncunun iş otağında 350 min dollar verməsindən danışmışdı. Həmin pulun hazırda təqsirləndirilən şəxslər tərəfindən ona qaytarılmasını tələb etmişdi.  

Digər bir neçə zərərçəkmiş də eyni tələblərdə çıxış etmişdi.  
 
Mövlam Şıxəliyev 2021-ci ilin aprelində həbs olunub. Keçmiş MTN vəzifəliləri ümumilikdə 14 milyon 292 min manat rüşvət almaqda, hədə-qorxu ilə başqalarının 5 milyon 77 min manatlıq pulunu, əmlakını ələ keçirməkdə ittiham olunur.

Onlara qarşı Cinayət Məcəlləsinin 182 (hədə-qorxu ilə tələb etmə), 294 (sübutları saxtalaşdırma), 311 (rüşvət alma) və 341-ci (vəzifə səlahiyyətlərindən sui-istifadə etmə) maddələrilə ittiham irəli sürülüb. Bu iş üzrə 36 zərərçəkmiş var.  

https://toplum.tv/mehkeme/nermin-isi-ilkin-suleymanov-hebsde-olanda-telefonuna-sekilleri-kim-yukleyib

Təqsirləndirilən Vüsal Ələkbərov bundan əvvəl 2015-ci ildə hədə-qorxu ilə tələb etmə, rüşvət alma və başqa əməllərdə təqsirli bilinərək, Bakı Hərbi Məhkəməsinin hökmü ilə 12 il azadlıqdan məhrum edilmişdi.

Bakı Apellyasiya Məhkəməsi onun cəzasını 5 ilə endirdi. 

Təqsirləndirilən Yasin Məmmədov MSK-nın keçmiş sədr müavini Natiq Məmmədovun qardaşıdır.  

Sabiq MTN-çilər iş adamlarının əmlaklarını hədə-qorxu ilə əllərindən almaqda, onları qanunsuz şəkildə günlərlə MTN-də saxlamaqda, saxta ittihamlarla cinayət məsuliyyətinə cəlb etməkdə təqsirləndirilir. Lakin onların heç biri ittihamları qəbul etmir. 


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Məhkəmə

Avropa Məhkəməsi hökuməti cərimələdi: 4 müxalifətçiyə təzminat ödəməlidir

22 Fevral 2024

Açıq mənbələrdən götürülüb

Avropa İnsan Haqları Məhkəməsi (AİHM) fevral ayının 22-də Azərbaycandan göndərilmiş 4 ərizə ilə bağlı qərarını elan edib. Toplum TV "aihmaz.org" saytına istinadən xəbər verir ki, Rasim İsaqov və başqa 3 ərizəçi Azərbaycana qarşı işində ərizəçilər – Rasim İsaqov, Əli Abdullayev, Mübariz Abdulkərimov, Rauf Abdurəhmanlı azadlıq və toxunulmazlıq, ifadə azadlığı hüquqlarına müdaxilələrin qanunsuzluğundan, habelə, ədalətli məhkəmə araşdırmasının aparılmamasından şikayət etmişdilər. Ərizəçilərdən Ə.Abdullayev, M.Abdulkərimov və Rauf Abdurəhmanlı həmçinin, Konvensiyanın 18-ci maddəsinin pozuntusunu mübahisələndirmişdilər. https://toplum.tv/mehkeme/pldquoisccedili-masasirdquonin-hebsde-olan-rehberi-hakime-etiraz-edibnbspp Ərizəçilərdən R.İsaqovun işi vərəqələr yayması səbəbindən onun saxlanılması və inzibati qaydada məhkum edilməsi ilə bağlı idi. Müxalif Azərbaycan Xalq Cəbhəsi Partiyasının üzvü olan ərizəçi 22 dekabr 2014-cü il...
Məhkəmə

Bəxtiyar Hacıyev: “Daxili işlər naziri məndən qisas alır” 

21 Fevral 2024

Sosial Media

Bakı Ağır Cinayətlər Məhkəməsində ictimai fəal Bəxtiyar Hacıyevin məhkəməsi davam edir. O, 2022-ci ilin dekabrında Yasamal rayon Məhkəməsində Ülviyyə Alovluya qarşı xuliqanlıq və məhkəməyə hörmətsizlik ittihamlarıyla həbs olunub. Sonradan isə yeni hallar kimi QHT fəaliyyətinə görə əlavə maddələr verilib və istintaq müddəti bir neçə dəfə uzadılıb. İstintaq orqanı Hacıyevi qaçqmalçılıqda, qanunsuz sahibkarlıqda, sənədi saxtalaşdırmaqda, müxtəlif beynəlxalq təkilatlardan qrantlar alıb təyinatı üzrə xərcləməməkdə təqsirləndirilir.  Sonuncu məhkəmə iclasında Bəxtiyar Hacıyev məhkəmədə vəsatət qaldırıb ki, onun barəsində təhqiqat aparmış Yasamal rayon Polis İdarəsinin 28-ci bölməsinin təhqiqatçısı Pünhan Əbilovun və Ülviyyə Alovlunun kəllə-beyin travması alması barədə rəy vermiş həkim-ekspert Cahangir İsmayılovun imzaları ekspertiza edilsin....

Seçilmiş Videolar

Toplum TV loqo