Məhkəmə

“MTN işi”ndə prokuror: Rütbələri əllərindən alınsın, əmlakları müsadirə olunsun

Leyli Cəfərova
26 İyul, 2022
450

Açıq mənbələrdən götürülüb

Bir aylıq fasilədən sonra - iyulun 26-da Bakı Hərbi Məhkəməsində Milli Təhlükəsizlik Nazirliyinin (2015-ci ildən Dövlət Təhlükəsizlik Xidməti – red.) İstintaq Baş İdarəsinin sabiq rəisi Mövlam Şıxəliyevin, istintaq idarəsinin rəis müavini, birinci şöbənin rəisi Yasin Məmmədovun, istintaq idarəsinin ikinci şöbəsinin rəisi, polkovnik Vüsal Ələkbərovun və istintaq idarəsinin metodiki yardım və kriminalistika şöbəsinin rəis müavini Sahib Ələkbərovun məhkəməsi davam edib.

Məhkəmə iclası başlayan kimi hakim Elbəy Allahverdiyev istintaqın yekunlaşdığını elan edib, məhkəmə çıxışı üçün sözü dövlət ittihamçısına verib.

Dövlət ittihamçısı Vüsal Əliyev təqsirlənirilən şəxslərə verilən ittihamların 10 aya yaxın davam edən məhkəmədə zərərçəkmiş və şahid ifadələriylə sübuta yetirildiyini bildirib. O, Mövlam Şıxəliyevə 14, Vüsal Ələkbərovla Yasin Məmmədova 12, Sahib Ələkbərova 10 il həbs cəzası istəyib. Bundan başqa, prokuror təqsirləndirilən şəxslərin rütbələrinin əllərindən alınmasını, əmlaklarının müsadirə olunmasını də tələb edib.

Mövlam Şıxəliyevdən başqa, digər üç təqsirləndirilən şəxs həm ibtidai istintaq, həm də məhkəmə dövründə zamində olublar.

Məhkəmə iclası iyulun 30-da davam edəcək.

Mövlam Şıxəliyev 2021-ci ilin aprelində həbs olunub. Keçmiş MTN vəzifəliləri ümumilikdə 14 milyon 292 min manat rüşvət almaqda, hədə-qorxu ilə başqalarının 5 milyon 77 min manatlıq pulunu, əmlakını ələ keçirməkdə ittiham olunurlar.

Onlara qarşı Cinayət Məcəlləsinin 182 (hədə-qorxu ilə tələb etmə), 294 (sübutları saxtalaşdırma), 311 (rüşvət alma) və 341-ci (vəzifə səlahiyyətlərindən sui-istifadə etmə) maddələrilə ittiham irəli sürülüb.

Təqsirləndirilən Vüsal Ələkbərov bundan əvvəl 2015-ci ildə hədə-qorxu ilə tələb etmə, rüşvət alma və başqa əməllərdə təqsirli bilinərək, Bakı Hərbi Məhkəməsinin hökmü ilə 12 il azadlıqdan məhrum edilmişdi. Bakı Apelyasiya Məhkəməsi onun cəzasını 5 ilə endirmişdi.

Təqsirləndirilən Yasin Məmmədov MSK-nın keçmiş sədr müavini Natiq Məmmədovun qardaşıdır.

Sabiq MTN-çilər iş adamlarının əmlaklarını hədə-qorxu ilə əllərindən almaqda, onları qanunsuz şəkildə günlərlə MTN-də saxlamaqda, saxta ittihamlarla cinayət məsuliyyətinə cəlb etməkdə təqsirləndirilir. Amma onların heç biri ittihamları qəbul etmir.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Məhkəmə

Mənimsəmədə ittiham olunan bələdiyyə sədrləri məhkəmə qarşısına çıxarılır  

Esmira Cavadova
31 May 2023

Açıq mənbələrdən götürülüb

Ağstafanın Dağkəsəmən bələdiyyəsinin keçmiş sədri Ariz Bayramov və Neftçalanın keçmiş bələdiyyə sədri Rövşən Quliyev məhkəmə qarşısına çıxarılır. Onlar ötən il həbs olunublar. Hər ikisi vəzifə saxtakarlığında, vəzifə səlahiyyətlərindən sui-istifadə etməkdə təqsirləndirilir.     Məsələn, Ariz Bayramova qarşı irəli sürülmüş ittihama görə o, 2019-2022-ci illər ərzində bələdiyyə sədri vəzifəsində işləyərkən kənd yollarının təmiri üçün xərcləri sənədlərdə şişirdib. Bundan başqa, bələdiyyə vəsaitləri hesabına kənd sakinlərinə maddi yardım verilməsi barədə sənədlərə yalan məlumatlar daxil edib. Ariz Bayramov Ağstafa rayon Məhkəməsi tərəfindən mühakimə olunacaq.   https://toplum.tv/mehkeme/pnarkotik-ticaretinde-ittiham-olunan-ilahiyyatccedilinin-isi-agir-cinayetlere-goumlnderilibp   Rövşən Quliyev də oxşar maddələrlə ittiham olunur. Belə ki, ötən ilin oktyabrında Neftçala rayon Prokurorluğunda Neftçala bələdiyyəsində...
Məhkəmə

“Müsəlman Birliyi”nin fəalı 1 il qapalı həbsxanada qalacaq  

Esmira Cavadova
31 May 2023

Açıq mənbələrdən götürülüb

Bakı Apellyasiya Məhkəməsində hakim İlqar Murquzovun sədrliyi ilə siyasi məhbus Abbas Hüseynin məhkəmə prosesi keçirilib. Məhkəmə Abbas Hüseynin 1 illik Qobustan həbsxanasına köçürülməsi ilə bağlı Nizami rayon Məhkəməsinin qərarını qüvvədə saxlayıb.      Bu il aprelin 27-də 1 saylı Cəzaçəkmə müəssisəsinin rəhbərinin təqdimatı əsasında Bakının Nizami Rayon Məhkəməsi Abbas Hüseynin 1 il müddətinə Qobustan qapalı həbsxanasına köçürülməsi barədə qərar qəbul edib. Abbas Hüseynin müdafiəçiləri məhkəmənin bu qərarından apellyasiya şikayəti verdiyi üçün o, mayın 18-də 1 saylı Bakı İstintaq Təcridxansına köçürülüb.   https://toplum.tv/mehkeme/pquotmuumlselman-birliyiquot-herekatinin-uumlzvuuml-isgenceye-meruz-qaldigini-bildirirp   Bir neçə gün əvvəl Abbas Hüseynin sosial şəbəkələrdə audio müraciəti yayılmışdı. O, saxlanıldığı Cəzaçəkmə Müəssisəsində həyatına hər...

Seçilmiş Videolar

Toplum TV loqo