Məhkəmə

Bakıdakı reabilitasiya mərkəzində işgəncə iddiları: Şahidlər danışır

4 Noyabr, 2022
1350

Açıq mənbələrdən götürülüb

Bakı Ağır Cinayətlər Məhkəməsində Bakıdakı reabilitasiya mərkəzinin sahibi və işçilərinin məhkəməsi şahid ifadələriylə davam edir. Söhbət narkotik asılılıqdan xilas olmaq üçün Novxanıdakı “New life” reabilitasiya mərkəzinə yerləşdirilmiş Hüseyn Məmmədovun ölümüylə bağlı qurulmuş məhkəmədən gedir. Bir neçə aydır davam edən məhkəmədə mərkəzin həbsdə olan işçiləri deyir, Hüseyn hardansa narkotik tapıb, dozadan artıq istifadə edib, xəstəxanaya götürülüb, orada keçinib. Hüseynin ailəsi isə iddia edir ki, o, mərkəzdən qaçmaq istəyərkən işçilərin işgəncələri nəticəsində ölüb.

İndiyədək gələn şahidlərin bir qismi işgəncə olduğunu, bir qismi isə olmadığını bildiriblər. Bu şahidlər arasında reabilitasiya mərkəzinin keçmiş rezidentləri və orada işləyənlər olub. Keçmiş rezidentlərin bəziləri “12 addım” Proqramı üzrə aldıqları psixoloji yardımların müsbət nəticə verdiyini, bəziləri isə heç bir fayda vermədiyini, oradan buraxılandan sonra yenə narkotikə qayıtdıqlarını bildiriblər. Məsələn, sonuncu məhkəmə iclasında mərkəzin bir neçə ay rezidenti olmuş Taleh Abdullayev şahid ifadəsində göstərib ki, proqrama əməl etməsi  nəticəsində uzunmüddətli narkotik asılılığından tamamilə xilas olub.

Hakim: Hazırda tamam sağalmısınız?

Şahid: Əlbəttə. Ətrafım bilir ki, mənimçün narkotikdən müqəddəs heç nə yox idi. Əli baltalı gəzirdim, hamı məndən qaçırdı. Ora gedəndə həyatımın kökündən dəyişəcəyinə zərrə qədər də ümidim yox idi. Ancaq bunların “12 addım” dərsləriylə tamamilə başqa adama çevrildim.

https://toplum.tv/mehkeme/sahid-dustaq-olduguma-gore-mustentiq-ne-dedise-onu-yazdim

Prokuror: İbtidai istintaqa verdiyiniz ifadədə bildirmisiniz ki, bir-biriylə yola getməyən rezidentlərin qollarını bir-birinə bağlayırdılar. Ancaq indi deyirsiniz ki, işgəncə-filan görməmisiniz.

Şahid: İşgəncə üçün bağlamırdılar. Bu, Proqramın rezidentləri barışdırmaq üçün qaydalarından biri idi.

Sonra məhkəmə şahid qismində Ürfan Ağayevi dindirib. O, ifadəsində göstərib ki, illərlə narkotik istifadəçisi olub. Vaxtaşırı müxtəlif Mərkəzlərdə reabilitasiyalar keçsə də, asılılıqdan xilas ola bilməyib. 2019-cu ildə Maştağadakı özəl reabilitasiya mərkəzləridən birində reabilitasiya keçərkən hazırda müttəhimlər kürsüsündə oturanlarla tanış olub. Deməsinə görə, onlar da həmin mərkəzdə reabilitasiya keçirlərmiş. Elə oradaca qərara gəliblər ki, çıxandan sonra özləri bir reablitasiya mərkəzi yaratsınlar: “İdeya ruslardan gəlmişdi. Çıxdıq, Orucəligil əvvəlcə Nabranda yaratdılar. Mən onlara ilyarımdan sonra qoşulmuşam. Artıq Nabrandan Novxanıya gəlmişdilər, Novxanı bağlarında iki mərkəz açmışdılar. Könüllü kimi qoşulmuşdum, rəsmi maaş almırdım. Bizim aramızda hələ Maştağadan qardaşlıq yaranmışdı, pul lazım olanda deyirdim, verirdilər.

Hakim: Siz orda nə işləyirdiz?

Şahid: Kimyəvi asılılıq üzrə məsləhətçi...

Hakim: Hüseyn Məmmədovun başına gələnlərdən nə bilirsiniz?

Şahid: Mənim ev günlərimə düşürdü, həmin günlər işdə olmamışam. Evdə olanda Hüseynin atası zəng vurdu, dedi, Hüseyn xəstəxanadadır, vəziyyəti ağırdır, bilmirsən, nədən olub? Dedim, yox dayı, mən iki gündür növbədən çıxmışam, heç nədən xəbərim yoxdur.

Hakim: Hüseynə münasibət necə idi?

Şahid: Hadisədən bir həftə əvvəl görmüşdüm, heç nədən narazı deyildi.

Prokuror: Oradan qaçanlarla necə davranırdılar?

Şahid: Görməmişəm, belə bir halla qarşılaşmamışam.

Vəkil: Rezident istədiyi vaxt ordan çıxıb gedə bilərdi?

Şahid: Heç kəsi orda məcburi saxlamırdılar. Qapı da bağlı olmurdu.

Prokuror: Tabe olmayanlara nə tətbiq olunurdu?

Şahid: Mənim gözümün qabağında elə bir hal olmayıb ki, kimsə tabe olmasın, ona necə münasibət göstərildiyini görüm.

Prokuror: İşiniz nədən ibarət idi?

Şahid: Dedim axı, kimyəvi asılılıq üzrə dərs keçirdim.

Prokuror: Bu nə vəzifə idi ki?

