Məhkəmə

MTN işi: Mövlam Şıxəliyev iranlı casusun prezidentə sui-qəsd cəhdindən danışdı

30 Yanvar, 2023
249

“Biz prezidentə sui-qəsdin qarşısını almışdıq. Heydər Əliyev mərkəzinin qarşısında iranlı casus ev kirayələmişdi, yüksək dəqiqliklə vuran snayperlə prezidentə sui-qəsd hazırlanmışdı. Vüsal Ələkbərov və Sahib Ələkbərovun sayıqlığı nəticəsində onun qarşısı alındı. O, uzunmüddətli həbsə göndərildi”.

Bunu yanvarın 30-da ləğv edilmiş Milli Təhlükəsizlik Nazirliyinin  İstintaq Baş İdarəsinin keçmiş rəisi general-mayor Mövlam Şıxəliyev Bakı Apelyasiya Məhkəməsində keçirilən apelyasiya şikayəti üzrə məhkəmə prosesindəki çıxışında deyib.

“Hacı Məmmədovun dəstəsi Bakıya vəlvələ salmışdı. Biz necə çətinliklə onun qarşısını aldıq”

Keçmiş rəislə bərabər müttəhimlər kürsüsünə 2-ci şöbənin rəisi Vüsal Ələkbərov, İbtidai istintaq idarəsinin rəis müavini Yasin Məmmədov və şöbə rəisinin müavini olmuş Sahib Ələkbərov çıxarılıblar. Onlar məhkəmə salonunda şüşə qəfəsə salınmaqla prosesdə iştirak edirlər.

“Hacı Məmmədovun dəstəsi Bakıya vəlvələ salmışdı, 12 qətl hadisəsi törətmişdi. Biz necə çətinliklə onun qarşısını aldıq. Elmar Hüseynovun qatillərini aşkarladıq. Tahir Xubanov, Teymuraz Əliyev, Serxio... Biz bu işlərə görə almışıq o rütbələri, orden və medalları. Bir cümlə ilə yazırlar ki, alınsın o rütbələr, orden və medallar...”, -Mövlam Şıxəliyev orden və medallarının, hərbi rütbələrinin geri alınmasından danışarkən belə söyləyib.

“Cinayət işində heç bir sübutun olmadığını hakim Elbəy Allahverdiyev şəxsən prosesdən sonra bildirmişdi və...”

O, ittiham olunduğu epizodları sadalayaraq heç bir epizod üzrə günahının olmadığını məhkəmə heyətinin diqqətinə çatdırıb. Keçmiş MTN-çi bildirib ki, Bakı Hərbi Məhkəməsində Elbəy Allahverdiyevin sədrliyi, hakimlər Camal Ramazanovun və Aslan Kalbalıyevin iştirakı ilə barəsində çıxarılan hökm ehtimallar, sübutsuz ittiham aktının surətinin hökmə köçürülməsi ilə verilib:

“Cinayət işində heç bir sübutun olmadığını hakim Elbəy Allahverdiyev şəxsən prosesdən sonra bildirmiş və qeyd etmişdi ki, işi olduğu kimi məruzə edəcək, lakin necə göstəriş veriləcəyini bilmir. Nəticədə ehtimallar, fərziyyələr əsasında hökm çıxarıldı. İstintaqçı tərəfindən tərtib edilmiş ittiham aktını hökmə köçürtməklə hökm verdi”. 

Onun sözlərinə görə, məhkəmə istintaqı zamanı verilmiş ifadələri, təqdim etdiyi sübutların heç biri barədə hökmdə yazmadan, qiymət vermədən, ittiham aktı hökm kimi elan edilib.

M.Şıxəliyev deyir ki, prokuror son çıxışında heç bir epizod üzrə sübut təqdim etməyib, yalnız 2 halı göstərməklə onu təqsirli bilib.  

“Mən müstəntiqlər barədə Baş Prokurorluğa vəsatətlər yazmalı idim və yazmamışam. İkincisi isə mən yüksək rütbəli idim, ona görə ehtimal var ki, müstəntiqlər mənim sözümdən çıxa bilməyiblər. Bundan başqa heç nə təqdim etmədi. Mən prokurora müraciət etdim ki, bir epizod üzrə də olsa sübut təqdim edin, lakin o susmaqla kifayətləndi. Məhkəmə prosesindən sonra isə mənə yaxınlaşaraq bildirdi ki, bilirəm sübutlar yoxdur, amma mən buna görə əmək haqqı alıram, ittihamı müdafiə etməliyəm. Mən ona bildirdim ki,  CPM-nin 85.6-cı maddəsində mənim vəsatət yazmaq səlahiyyətim yoxdur. İbtidai araşdırmanın prosessual rəhbəri prokurordur və CPM-nin 84.2.2-ci maddəsi ilə tənzimlənib. İkicisi biz istintaq sahəsındəyık, müstəntiqlər də sərbəst prosessual şəxslərdir və rütbənin rolunu əsas gətirib, məni ittiham etməyin. Çox təəssüflər olsun ki, məhkəmə istintaqı zamanı baş verənlərin heç biri hökmdə qeyd edilməmiş və vəsatətimə baxılmayıb.

