Məhkəmə

“MTN işi” - Mövlam Şıxəliyev və adamlarına hökm oxundu

Leyli Cəfərova
21 Sentyabr, 2022
1514

Açıq mənbələrdən götürülüb

Zamində olanlar məhkəmə zalında həbsə alındı

Keçmiş Milli Təhlükəsizliyi Nazirliyinin (2015-ci ildə ləğv olunub) Baş İstintaq İdarəsinin rəisi, general-mayor Mövlam Şıxəliyev, istintaq idarəsinin rəis müavini, 1-ci şöbənin rəisi Yasin Məmmədov, istintaq idarəsinin 2-ci şöbə rəisi, polkovnik Vüsal Ələkbərov və istintaq idarəsinin metodiki yardım və kriminalistika şöbəsinin rəis müavini Sahib Ələkbərovun cinayət işi üzrə hökm elan edilib.

Bakı Hərbi Məhkəməsinin hakimi Elbəy Allahverdiyevin sədrlik etdiyi kollegiya tərəfindən təqsirləndirilən şəxslərə cəza verilib. Mövlam Şıxəliyevə 12 il, Yasin Məmmədova 10 il 6 ay, Vüsal Ələkbərova 12 il 6 ay və Sahib Ələkbərova 8 il həbs cəzası verilib. Zamində olan Yasin Məmmədov, Sahib Ələkbərov və Vüsal Ələkbərovun barəsində həbs qətimkan tədbiri seçilib. Onlar məhkəmə zalında həbs ediliblər.

https://toplum.tv/mehkeme/narkomanlarin-reabilitasiya-merkezindeki-dehsetleri-mehkemede

Təqsirləndirilən şəxslərin vəkilləri hökmdən narazı qalıb. Onlar hökmdən apellyasiya şikayəti verəcəklərini deyiblər.

Zərərçəkənlər də hökmdən razı qalmayıb. Hesab ediblər ki, məhkəmə təqsirləndirilən şəxslərə az cəza kəsib. Məhkəmə hökmü onlara dəymiş maddi zərərlərin aqibətinə də işıq salmayıb.

Bir müddət əvvəl Mövlam Şıxəliyevin 7 milyon 738 min manatlıq əmlakının üzərinə həbs qoyulub. Bunlar əsasən Bakının mərkəzində bahalı mənzillər, obyektlər, Novxanıda içində 1000 kvadrat metrdən böyük ev tikilmiş bağ evi və başqa onlarla daşınmaz əmlaklar var. Əmlaklar generalla yanaşı, onun həyat yoldaşı Aybəniz Şıxəliyeva, oğlu Elgün Şıxəliyev, qızı Samirə Əliyeva və başqa qohumlarının adınadır.

Söhbət aşağıdakı əmlaklardan gedir:

Səbail rayonu, Nizami küçəsi 78 ünvanında (Fəvvarələr meydanı), 482 min manat dəyərləndirilmiş obyekt;

Nizami küçəsi 78, mənzil 6 ünvanında 214 min manat dəyərləndirilmiş ev;

Səbail rayonu, Nizami küçəsi 96, mənzil 37 ünvanında 360 min manatlıq ev;

“Sahil” stansiyasının üstündəki bina, M.Şıxəliyevin 5 əmlakı bu binadadır

Nizami küçəsi 93, mənzil 21 ünvanında 400 min manatlıq ev;

Nizami rayonu, Qara Qarayev prospekti, 39a ünvanında, 974 min manat dəyərləndirilmiş obyekt;

Binəqədi rayonu, 7-ci mikrorayon, ev 9-25, mənzil 63 ünvanında yerləşən ev;

Nərimanov rayonu, M.Əlizadə küçəsi ev 134a ünvanında 403 kvadrat metr sahəsi olan, 1 milyon 452 min manat dəyərləndirilmiş qeyri-yaşayış sahəsi;

Səbail rayonu, Bülbül prospekti 7 ünvanında yerləşən (metronun “Sahil” stansiyasının üstündə) binada hər birinin qiyməti 770 min, 535 min, 738 min, 650 min və 704 min manat (ümumilikdə 3 milyon 397 min) dəyərləndirilmiş 5 mənzil;

Binəqədi rayonu, Novxanı kəndində 1 milyon 305 minlik bağ evi;

