Fevralın 24-də Bakı Apellyasiya Məhkəməsində “Baku Steel Company”nin keçmiş sahibi Rasim Məmmədovun apellyasiya şikayəti üzrə məhkəmə başlayıb. Ancaq məhkəmə iclası elə ilk gündə təxirə düşüb. Toplum TV xəbər verir ki, səbəb Rasim Məmmədovun və onun vəkillərinin protokollarla tanışlıq üçün qaldırdığı vəsatət olub.  
 
Məhkəmə iclasına hakim Habil Məmmədov sədrlik edir. Rasim Məmmədov apellyasiya şikayətində bəraət tələb edir və Bakı Ağır Cinayətlər Məhkəməsinin hökmüylə müsadirə edilmiş əmlaklarını geri istəyir. Bakı Apellyasiya Məhkəməsində başlayan məhkəmə iclasında vəkillər çıxış edərək bildiriblər ki, birinci instansiya məhkəməsi tələblərə baxmayaraq, aylarla davam etmiş məhkəmə iclaslarının protokollarıyla tanışlıq üçün şərait yaratmayıb. Vəkillər bildiriblər ki, protokollarla tanış olmadan müvəkkilin müdafiəsini qurmaqda çətinliklər yaranır. Hakim vəsatəti təmin edib. Vəkillərin məhkəmə iclaslarının protokollarıyla tanışlığı üçün işi Bakı Ağır Cinayətlər Məhkəməsinə qaytarıb. Buna görə də məhkəmə iclası qeyri-müəyyən vaxtadək təxirə salınıb.  

https://toplum.tv/mehkeme/pldquomehsulrdquo-stadionunun-direktoru-stadionu-satmaqla-teqsirlendirilirnbspp
 
İki il əvvəl Rasim Məmmədova qarşı Cinayət Məcəlləsinin 308.2 (ağır nəticələrə səbəb olan vəzifə səlahiyyətlərindən sui-istifadə), 179.4 (xüsusilə külli miqdarda ziyan vurmaqla mənimsəmə və ya israf etmə), 178.3.2-ci (külli miqdarda ziyan vurmaqla dələduzluq) maddələrilə ittiham verilib. 

O, 2021-ci ilin yanvarından həbsdədir. O, Dövlət Təhlükəsizliyi Xidmətinin (DTX) istintaq təcridxanasında saxlanılır. 

Rasim Məmmədov “Baku Steel Company” MMC-nin Müşahidə Şurasının sədri kimi, vəzifə səlahiyyətlərindən sui-istifadə edib, müəssisənin külli miqdarda pulunu mənimsəməkdə və israf etməkdə ittiham olunur. Cinayət işində 13 milyon 200 min manatın mənimsənilməsi, 42 milyon manatlıq məhsulun israf edilməsindən söhbət gedir. Cinayət işi üzrə dəymiş ziyan 185 milyon manat hesablanıb. Ötən ilin dekabrında Bakı Ağlr Vinayətlər Məhkəməsində davam edən 4 aylıq məhkəmənin sonunda 14 il müddətinə azadlıqdan məhrum edilib.  
 
Onun vəkili Elçin Sadıqov hələ məhkəmənin ilk iclasında Bəylər Əyyubovun və qardaşının, həmçinin Ramiz Mehdiyevin məhkəmədə dindirilməsi üçün vəsatət qaldırdıqdan sonra DTX tərəfindən həbs edilib. Sonradan ev dustaqlığına buraxılıb.