Məhkəmə

Səlim Müslümov işində şahid: “20 min manat verib DSMF-nin şöbə müdiri oldum”

Leyli Cəfərova
28 Noyabr, 2022
217

Toplum TV - Səlim Müslümov

Bakı Ağır Cinayətlər Məhkəməsində keçmiş nazir Səlim Müslümovun məhkəməsi davam edir. Məhkəmə iclasına hakim Faiq Qəniyev sədrlik edir. 

Məhkəmə hələ də şahidləri dindirir. Bu günkü məhkəmə prosesində Şükür Osmanov ifadə verərək göstərib ki, əlillər üçün Şabranda 5 fərdi ev tikiblər. Rayon rəhbərliyinin iştirakıyla evlər əlillərə təhvil edilib. Hakim şahidin nəzərinə çatdırıb ki, istintaq zamanı tenderlərdə iştirak edən və onun sahibi olduğu tikinti şirkətində 12 min 201 manatlıq çatışmazlıq aşkar edilib. 

Barmaqlar ölən şahidə tuşlanır 

Hakim şahiddən Maliyyə Nazirliyinin apardığı yoxlamalarda iştirak edib-etmədiyini soruşub. Şükür Osmanov cavabında deyib ki, tikinti şirkətnin sahibi Müşfiq Qurbanov (dünyasını dəyişib) olub. 

Şahid: - Tenderlərdə də Müşfiq Qurbanov iştirak edib. Mən onun işçisi olmuşam. 

Hakim: - Axı rəsmi sənədlərdə adınız şirkətin təsisçisi kimi qeyd olunub. Vəzifəli şəxslərə bununla bağlı israfçılıq ittihamı verilsə də, mənimsəmə faktı sizin üzərinizdə qalır. 

Şahidsə çiyinlərini çəkərək susub. 

Eyni epizod üzdə Elxan Dadaşov da dindirilib. O, deyib ki, heç nədən xəbəri yoxdur və bütün işləri Müşfiq Qurbanov görüb. 

Məhkəmənin dindirdiyi daha bir şahidsə Fikrət Qurbanov olub. Deməsinə görə, 50 ildir ki, Gəncədə aptek müdiri işləyir. Hakim onun ibtidai istintaqa verdiyi ifadəsini elan edib. Həmin ifadəyə görə onun Gəncə Əlillərin Bərpa Mərkəzi ilə dərman müqaviləsi olub. Mərkəzin dərmana görə ödədiyi 5 min 800 manatın 1450 manatını “otkat” olaraq geri qaytarıb. Elxan Dadaşov məhkəmədə deyib ki, belə bir ifadə verməyib: “And olsun vicdanıma ki, mən belə söz deməmişəm. Hər dəfə mərkəzin rəhbərliyinə 200-300 manatlıq qaimə-faktura göndərmişəm, vəssalam”. 

Qazi evlərində qiymət fərqi 

Digər şahid Rüfət Kərimov ifadəsində göstərib ki, Nazirliyin Tikilməkdə Olan Obyektlərin İdarəsinin texniki nəzarət şöbəsinin müdiri olub. “Natiq Əzizov rəisim idi. Qarabağ əlillərinə mənzillər alınmalı idi. Bununla bağlı tender elan olundu. Mən də evlərin alqı-satqısı ilə bağlı notariusda Nazirliyin nümayəndəsi kimi iştirak etmişəm”. 

Şahid deyib ki, Sumqayıt, Gəncə, Mingəçevir şəhərlərində evlərin-alqı satqısına nəzarət edib: “Mənim əsas vəzifəm sənədlərə nəzarət etmək olub. Bununla bağlı sənədlərə nəzarət etmişəm. Sənədlərdə olan uyğunsuzluqlar müəyyən etmişəm və aradan qaldırmışam. Belə bir fakt Mingəçevir şəhərində baş verdi. Orada satılan evin qiymətinin uyğun olmadığını müəyyən etdim. Buna görə sənədlərin dəyişdirilməsini həyata keçirmişəm”. 

Şahid daha sonra qeyd edib ki, Mingəçevir və Gəncə şəhərinə evləri almaq üçün podratçı Rövşən Xəlilovla birgə gedib. 

Hakim: - Rövşən Xəlilov Nazirliyin işçisi olmayıb, bu işlərlə əlaqəsi olmayan bir adam sizinlə niyə gedirdi? 

Şahid: - Natiq Əzizov belə göstəriş vermişdi. Gəncə və Mingəçevirdə ev alqı-satqısı işlərinə Rövşən Xəlilov nəzarət edirdi. 

Şahid Ramil Salmanov isə əvvəllər DSMF-nin Salyan rayon şöbəsində məsləhətçi kimi işləyib: “Sonradan 20 min manat verib DSMF-nin Neftçala rayon şöbəsinə müdir keçdim”. 