Novxanı, Goradil qəsəbələrində, Ağdaş və İsmayıllı rayonlarında torpaq sahələri, obyekt və evlər…

https://toplum.tv/mehkeme/ramin-hacili-hakime-mehkemeni-qapali-kecirin-ad-cekim

Mövlam Şıxəliyev 2021-ci ilin aprelində həbs olunub. Keçmiş MTN vəzifəliləri ümumilikdə 14 milyon 292 min manat rüşvət almaqda, hədə-qorxu ilə başqalarının 5 milyon 77 min manatlıq pulunu, əmlakını ələ keçirməkdə ittiham olunur. Onlara qarşı Cinayət Məcəlləsinin 182 (hədə-qorxu ilə tələb etmə), 294 (sübutları saxtalaşdırma), 311 (rüşvət alma) və 341-ci (vəzifə səlahiyyətlərindən sui-istifadə etmə) maddələrilə ittiham irəli sürülüb. İş üzrə 36 zərərçəkmiş var idi.

Təqsirləndirilən Vüsal Ələkbərov bundan əvvəl 2015-ci ildə hədə-qorxu ilə tələb etmə, rüşvət alma və başqa əməllərdə təqsirli bilinərək, Bakı Hərbi Məhkəməsinin hökmü ilə 12 il azadlıqdan məhrum edilmişdi. Bakı Apellyasiya Məhkəməsi onun cəzasını 5 ilə endirib.

Təqsirləndirilən Yasin Məmmədov MSK-nın keçmiş sədr müavini Natiq Məmmədovun qardaşıdır.

Sabiq MTN-çilər iş adamlarının əmlaklarını hədə-qorxu ilə əllərindən almaqda, onları qanunsuz şəkildə günlərlə MTN-də saxlamaqda, saxta ittihamlarla cinayət məsuliyyətinə cəlb etməkdə təqsirləndirilib. Lakin onların heç biri ittihamları qəbul etməyib.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Məhkəmə

Suriya işi: “Azəri camaatı”na qoşuldu, döyüşlərdə yaralandı 

Leyli Cəfərova
3 Fevral 2023

Açıq mənbələrdən götürülüb

Suriyada silahlı birləşmələrin tərkibində döyüşməkdə ittiham olunan 45 yaşlı Akif Osmanovun cinayət işi üzrə məhkəmə prosesi keçirilib.   Toplum TV xəbər verir ki, Bakı Ağır Cinayətlər Məhkəməsində hakim Cavid Hüseynovun sədrliyi ilə keçirilən prosesdə dövlət ittihamçısı ittiham aktını elan edib.  İttihama görə, Akif Osmanov 2013-cü ildə iki nəfər tanışı - Elşad Cəfərov və Cavid Ağcəbəyovla birgə Gəncə hava limanından Türkiyəyə, oradan isə Suriyaya gedib. Suriyanın Artma şəhərində xüsusi hazırlıq düşərgəsində təlimlər keçib, odlu silah və partlayıcı maddələrdən istifadə qaydalarını mənimsəyib, radikalizm və dini düşmənçilik zəminində “Azəri Camaatı” adlı qanunsuz silahlı qruplaşmanın fəaliyyətində iştirak edib. Qrup üzvləri ilə birlikdə “Şeyx Süleyman”...
Məhkəmə

İşgəncə verməkdə təqsirləndirilən şəxs: “Bu, cəza deyildi, müalicə üsulu idi”

Leyli Cəfərova
3 Fevral 2023

Açıq mənbələrdən götürülüb

“Nyu Layf” reabilitasiya mərkəzində narkomaniyadan əziyyət çəkən şəxslərə işgəncə verməkdə, onlardan biri Hüseyn Məmmədovun ölümündə təqsirləndirilən mərkəzin məsləhətçisi Fərhad Əliyevin məhkəməsi başlayıb.  Məhkəmə iclasına hakim Faiq Qəniyev sədrlik edir.   Bu iş üzrə hələ yayda Orucəli Heydərovun, Elvüsal Hüseynovun, Famil Rzayevin, Sərxan Əliyevin, Qənbər Həsənovun məhkəməsi başlamışdı və hazırda da davam edir.  O iş hakim Rasim Sadlqovun icraatındadır. Fərhad Əliyevin cinayət işi isə hələ ibtidai istintaq dövründə digərlərinin işindən ayrılaraq başqa icraata verilmişdi. Hazırda Fərhad Əliyevin məhkəməyə ruhi xəstəxanadan gətirildiyi deyilir.     İbtidai istintaqın gəldiyi nəticəyə görə, Fərhad Əliyev mərkəzin rəhbəri Orucəli Heydərov, mərkəzin işçiləri - Elvüsal Hüseynov, Famil...

Seçilmiş Videolar

Toplum TV loqo