Məhkəmə

Məhkəmə: Dövlətə xəyanətdə təqsirləndirilən Behişti özünü təqsirli bilmir 

30 Noyabr, 2023
263

Hacı Əli Behişti

“Deyirlər, Məclisin İranda dayaqları var, yalandır. Heç yerdə sahibimiz, dayağımız olmayıb. Yığışırdıq, gündəlik həyatdan, ibadətdən danışırdıq, dağılışırdıq”. 

Bunu “Behişti” ləqəbli Əli Əliyevin məhkəməsində noyabrın 29-da şahid qismində dindirilmiş Yaşar Əliyev deyib.

Bakı Ağır Cinayətlər Məhkəməsində dövlətə xəyanətdə ittiham olunan Əli Əliyevin (Hacı Əli Behişti) məhkəməsi yeni başlayıb. Bu iş hakim Azər Tağıyevin icraatındadır. 

İttiham 

Əli Əliyev Bakının Binə qəsəbəsinin sakinidir. Bu ilin aprelində həbs olunub. Ona Cinayət Məcəlləsinin 274-cü (Dövlətə xəyanət) maddəsi üzrə cinayət işi qaldırılıb. İttihamsa bundan ibarətdir ki, o, 16 il əvvəl İranın Qum şəhərində həmin ölkənin xüsusi xidmət orqanı SEPAH-la əməkdaşlıq barədə razılığa gəlib. 2007-2014-cü illərdə Bakının Binə, Maştağa, Nardaran ərazilərindəki məscidlərdə olaraq İrana yaxınlığı ilə seçilən şəxslər barədə məlumatlar toplayıb, SEPAH-a ötürüb. Bunun müqabilində SEPAH-dan 2007-ci ildə 3 min, 2008-ci ildə 3 min, 2009-cu ildə 3 min, 2010-cu ildə 2 min, 2011-ci ildə 2 min, 2012-ci ildə 1500, 2013-cü ildə 1000 dollar alıb. 

Məhkəmə 

Noyabrın 29-da keçirilən məhkəmədə Behişti bildirib ki, ittihamlar quramadır, bunu səbəb gətirərək ifadə verməkdən imtina edib. Məhkəmə şahidlərin dindirilməsinə keçib. Əvvəlcə Rasim Niftullayev ifadə verib. O, sözə Behiştiylə tanışlığından başlayıb: “10 il Qumda dini təhsil almışam. Behiştiylə də orda tanış olmuşuq. Orada təhsil alanların hərəsinə bir təxəllüs verilirdi. Həmin təxəllüs orada soyad kimi istifadə edilirdi. Məsələn, özündən və bir-iki yaxınından başqa heç kim təhsil alanın əsl ad-soyadını bilmirdi, hamı ona təxəllüsüylə müraciət edirdi. Əliyə də hamı “Behişti” deyə müraciət edirdi. Azərbaycana qayıdandan sonra hacı (Əli Əliyev) ilə əlaqələrimiz davam etdi. Bir-birimizin evinə gedib-gəlirdik, telefonla əlaqə saxlayırdıq. Mövzularımız da əsasən din, ibadət olurdu. Biz ikimiz də camaat içində ruhani kimi tanınırdıq.  

https://toplum.tv/mehkeme/pmehkemede-belediyye-sedrine-beraet-istenilibnbspp

Təqsirləndirilən şəxs: Bizim icmamız da var - Azərbaycan Ruhanilər Məclisi... Adı belədir. Biz orda adətən din, ibadət söhbətləri edirdik. 

Sonra qismində Yaşar Əliyev ifadə verib. O da Behiştini uzun illərdir tanıdığını bildirib: “İran İslam Respublikasının Qum şəhərində dini təhsil alarkən tanış olmuşuq. Azərbaycanda İslam Universitetini bitirəndən sonra İrana təhsil üçün getmişəm. Yaş fərqimiz çox olduğu üçün təhsil aldığımız zaman kənarda görüşürdük. Təhsilimi bitirib gələndən sonra da əlaqəmiz qalmışdı. Azərbaycan Ruhanilər Məclisinin üzvüyəm”. 

Şahid bildirib ki, Azərbaycan Ruhanilər Məclisinin İran İslam Respublikasında dayaqları olması barədə iddialar əsassızdır: “Bu Məclisi özümüz qurmuşduq. Deyirlər, Məclisin İranda dayaqları var, yalandır. Heç yerdə sahibimiz, dayağımız olmayıb. Yığışırdıq, gündəlik həyatdan, ibadətdən danışırdıq, dağılışırdıq”. 

Məhkəmə iclası dekabrın 7-də şahidlərin dindirilməsi ilə davam edəcək.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Məhkəmə

Qan xərçəngindən əziyyət çəkən uşaqlara görə yığılmış pulların aqibəti necə oldu? 

29 Fevral 2024

Açıq mənbələrdən götürülüb

Bakı Ağır Cinayətlər Məhkəməsində Nuridə Seyidovanın, Aynur Bayramovanın və Aysel Məmmədovanın məhkəməsi başlayıb.  Məhkəmə iclasına hakim Azad Məcidov sədrlik edir. Bu xanımlar talassemiyalı uşaqların xaricdə müalicəsi adı altında ayrı-ayrı vətəndaşlardan alınmış ümumilikdə 1 milyon manat civarında pulu dələduzluq yolu ilə ələ keçirməkdə təqsirləndirilirlər. Xanımlara qarşı Cinayət Məcəlləsinin külli miqdarda ziyan vurmaqla dələduzluğa görə 178.3.2-ci maddəsi ilə ittiham irəli sürülüb. Hər şey ondan başlayıb ki, ötən ilin fevralında bir qrup vətəndaş “Urmedhelp” və “My Doc Tour Medical Tourism” şirkətlərinin sahibi Nuridə Seyidovadan, Aynur Bayramovadan, Aysel Məmmədovadan Prezidentə və Vitse-Prezidentə, Ombudsmana və başqa hüquq-mühafizə orqanlarına şikayətçi düşüb. Məsələn, 10 yaşlı övladı qan...
Məhkəmə

“Tərtər mollaları” işi üzrə məhkəmə davam edir 

28 Fevral 2024

Açıq mənbələrdən götürülüb

Bakı Ağır Cinayətlər Məhkəməsində Xəqani Məmmədov, Sənan Məmmədov, İqbal Axundov, Arif Cümşüdov, Tərzan Qaraşov və Anar İsayevin cinayət işi üzrə məhkəmə prosesi keçirilir. Məhkəmə iclasına Şəlalə Həsənova sədrlik edir. İbtidai istintaqın qənaətinə görə, bu şəxslər Azərbaycanda “Kərimə” dövləti qurmaq istəyən dəstə üzvləri olub. Mühakimə olunanlar Tərtər rayonundan olduqlarından və orada dini mərasimlərdə mollalıq etdiklərindən işə şərti olaraq “Tərtər mollaları” adı verilib.   Təqsirləndirilən şəxslərin bəzilərinə Cinayət Məcəlləsinin 274-cü (dövlətə xəyanət) maddəsiylə yanaşı 234-cü maddə də verilib.  İttiham aktında qeyd olunur ki, İranda yaşayan, həmin ölkənin xüsusi xidmət orqanları ilə əməkdaşlıq edən Rufulla Axundzadə və Bəxtiyar Bayramov Tərtər rayon sakini Arif...

Seçilmiş Videolar

Toplum TV loqo