Şahid: Bilmirəm, rusların verdiyi proqramda olan dərslərdən biridir. Mən özümdən icad etməmişəm.

Prokuror: Hüseynlə kim məşğul olurdu?

Şahid: Orada heç bir rezidentlə fərdi məşğul olmurdular, dərslər qrup şəklində aparılırdı.

Vəkillərdən biri: Proqram haqqında nə deyə bilərsiz?

Şahid: Mən bunu sizə necə izah edim axı. Bunun üçün gərək asılılığınız olsun ki, mən sizi başa sala bilim. Proqram deyir ki, böyüyəndən sonra başqalarına da kömək elə.

Şahid sorğulanandan sonra hakim Rasim Sadıqov  növbəti məhkəmə iclasını noyabrın 15-nə təyin edib.

İttihama görə, adıçəkilən müəssisədə narmomaniyadan psixoloji müalicə alan şəxslərə işgəncə verilməsi faktları aşkarlanıb. Rezidentlərdən biri  Hüseyn Məmmədov işgəncələrdən həyatını itirib. Daha üç zərərçəkmişsə Fuad Həsənov, Kamran Əliyev, Cahangir Əliyev adlı  keçmiş rezidentlərdir.

https://toplum.tv/mehkeme/tenderden-gelen-pullar-nece-yoxa-cixib-qadin-serlendiyini-iddia-edir

“New life” reabolitasiya mərkəzi Binəqədi rayonu, Novxanı qəsəbəsinin bağlar massivindəki evlərdən birində yerləşib. Araşdırmalar zamanı məlum olub ki, xeyli vaxt reklamı gedən, rezidentlərin gəldiyi mərkəzin ümumiyyətlə, lisenziyası yoxdur. Bu üzdən təqsirləndirilən 5 nəfərdən üçünə - Orucəli Əliheydərov, Elvüsal Hüseynov və Famil Rzayevə həm də qanunsuz sahibkarlıq ittihamı verilib. Qalan ikisi – Qənbər Həsənov və Sərxan Əliyev də daxil olmaqla, 5 nəfərin hamısı əzab vermə, qanunsuz azadlıqdan məhrumetmə kimi əməllərdə suçlanır.

Cinayət işinin materiallarında göstərilib ki, “Nyu Layf” reabilitasiya mərkəzində müalicə kursu keçən onlarla pasiyentin hər birindən 1500 manatdan 6600 manata qədər ödəniş alınıb.

Reabilitasiya prosesində bütün dünyada narkotik, alkoqol asılılığının müalicəsində tətbiq olunan “12 addım” proqramından yararlanıblar. Mərkəzdəki qaydalara, əmrlərə tabe olmayan şəxslərə qarşı zorakılıq edilib.

İttihama görə, Hüseyn Məmmədov mərkəzdən qaçmaq istəyəndə oranın əməkdaşları onu tutaraq döyüb, ayağından asıb, 18 saat bu vəziyyətdə saxlayıblar. O, bir gün sonra xəstəxanada keçinib.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Məhkəmə

Qan xərçəngindən əziyyət çəkən uşaqlara görə yığılmış pulların aqibəti necə oldu? 

29 Fevral 2024

Açıq mənbələrdən götürülüb

Bakı Ağır Cinayətlər Məhkəməsində Nuridə Seyidovanın, Aynur Bayramovanın və Aysel Məmmədovanın məhkəməsi başlayıb.  Məhkəmə iclasına hakim Azad Məcidov sədrlik edir. Bu xanımlar talassemiyalı uşaqların xaricdə müalicəsi adı altında ayrı-ayrı vətəndaşlardan alınmış ümumilikdə 1 milyon manat civarında pulu dələduzluq yolu ilə ələ keçirməkdə təqsirləndirilirlər. Xanımlara qarşı Cinayət Məcəlləsinin külli miqdarda ziyan vurmaqla dələduzluğa görə 178.3.2-ci maddəsi ilə ittiham irəli sürülüb. Hər şey ondan başlayıb ki, ötən ilin fevralında bir qrup vətəndaş “Urmedhelp” və “My Doc Tour Medical Tourism” şirkətlərinin sahibi Nuridə Seyidovadan, Aynur Bayramovadan, Aysel Məmmədovadan Prezidentə və Vitse-Prezidentə, Ombudsmana və başqa hüquq-mühafizə orqanlarına şikayətçi düşüb. Məsələn, 10 yaşlı övladı qan...
Məhkəmə

“Tərtər mollaları” işi üzrə məhkəmə davam edir 

28 Fevral 2024

Açıq mənbələrdən götürülüb

Bakı Ağır Cinayətlər Məhkəməsində Xəqani Məmmədov, Sənan Məmmədov, İqbal Axundov, Arif Cümşüdov, Tərzan Qaraşov və Anar İsayevin cinayət işi üzrə məhkəmə prosesi keçirilir. Məhkəmə iclasına Şəlalə Həsənova sədrlik edir. İbtidai istintaqın qənaətinə görə, bu şəxslər Azərbaycanda “Kərimə” dövləti qurmaq istəyən dəstə üzvləri olub. Mühakimə olunanlar Tərtər rayonundan olduqlarından və orada dini mərasimlərdə mollalıq etdiklərindən işə şərti olaraq “Tərtər mollaları” adı verilib.   Təqsirləndirilən şəxslərin bəzilərinə Cinayət Məcəlləsinin 274-cü (dövlətə xəyanət) maddəsiylə yanaşı 234-cü maddə də verilib.  İttiham aktında qeyd olunur ki, İranda yaşayan, həmin ölkənin xüsusi xidmət orqanları ilə əməkdaşlıq edən Rufulla Axundzadə və Bəxtiyar Bayramov Tərtər rayon sakini Arif...

Seçilmiş Videolar

Toplum TV loqo