Məhkəmə

Məhkəmə - Dövlətə xəyanət, çağırış, irqi düşmənçilik ittihamları...

Leyli Cəfərova
28 Dekabr, 2022
415

Bakı Ağır Cinayətlər Məhkəməsində Hacı Paşayevin məhkəməsinə hazırlıq iclası keçirilib. Məhkəmə iclasına hakim Telman Hüseynov sədrlik edir.

Hacı Paşayev Cinayət Məcəlləsinin 274-cü (dövlətə xəyanət), 281-ci (dövlət əleyhinə yönəlmiş açıq çağırışlar etmək), 283-cü (milli, irqi, sosial və ya dini nifrət və düşmənçiliyin salınması) maddələriylə təqsirləndirilir. Hacı Paşayevi bir müddət əvvəl DTX həbs edib və həmin qurumun istintaq təcridxanasında saxlanılıb.

Hakim təqsirləndirilən şəxsdən ittiham aktını alıb-almamasıyla bağlı maraqlanıb.

Hakim: - Məhkəmə sizə ittiham aktı göndərib, almısızmı?

Təqsirləndirilən şəxs: - Yox, imtina etmişəm.

Hakim: - Niyə?

Təqsirləndirilən şəxs: - İstəmədim ki, mənimlə saxlanılan başqa dustaqlar nədə ittiham olunduğumu bilsinlər.

Hakim: - İttiham aktıyla tanış olmalısınız ki, məlumatlı olasınız,  məhkəmədə öz müdafiənizi qura biləsiniz.

Hakim təqsirləndirilən şəxsə hüquqlarını sadalayandan sonra bildirib ki, DTX-dan gələn məktubda onun məhkəmə binasından Bakı İstintaq Təcridxanasına köçürülməsi xahiş edilib. Hacı Paşayev deyib ki, o, bir müddətdir ki, Penitensiar Xidmətin Müalicə Müəssisəsində müalicə olunur. 

Hacı Paşayevin vəkili olmadığına görə məhkəmə ona dövlət hesabına vəkil təyin edib.

Məhkəmə iclasları açıq keçiriləcək. Hakim məhkəmə baxışını  yanvarın 12-nə təyin edib.

30 yaşlı Hacı Paşayevin konkret hansı əməl törətdiyi ilə bağlı məlumat yoxdur. Baxmayaraq ki, onu DTX həbs edib və kifayət qədər ciddi maddələrlə ittiham olunur, DTX bu həbslə bağlı hər hansı məlumat yaymayıb.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Məhkəmə

Keçmiş siyasi mühacir: “Polis çağırdım, cibimə bıçaq qoydular”

Leyli Cəfərova
1 Fevral 2023
Fevralın 1-də Bakı Ağır Cinayətlər Məhkəməsində Samir Aşurovun məhkəməsi nəhayət baş tutub. Aylardır məhkəmə iclasları hər dəfə zərərçəkmiş Elşən Nəbiyevin gəlməməsi üzündən təxirə salınırdı. Söhbət 2021-ci ilin martında Almaniyadan deportasiya ediləndən bir ay sonra Bakıda xəsarət yetirmə maddəsiylə həbs olunan siyasi fəaldan gedir. İttihama görə, Samir Aşurov 2021-ci il aprelin 19-da Nizami rayonu ərazisində yolla gedərkən Elşən Nəbiyev adlı şəxslə çiyin-çiyinə toqquşub. Bundan sonra onların arasında mübahisə yaranıb. Samir Aşurov Elşən Nəbiyevi döyüb, sonra da üstündəki bıçaqla xəsarət yetirib. Bu gün ifadə verən Aşurov məhkəmənin nəzərinə çatdırıb ki, qeyd olunan tarixdə axşam saatlarında metronun "Neftçilər” stansiyasının yaxınlığında bir nəfər qışqıra-qışqıra ona...
Məhkəmə

Alimpaşa Məmmədov: “Bu adamları təyin edəndə demişəm ki…”

Leyli Cəfərova
1 Fevral 2023
Gəncə Ağır Cinayətlər Məhkəməsində Şəmkirin keçmiş icra başçısı Alimpaşa Məmmədovun məhkəməsi davam edir. Yanvarın 31-də məhkəmə yenə xeyli sayda şahid dindirib. İstintaqın gəldiyi nəticəyə görə, Şəmkirdə əhalinin siyahıya alınmasında iştirak etmiş dövlət qurumlarının işçilərinə buna görə pul ödənilib və həmin ödəmələr onlardan toplanaraq Alimpaşa Məmmədova ötürülürmüş. Bağça müdirəsi: “Elə bildik o pul dövlətə qaytarılır” Şəmkirdəki 8 saylı uşaq bağçasının keçmiş müdirəsi Validə Şükürova ifadə verib: “Siyahıyaalmadan əvvəl deyildi ki, pul veriləcək. İşləyən iki nəfər pulu aldı, işləməyən altı nəfərin pulunu - 1188 manatı alıb verdik Pərvin Gözəlova. Elə bildik o pul dövlətə qaytarılır. Biz onun göstərişlərini yerinə yetirirdik, çünki icra...

Seçilmiş Videolar

Toplum TV loqo