Şəhid ailələrinə tikilən evlərdən nə qazanılırdı?

Digər şahid Səfayət Şıxalıyevin şirkət rəhbəri olduğu bildirilib. Onun şirkəti ilk olaraq şəhid ailəsi üzvləri və müharibə iştirakçıları üçün 24 ev tikib. Bildirilib ki, evlərin tikintisinə görə nazirlik rəsmisi Natiq Əzizova 63 min manat verilib.

Salyan və Neftçala rayonlarında tikilmiş 28 evə görə isə Natiq Əzizova 84 min manat çatdırılıb. 

Şahid dindirmələri bitdikdən sonra hakim növbəti məhkəmə iclasını dekabrın 5-nə təyin edib. 

Cinayət işinin tarixçəsi 

Səlim Müslümovu 2021-ci ilin fevralında DTX həbs edib. Mənimsəmə, rüşvətalma, vəzifədən sui-istifadə cinayətlərində təqsirli bilinir. İş üzrə ümumilikdə 27 milyon manat təşkil edən dəymiş ziyanın 20 milyon manatı həbsdə olduğu müddətdə keçmiş nazir tərəfindən Maliyyə Nazirliyinin depozit hesabına ödənilib. Bundan sonra o, “səhhətindəki problemlərə görə” adı altında ev dustaqlığına buraxılıb. Maliyyə Nazirliyi zərərçəkmiş tərəf kimi tanınır və qurum qalan 7 milyon manatın da keçmiş nazir tərəfindən ödənilməsini tələb edir. 

Hələ məhkəmənin ilk baxış iclasında hakim keçmiş nazir Səlim Müslümova ifadə verməyi təklif etsə də, o, özünü təqsirli bilməyib, bütün dindirmələr bitəndən sonra ifadə verəcəyini deyib. 


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Məhkəmə

Məhkəmə: Saxta müqavilələr,  maliyyə arayışları, təkrar satılan mənzillər

Leyli Cəfərova
28 Yanvar 2023

Açıq mənbələrdən götürülüb

“Sahil-S İnşaat” MTK-nın sədri Taley Alaverdiyevin, “GG Company” MMC-nin direktoru Pənah Kərimovun, V“Star-M” MTK və “ŞANS” MTK-nın sahibi Məhərrəm Məhərrəmovun cinayət işi üzrə ibtidai istintaq başa çatıb. Bu işlər məhkəmə baxışına göndərilib.  Sahibkarlar Bakı Ağır Cinayətlər Məhkəməsində mühakimə olunacaq. Taley Alaverdiyevlə Pənah Kərimov eyni müttəhimlər kürsüsünü bölüşəcək. Şirkət sahibləri əlbirlikdə təqsirləndirilir.  V“Star-M” MTK və “ŞANS” MTK-nın sahibi Məhərrəm Məhərrəmovun işisə başqa icraatdadır.   İttiham aktında göstərilib ki, “Sahil-S” İnşaat Mənzil Tikinti Kooperativinin vəzifəli şəxslərinin qanunsuz əməlləri ilə əlaqədar Baş prokuror yanında Korrupsiyaya qarşı Mübarizə Baş İdarəsinin “161-Qaynar xətt” əlaqə mərkəzinə çoxsaylı müraciətlər daxil olub.  Aparılan istintaq-əməliyyat tədbirləri ilə Taley Alaverdiyevin Pənah...
Məhkəmə

Əlillərin Bərpa Mərkəzinin baş həkimi bir ildə iki dəfə məhkum edildi

Leyli Cəfərova
28 Yanvar 2023

Açıq mənbələrdən götürülüb

“Düşündük ki, vəzifəli adamdır, əli hər yerə çatır, inandıq, hər pul istəyəndə verdik ki, işlərimizi düzəltsin”.     Bu sözləri məhkəmədə Rəfiqə Seyidova deyib. O, tanışı Könül Abbasova tərəfindən aldadıldığını iddia edib.     Könül Abbasova Əmək və Əhalinin Sosial Müdafiəsi Nazirliyinin Dövlət Tibbi-Sosial Ekspertiza və Reabilitasiya Xidmətinin Şirvan Şəhər Əlillərin Bərpa Mərkəzinin baş həkimi olub. Elə həmin vəzifədə işləyərkən Rəfiqə Seyidovanın inamını qazanıb. Bu münasibətlərsə müttəhimlər kürsüsünədək davam edib. İndi tərəflərdən biri zərərçəkmiş, digəri məhbusdur.     Bakı Ağır Cinayətlər Məhkəməsində mühakiməsi keçirilən Könül Abbasova baş həkim işləyərkən ərinə, kürəkəninə, oğlanlarına iş axtaran Rəfiqə Seyidovaya deyib ki, ətrafında rüşvətlə adamları yaxşı işə...

Seçilmiş Videolar

Toplum TV loqo