Hörmətli hakimlər, hökmdə heç bir sübut göstərilmədən qeyd edilib ki, mənim etirafedici ifadəmə əsasən ittiham sübuta yetirilmiş hesab edilməlidir. Hansı ifadəmdir etirafedici ifadə?..”

Keçmiş MTN-çi deyib ki, ona qarşı 32 epizod üzrə ittiham irəli sürülüb, ancaq bu epizodların heç biri üzrə prokurorluq bircə mötəbər sübut ortaya qoymayıb. O, verilən ittihamların heç birini qəbul etmədiyini, özünü qətiyyən təqsirli bilmədiyini bildirib:

“İttihamı elə yazıblar ki, sanki istintaq qrupunun üzvləri bizimlə oturub, görüb ki, mən öz işçilərimi necə yığıram, necə rüşvət alıram. Halbuki belə şey olmayıb. Qanunda da yazılıb ki, prosessual rəhbərliyi prokuror həyata keçirir. İstəmirəm, jurnalistlər gedib yazsınlar ki, Mövlam Şıxəliyev hər şeyi prokurorluğun üstünə atdı. Mənə nə baş prokuror, nə də Rüstəm Usubov qanunsuz göstəriş verib. Mənim təqsirim yoxdur”.

“O əmlakı Ramiz Mehdiyevin kürəkəni İlham Əliyev alıb”

O hesab edir ki, “MTN işi” üzrə baş prokuror Kamran Əliyev və onun birinci müavininə də yalan məlumat verib, onları aldadıblar:

“İnanmıram ki, əks halda, Kamran müəllim bu işə qol qoyaydı. İttihamda yazıblar ki, guya mənə 2008-ci ildə general rütbəsi almağım münasibətilə “Vertu” telefonu verilib. Halbuki mən bu rütbəni 2010-cu ildə almışam. Bunu belə araşdırmadan ittihama yazıblar. Yaxud da guya mən 28 May küçəsində evimdə rüşvət almışam, bunu görüblər. Halbuki mən 28 May küçəsində yaşamıram, mənim evim Nizami küçəsindədir, maliyyə naziri Samir Şərifovla qapı qonşuyuq. Əgər kimlərəsə mənim həbsim lazımdırsa, daha bu adamları (digər 3 təqsirləndirilən şəxsi nəzərdə tutur – red.) niyə tutursuz? “Texnikabank”ın keçmiş rəhbəri Etibar Əliyevin əmlakının alınması ilə bağlı mənə ittiham verilib. Tamamilə yalandır. Onun əmlakı necə satılıb, niyə araşdırılmadı? O əmlakı Eldar Ələkbərov adlı şəxs alıb, pulu verilib, ondan sonra da Ramiz Mehdiyevin kürəkəni İlham Əliyev alıb. Mənə nə aidiyyatı var bu məsələnin ki, mənə ittiham verilib?”

“Əgər siz xəyanət etməsəydiz, prezident MTN-ni dağıtmazdı”

Məhkəmədə Mövlam Şıxəliyevlə zərərçəkmişlərdən Hüseyn Səfərov arasında mübahisə yaranıb. Zərərçəkən keçmiş MTN-çini yalan danışmaqda ittiham edib. Deyib ki, o, dövlətə xidmət eləməyib, xəyanət edib:

“Əgər siz xəyanət etməsəydiz, prezident MTN-ni dağıtmazdı, səni nazirini də qovmazdı. Bu gün də siz özününzü müdafiə etmək üçün yalan danışırsız. Kişisən, düzünü de”.

Hakim müdaxilə edərək Hüseyn Səfərovu sakitləşdirməyə çalışıb.

Zərərçəkən isə deyib ki, Mövlam Şıxəliyev yalan danışdıqca, o da fikirlərini deyəcək.

Mövlam Şıxəliyev Bakı Hərbi Məhkəməsinin hökmü ilə müsadirə olunmuş əmlakının geri qaytarılmasını da tələb edir. Onun sözlərinə görə, həmin əmlakın bir qismi ailə üzvlərinə vərəsəlik əsasında keçib: “1953-cü ildə babamdan qalmış evi də müsadirə ediblər. Yaxud qızım 2004-cü ildə ailə qurub, 2014-cü ildə həyat yoldaşıyla birlikdə mənzil alıblar, həmin əmlakı da müsadirə ediblər...”

Fevralın 6-da keçiriləcək növbəti məhkəmə iclasında digər keçmiş MTN-çilər çıxış edəcək.

Adları çəkilən sabiq MTN-çilərdən Mövlam Şıxəliyev 2021-ci ilin aprelindən həbsdədir. Sentyabrın 21-də Bakı Hərbi Məhkəməsində hökm oxunanda digər üç nəfər də məhkəmə zalında həbs edilib. Mövlam Şıxəliyev 12 il, Vüsal Ələkbərov 11 il 2 ay, Yasin Məmmədov 10 il 6 ay, Sahib Ələkbərov isə 8 il azadlıqdan məhrum olunub.

Cinayət işində ümumilikdə 14 milyon 292 min manat rüşvətdən, hədə-qorxu ilə adamların 5 milyon 77 min manatının ələ keçirilməsindən söhbət gedir.

Sabiq MTN-çilərin heç biri bu ittihamları qəbul etmir, özlərini təqsirli bilmirlər. Deyirlər ki, bu işləri özbaşına eləyə bilməzdilər, kiminsə haqqında cinayət işi başlanması, yaxud həbsdən buraxılması üçün mütləq prokurorluğun yazılı razılığı olmalıydı. Onlar keçmiş Baş prokuror Zakir Qaralov və onun birinci müavini olmuş Rüstəm Usubovun məhkəməyə çağırılıb dindirilməsini də tələb edirdilər.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Məhkəmə

Qan xərçəngindən əziyyət çəkən uşaqlara görə yığılmış pulların aqibəti necə oldu? 

29 Fevral 2024

Açıq mənbələrdən götürülüb

Bakı Ağır Cinayətlər Məhkəməsində Nuridə Seyidovanın, Aynur Bayramovanın və Aysel Məmmədovanın məhkəməsi başlayıb.  Məhkəmə iclasına hakim Azad Məcidov sədrlik edir. Bu xanımlar talassemiyalı uşaqların xaricdə müalicəsi adı altında ayrı-ayrı vətəndaşlardan alınmış ümumilikdə 1 milyon manat civarında pulu dələduzluq yolu ilə ələ keçirməkdə təqsirləndirilirlər. Xanımlara qarşı Cinayət Məcəlləsinin külli miqdarda ziyan vurmaqla dələduzluğa görə 178.3.2-ci maddəsi ilə ittiham irəli sürülüb. Hər şey ondan başlayıb ki, ötən ilin fevralında bir qrup vətəndaş “Urmedhelp” və “My Doc Tour Medical Tourism” şirkətlərinin sahibi Nuridə Seyidovadan, Aynur Bayramovadan, Aysel Məmmədovadan Prezidentə və Vitse-Prezidentə, Ombudsmana və başqa hüquq-mühafizə orqanlarına şikayətçi düşüb. Məsələn, 10 yaşlı övladı qan...
Məhkəmə

“Tərtər mollaları” işi üzrə məhkəmə davam edir 

28 Fevral 2024

Açıq mənbələrdən götürülüb

Bakı Ağır Cinayətlər Məhkəməsində Xəqani Məmmədov, Sənan Məmmədov, İqbal Axundov, Arif Cümşüdov, Tərzan Qaraşov və Anar İsayevin cinayət işi üzrə məhkəmə prosesi keçirilir. Məhkəmə iclasına Şəlalə Həsənova sədrlik edir. İbtidai istintaqın qənaətinə görə, bu şəxslər Azərbaycanda “Kərimə” dövləti qurmaq istəyən dəstə üzvləri olub. Mühakimə olunanlar Tərtər rayonundan olduqlarından və orada dini mərasimlərdə mollalıq etdiklərindən işə şərti olaraq “Tərtər mollaları” adı verilib.   Təqsirləndirilən şəxslərin bəzilərinə Cinayət Məcəlləsinin 274-cü (dövlətə xəyanət) maddəsiylə yanaşı 234-cü maddə də verilib.  İttiham aktında qeyd olunur ki, İranda yaşayan, həmin ölkənin xüsusi xidmət orqanları ilə əməkdaşlıq edən Rufulla Axundzadə və Bəxtiyar Bayramov Tərtər rayon sakini Arif...

Seçilmiş Videolar

Toplum TV loqo